ປະ​ໂຫຍ​ດຂອງ ​ໝາກອະ​ໂວຄາ​ໂດ ທີ່​ດີ​ຕໍ່​ສຸຂະພາບ

ປະໂຫຍດຂອງໝາກອະໂວຄາໂດ

ສໍາລັບໝາກອະໂວຄາໂດ ຫຼື ອາດຈະໃຊ້ຄໍາວ່າ "ອາໂວຄາໂດ" ນີ້​ແຕ່​ກ່ອນໃນບ້ານເຮົາອາດຈະບໍ່ຄ່ອຍໄດ້​ເຫັນ​ຕະຫຼອດເພາະວ່າບໍ່​ແມ່ນໝາກຂອງບ້ານເຮົາແຕ່ກໍສາມາດທີ່ປູກ​ໄດ້ ແລະ ສາມາດທີ່ຈະຫາຊື້ໄດ້ງ່າຍໃນປັດຈຸບັນນີ້ຕາມທ້ອງຕະຫຼາດ ຫຼື ວ່າຫ້າງສັບພະສິນຄ້າທົ່ວໄປໄດ້ມີລາຄາທີ່ບໍ່ແພງຫຼາຍຫາໄປຊື້ແຫຼ່ງທີ່ປູກ​ເລີຍ​ກໍຈະມີ​ລາຄາຖືກຫຼາຍ. ລົດຊາດເປັນຈັ່ງໃດນັ້ນລອງຊື້ມາຮັບປະທານເບິ່ງທີ່ແນະນໍາເພາະວ່າມີປະ​ໂຫຍດສໍາຫລັບຜູ້ບໍລິໂພກໃນເລື່ອງສຸຂະພາບຢ່າງທີ່ເຮົາບໍ່ຄາດຄິດເພາະວ່າທາງຕ່າງປະເທດນິຍົມກິນບໍາລຸງສຸຂະພາບ. ເນື່ອງຈາກວ່າຄວາມເຂົ້າໃຈຜິດຂອງອະໂວຄາໂດ ໃນເມື່ອກ່ອນວ່າເປັນທີ່ເປັນອັນຕະລາຍຕໍ່ສຸຂະພາບ ແລະ ວ່າເປັນໝາກໄມ້ທີ່ໃຫ້ໄຂມັນອິ່ມຕົວແລະ ໃຫ້ແຄລໍລີ່ສູງສົ່ງຜົນກະທົບຕໍ່ຮ່າງກາຍເຮັດໃຫ້ຕຸ້ຍ ແລະ ເປັນໂລກຫົວ​ໃຈ​ໄດ້​ງ່າຍຈຶ່ງບໍ່ຄ່ອຍນິຍົມກັນເມື່ອກ່ອນແຕ່ມີການວິໄຈອອກມາວ່າເປັນເລື່ອງທີ່ເຂົ້າໃຈຜິດເປັນຢ່າງຍິ່ງເພາະວ່າອະໂວຄາໂດນັ້ນເປັນໝາກໄມ້ທີ່ມີໄຂມັນອິ່ມຕົວທີ່ບໍ່ເປັນອັນຕະລາຍຕໍ່ສຸຂະພາບ​ເຊິ່ງເປັນການລົບຄວາມເຊື່ອທີ່ຜ່ານມາເຮັດໃຫ້ຜູ້ຊ່ຽວຊານ ດ້ານສຸຂະພາບຕ່າງໆໄດ້ອອກມາຍອມຮັບປະໂຫຍດຂອງອະໂວຄາໂດນັ້ນເປັນໝາກໄມ້ທີ່ດີຄວນຈະກິນທຸກວັນດ້ວຍຊ້ໍາ.

- ປະໂຫຍດທີ່ເດັ່ນໆນັ້ນດັ່ງທີ່ກ່າວໄປມັນມີໄຂມັນທີ່ອິ່ມຕົວທີ່ເປັນປະໂຫຍດຕໍ່ຮ່າງກາຍຊ່ວຍໃຫ້ຜິວໜັງ​ຂອງ​ເຮົານັ້ນຊຸ່ມຊື່ນມີນ້ໍາມີນວນມີຄວາມຈໍາເປັນສໍາຫລັບການບໍາລຸງຫົວໃຈເປັນຢ່າງດີນອກຈາກນັ້ນຍັງຊ່ວຍໃຫ້ຜິວມີສຸຂະພາບແຂງແຮງ, ການປ້ອງກັນແສງແດດຊ່ວຍໃນການສັງເຄາະວິຕາມິນດີຈາກ​ແສງແດດມີສານອາຫານທີ່ສໍາຄັນຄືກົດ​ໄຂມັນໂອເມກ້າ 3 ແລະ ໂອເມກ້າ 6 ສາມາດທີ່ຈະກະຕຸ້ນການ​ໄຫຼ​ວຽນ​ເລືອດ ​ແລະ ຂະຫຍາຍ​ຫຼອ​​ດ​ເລືອດ. ມີສ່ວນໃນການບໍາລຸງລະບົບປະສາດ ແລະ ສະໝອງໃຫ້ເຮັດວຽກໄດ້ດີໂດຍທີ່ບໍ່ຕ້ອງ​ເພິ່ງອາຫານເສີມ.

ເຫດຜົນທີ່ເຮົາຄວນບໍລິໂພກອະໂວຄາໂດຢ່າງສະໝໍ່າສະເຫມີ

- ບໍາລຸງສະໝອງ ແລະ ປ້ອງກັນໂລກສະຫມອງເສື່ອມມີການຄົ້ນຄວ້າວ່າການບໍລິໂພກອະໂວກາໂດຢ່າງສະຫມໍາສະເຫມີນັ້ນຈະຊ່ວຍປ້ອງກັນໂລກສະຫມອງເພາະວ່າມີກົດໂຣລິກສູງໃນອະໂວກາໂດຊ່ວຍຮັກສາເນື້ອເຍື້ອຊຶ່ງຊ່ວຍປ້ອງກັນລະບົບປະສາດແລະສະຫມອງເສື່ອມຈຶ່ງເຮັດໃຫ້ການເຮັດວຽກຂອງສະຫມອງມີຄວາມວ່ອງໄວແລະບໍ່ເມື່ອຍລ້າຫາກໃຊ້ສະຫມອງຢ່າງຫນັກ.

- ຊ່ວຍໃນການເຜົາຜານລະບົບຂອງຮ່າງກາຍເພາະວ່າໃນອະໂວຄາໂດມີເອັນໄຊທີ່ຊ່ວຍໃນການເຮັດວຽກລະບົບຍ່ອຍອາຫານຈຶ່ງເຫມາະສົມໃນການລົດນ້ໍາຫນັກແລະຊ່ວຍໃຫ້ຮ່າງກາຍມີຄວາມສົດຊື່ນສົດໃສມີຜິວພັນທີ່ດີອີກດ້ວຍ.

- ອະໂວຄາໂດນັ້ນມີໂປຕີນທີ່ສູງ ແລະ ມີກົດອະມິໂນສໍາລັບຮ່າງກາຍໃນການຍ່ອຍໂປຕີນທີ່ດີຂຶ້ນ ແລະ ຊ່ວຍໃຫ້ຕັບອ່ອນເຮັດວຽກຢ່າງມີປະສິດທິພາບຊ່ວຍຕໍ່ຕ້ານ​​ເຊ​ວລ໌ມະເລັງຕ່າງໆມີວິຕາມິນອີທີ່ຕໍ່ຕ້ານອະນຸມູນອິດສະລະເຮັດໃຫ້ປ້ອງກັນ​​ເຊ​ວລ໌ມະເລັງທີ່ຈະເກີດນັ້ນມີໂອກາດເປັນນ້ອຍລົງໄດ້.