ປາລາໂມເລັງດຶງເບີບແບບຟຣີໆ

ສື່ປູດຂ່າວ ປາລາໂມ ກຽມເດີນໜ້າດຶງ ດີມິທາ ເບີບາຕອບ ອະດີດກອງໜ້າຂອງ ທັອດແນມ ຮັອດສະເປີ ກັບ ແມນເຊສເຕີ ຢູໄນເຕັດ ມາເສີມແດນໜ້າແບບບໍ່ມີຄ່າໂຕ ໂດຍໃນເວລານີ້ທີມແດນກະໂລນີໄດ້ລົມກັບນັກເຕະເລື່ອງຍ້າຍທີມແລ້ວ.

 

ປາລາໂມ ສະໂມສອນດັງຂອງ ກັນໂຊ ຊີຣີ ອາ ພ້ອມເດີນໜ້າດຶງໂຕ ດີມິທາ ເບີບາຕອບ ຫົວຫອກໂຕເກົ໋າມາເສີມທັບບໍ່ມີຄ່າໂຕໃຫ້ໄດ້ ຈາກການລາຍງານເມື່ອວັນອາທິດທີ່ຜ່ານມາ.

 

ດາວິເດ ເບົາລາດິນີ ນາຍໃຫຍ່ຊາວອີຕາລີລາອອກຈາກການຄຸມບັງຫຽນ ປາລາໂມ ຫຼັງຈາກຕະຫຼາດຊື້ຂາຍນັກເຕະຊ່ວງຊຳເມີປິດໂຕລົງເພື່ອປະທ້ວງທີ່ຕົ້ນສັງກັດຂາດການເສີມທັບໂດຍສະເພາະໃນແນວບຸກ ຢ່າງໃດກໍຕາມໃນຕອນນີ້ພວກເຂົາຍັງສາມາດເຊັນສັນຍາກັບນັກເຕະແບບບໍ່ມີຄ່າໂຕ ແລະ ຫຼ້າສຸດມີລາຍງານວ່າກຳລັງເຈລະຈາກັບອະດີດກອງໜ້າທີມຊາດເບົາກາເລຍອາຍຸ 35 ປີທີ່ຫາກໍໝົດສັນຍາກັບ ພີເອໂອເຄ ຊາໂລນິກາ ທີມຈາກເກຣັກເພື່ອດຶງມາຫຼິ້ນໃນຖິ່ນ ເຣນໂຊ ບາເບຣາ ແລ້ວ.

 

ທັງນີ້ ເບີບາຕອບ ມີປະສົບການເຕັມໂຕທັງກັບ ຊີເອສເຄເອ ໂຊເຟຍ, ໄບເອີ ເລເວີຄູເຊັນ, ທັອດແນມ ຮັອດສະເປີ, ແມນເຊສເຕີ ຢູໄນເຕັດ, ຟູແລມ, ອາແອສ ໂມນາໂກ ອີກທັງບໍ່ເທົ່າໃດປີຜ່ານມາເຂົາເກືອບຍ້າຍໄປຫຼິ້ນກັບ ຟິອໍເລັນຕິນາ ແຕ່ປ່ຽນໃຈຂະນະຢູ່ທີ່ສະໜາມບິນ.