ປາ ອາຫານຂອງຄົນຖືພາ

ທຸກ​ຄົນ​ຮູ້​ກັນ​ດີ​ຢູ່​ແລ້ວ​ວ່າ​ ປາ​ ນັ້ນ​ໃຫ້​ປະໂຫຍດ​ຫລວງ​ຫລາຍ​ແຕ່​ຮູ້​ກັນ​ຫລື​ບໍ່​​ວ່າ... ແມ່ນແຕ່​​ແມ່​ທີ່ຖືພາກໍ​ຄວນ​ກິນ​ປາ​ຄື​ກັນ​ ມາ​ເບິ່ງ​ກັນ​ສິ​ວ່າ​ເຫດຜົນ​ຫຍັງ​ແດ່​ທີ່​​ແມ່​ຄວນ​ກິນ​ປາ​ໃນ​ຊ່ວງ​ຖືພາແລະ​ວິທີ​ກິນ​ປາ​ເພື່ອ​ອ​ສຸຂະພາບ​ທີ່​ດີ​ນັ້ນ​ເຮັດ​ໄດ້​ງ່າຍໆ​ແນວໃດ.​

ສານ​ອາຫານ​ໃນ​ ປ.​ ປາ​

ໂອ​ເມ​ກ້າ​ ມີ​ຢູ່​ຫລາຍ​ໃນ​ປາ​ທະ​ເລ​ ເຊັ່ນ​ ປາ​ທູ​ໜ້າ​, ປາ​ໂອ,​ ປາ​ແຊວມ​ອນ​ແລະ​ປາ​ທູ​ ທັງ​ຍັງ​ອຸດົມ​ໄປ​ດ້ວຍ​ດີ​ເອສ​ເອ​ ສານ​ອາຫານ​ທີ່​ຈຳ​ເປັນ​ຕໍ່​ພັດທະນາ​ການ​ສະຫມອງ​ແລະ​ຈໍ​ປະສາດ​ຕາ​ຂອງ​ລູກ​ນ້ອຍ​.​

ໂປຼຣ​ຕິນ​ທີ່​ໄດ້​ຈາກ​ເນື້ອບປາ​ ເປັນ​ໂປຼຣ​ຕິນ​ທີ່​ດີ​ມີ​ໄຂ​ມັນ​ຕຳ່ ຮ່າງກາຍ​ນຳ​ໄປ​ໃຊ້​ສ້າງ​ເນື້ອ​ເຢື້ອ​ສ່ວນ​ຕ່າງ​ໆ​ ຫາກ​ກິນ​ບໍ່​ພໍ​ອາດ​ເຮັດໃຫ້​ເດັກນ້ອຍ​ມີ​ນ້ຳ​ໜັກ​ໜ້ອຍໄດ້​.

ສານ​ອາຫານ​ແລະ​ວິ​ຕາ​ມິນ​ຕ່າງ​ໆ​ ບໍ່​ວ່າ​ຈະ​ເປັນ​ແຄວ​ຊຽມ​, ຟອດ​ຟໍ​ຮັສ​, ໄອ​ໂອ​ດີນ,​ ວິ​ຕາ​ມິນ​ເອ,​ ວິ​ຕາ​ມິນ​ບີ​1 ບີ​2 ບີ​6 ແລະ​ວິ​ຕາ​ມິນ​ດີ​ ທີ່​ຊ່ວຍ​ສ້າງ​ກະດູກ​ແລະ​ແຂ້ວ​ໃຫ້​ເດັກນ້ອຍ.​

ກິນ​ປາ​ເພື່ອ​ສຸຂະພາບ​

- ຕ້ອງ​ເຮັດໃຫ້​ສຸກ​ທຸກ​ເທື່ອ​ ເພື່ອ​ຫຼີກ​ລ້ຽງ​ອັນຕະລາຍ​ຈາກ​ເຊື້ອ​ພະຍາດ​ແລະ​ພະຍາດ​ທີ່​ຕິດ​ຢູ່ໃນ​ຕົວ​ປາ.​

- ຄວນ​ພິຈາລະນາ​ເຖິງ​ແຫຼ່ງ​ອາຫານ​ທີ່​ໄດ້​ມາດຕະຖານ​ ມີ​ຄວາມ​ປອດໄ​ພ​ຕໍ່​ສຸຂະພາບ​ດ້ວຍ​ ເພາະ​ຫຼາຍ​ຮ້ານ​ມັກ​ນຳ​ຟໍ​​ມາ​ລິນ​ມາ​ໃຊ້​ໃນ​ການ​ຂາຍ.​

- ເພື່ອ​ສຸຂະລັກສະນະ​ທີ່​ດີ​ຂອງ​ການ​ເກັບ​ຮັກສາ​ປາ​ ສ່ວນ​ທີ່​ເຫຼືອ​ຈາກ​ການ​ປຸງ​ ຄວນ​ນຳ​ປາ​ໃສ່​ກ່ອງ​ພປຼາ​ສະຕິ​ກ​ທີ່​ມີ​ຝາ​ປິດ​ແໜ້ນ​ຫລື​ຖົງປຼາ​ສະຕິ​ກພ້ອມມັດ​ປາກ​ຖົງ​ ນຳ​ໄປ​ແຊ່​ໃນ​ຊ່ອງ​ແຊ່​ແຂງ​ ຂຽນ​ຊະນິດ​ຂອງ​ປາ​ແລະ​ວັນທີ​ເອົາ​ໄວ້​ ກໍແຮງ​ຊ່ວຍ​ໃຫ້​ສະ​ດວກ​ຕໍ່​ການ​ຈັບ​ມາປຸງ​ອາຫານ​ເທື່ອ​ຕໍ່​ໆ​ໄປ.​

ແນະ​ນຳ​ເມ​ນູປາ​

ໂຈ໊ກ​ປາ​ຫລື​ເຂົ້າ​ຕົ້ມ​ປາ​ ແຊບ​ໄດ້​ຄຸນຄ່າ​ພ້ອມ​ໃຫ້​ຄວາມ​ອົບ​ອຸ່ນ​ກັບ​ຮ່າງກາຍ​ໃນ​ມື້​ເຊົ້າ​

ມ່ຽງ​ປາ​ ທີ່​ສາມາດ​ຄີ​ເອດ​ເປັນ​ເນື້ອປາ​ທີ່ມັກ​ ເ​ສິ​ບ​ພ້ອມ​ຜັກ​ຊະນິດ​ຕ່າງ​ໆ​ເຊັ່ນ​ ຫົວກາລົດ,​ ໝາກແຕງແລະອື່ນ​ໆ​ ກໍ​ຈັດ​ວ່າ​ເປັນ​ເມ​ນູ​ທີ່​ດີ​ຕໍ່​ສຸຂະ ພາບ​ ໄດ້​ທັງ​ວິ​ຕາ​ມິນ​ຈາກ​ຜັກ​ແລະ​ສານ​ອາຫານ​ຈາກ​ເນື້ອປາ​ ແຕ່​ຢ່າ​ລືມ​ຫຼຸດ​ຄວາມ​ຈີ໊ດ​ຈ໊າດ​ຂອງ​ນ້ຳ​ຈິ້ມ​ສຳລັບ​​ແມ່ຖືພາ​ດ້ວຍ​.

ຫາກ​​ແມ່ຄົນ​ໃດ​ທີ່​ມີ​ບັນຫາ​ເລື່ອງ​ຂອງ​ກິ່ນ​ແນະ​ນຳ​ວ່າ​ ຄວນ​ຝືນ​ກິນ​ປາ​ໃຫ້​ເລື້ອຍໆ​ຂຶ້ນ​ ທັງຫມົດ​ທັງ​ກິນ​ຊີ້ນ​ສັດ,​ ໄຂ່,​ ນົມ​, ເພີ່ມ​ຂຶ້ນ​ ເພື່ອ​ສຸຂະພາບ​ຂອງ​ແມ່​ແລະ​ລູກ​ນ້ອຍ​ນັ້ນ​ເອງ.​

========================================================================================================