ປັດ​ໄຈ​ສ່ຽງ​ພະຍາດ​ກະດູກ​ພຸນ​

ງານ​ວິ​ໄຈ​ລ່າ​ສຸດ​ ພົບ​ເພີ່ມ​ອີກ​ປັດ​ໄຈ​ໃນ​ຄົນ​ຕຸ້ຍ​ກໍ່​ຄວາມ​ສ່ຽງ​ເກີດ​ກະດູກ​ພຸນ​ ຮູ້​ກັນ​ດີ​ວ່າ​ "ພະຍາດ​ຕຸ້ຍ​" ເປັນ​ຈຸດ​ເລີ່ມ​ຕົ້ນ​ຂອງ​ພະ ຍາດ​ຊຳເຮື້ອ​ຫລວງ​ຫລາຍ​ ພະຍາດ​ຫົວ​ໃຈ, ພະຍາດ​ເບົາ​ຫວານ​ແລະ​ລ່າ​ສຸດ​ຕ້ອງ​ເພີ່ມ​ອັນຕະລາຍ​ຈາກ​ຄວາມ​ຕຸ້ຍໄປ​ອີກ​ຂໍ້​ ນັ້ນ​ຄື​ "ກະດູກ​ພຸນ​" ຕາມ​ທີ່​ນິດ​ຕະ​ສານໄດ້​ເຜີຍ​ຜົນ​ວິ​ໄຈໜ້າ​ຮູ້​ຂອງ​ມະຫາ​ວິທະຍາ​ໄລ​ໂກ​ເທນ​ເ​ບິ​ກ​ ປະເທດ​ສ​ະວີ​ເດນ​ວ່າ:
ຄວາມ​ສ່ຽງ​ຕໍ່​ພະຍາດ​ກະດູກ​ພຸນກ່ຽວ​ຂ້ອງ​ກັບ​ຮໍ​​ໂມນ​ແຫ່ງ​ຄວາມຕຸ້ຍຊື່​ "ອະ​ໄດ​ໂປ​ເນັກ​ຕິນ​"ເມື່ອ​ລະ​ດັບ​ຮໍ​​ໂມນ​ດັ່ງ​ກ່າວ​ເພີ່ມ​ສູງ​ຂຶ້ນ​ໃນ​ເລືອດ​ ຄວາມ​ສ່ຽງ​ເກີດ​ພະຍາດ​ກະດູກ​ພຸນ​ກໍ່​ຈະ​ເພີ່ມ​ຂຶ້ນ​ຕາມ​ໄປ.
ການ​ວິໄ​ຈ​ນີ້​ເປັນ​ໂຄງ​ການ​ລະ​ດັບ​ນານາ​ຊາດ​ບ່ອນ​ເຮັດວຽກ​ສຶກ​ສາ​ຊາຍ​ຈຳນວນ​ 11,000 ຄົນ​ ຈາກ​ສ​ຫະລັດ​ອ​າເມ​ຣິ​ກາ​, ສະ​ວີ​ເດນ​ແລະ​ຮ່ອງ​ກົງ​ ໂດຍ​ຜົນ​ວິ​ໄຈ​ສະແດງ​ໃຫ້​ເຫັນ​ວ່າ​ ຮໍ​ໂມນ​ອະ​ໄດ​ໂປ​ເນັກ​ຕິນ​ໃນ​ລະ​ດັບ​ສູງ​ທີ່​ມີ​ຫລາຍ​ໃນ​ຄົນ​ຕຸ້ຍສົ່ງ​ຜົນ​ໃຫ້​ໂຄງ​ສ້າງ​ກະ ດູກ​ແລະ​ກ້າມ​ເນື້ອບໍ່​ແຂງ​ແຮງ​ ມວນ​ກ້າມ​ເນື້ອນ້ອຍ​ ເພີ່ມ​ຄວາມ​ສ່ຽງ​ກະດູກ​ພຸນ,​ ຫັກ,​ ແຕກ​ງ່າຍ.
ຢ່າງໃດ​ກໍ່​ຕາມ​ໂຄງ​ສ້າງ​ຂອງ​ກະດູກ​ນັ້ນ​ບໍ່​ໄດ້​ໝາຍ​ເຖິງ​ກະດູກ​, ໝອນ​ຮອງ​ກະດູກ​ແລະ​ຂໍ້​ຕໍ່​ພຽງ​ເທົ່າ​ນັ້ນ​ ແຕ່​ກະດູກ​ຍັງ​ເປັນ​ອະໄວ ຍະວະ​ທີ່​ມີ​ປະຕິ​ສຳພັນ​ກັບ​ສະຫມອງ​ ກ້າມເນື້ອ​ ແລະ​ເນື້ອ​ເຍື້ອ​ໄຂ​ມັນ​ ເປັນ​ແຫຼ່ງ​ຜະລິດ​ຮໍ​​ໂມນ​ຕ່າງ​ໆ​ ທີ່​ສົ່ງ​ສັນຍາ​ນ​ໄປ​ທີ່​ອະໄວຍະວະ​ອື່ນ​ເພື່ອ​ຄວບ​ຄຸມ​ນ້ຳ​ຕານ​ໃນ​ເລືອດ​ແລະ​ຄວາມຕຸ້ຍ​ ສະ​ນັ້ນ​ຫາກ​ກະດູກ​ໄດ້ຮັບ​ຜົນ​ກະທົບ​ອັນ​ໃດ​ ກໍ່​ຄວນ​ສົ່ງ​ຜົນ​ຕໍ່​ສ່ວນ​ອື່ນ​ທີ່​ມີ​ຄວາມ​ກ່ຽວ​ຂ້ອງ​ກັບ​ກະດູກ​ໄປ​ດ້ວຍ.

ດັ່ງ​ນັ້ນ​ ຖ້າ​ບໍ່​ຢາກ​ກະດູກ​ພຸນ​ ຫັກ​ງ່າຍ​ໃນ​ຕອນ​ແກ່​ໃຜ​ຕຸ້ຍ​ຄວນ​ຕັ້ງ​ໃຈ​ຫຼຸດ​ຄວາມ​ຕຸ້ຍ​​ຕັ້ງ​ແຕ່​ມື້​ນີ້.​

===================================================================================