ປະໂຫຍດ ແລະ ສັບພະຄຸນຂອງກະຈຽບແດງ

ກະຈຽບແດງ ຫຼື ສົ້ມພໍດີມີປະໂຫຍດ ແລະ ສັບພະຄຸນຫຼາຍຢ່າງດັ່ງນີ້

ໃບ-ຊ່ວຍໃຫ້ລະບົບຍ່ອຍອາຫານດີຂື້ນ ເຮັດໃຫ້ລະບົບໄຫຼວຽນຂອງເລືອດດີຂື້ນ ຂັບປັດສະວະ ມີລົດຊາດສົ້ມ ນອກຈາກນີ້ຍັງສາມາດນໍາມາຕົ້ມເພື່ອລ້າງບາດແຜ ລວມເຖິງເອົາມາຕໍາແລ້ວເອົາໄປພອກຝີໄດ້ອີກດ້ວຍ

ກີບລ້ຽງ-ຊ່ວຍຫຼຸດໄຂ້ ແກ້ໄອ ແກ້ເສມຫະຂັບນໍ້າບີ ລວມເຖິງຂັບປັດສະວະ ຂັບໜິວໃນກະເພາະປັດສະວະ ແລະ ໃນໄຕ ຂັບເມືອກມັນອອກຈາກລໍາໄສ້ລົງສູ່ທະວານໜັກຕະຫຼອດທັງຊ່ວຍດັບການກະຫາຍນໍ້າ ມີລົດຊາດສົ້ມ

ເມັດ-ເປັນຢາລະບາຍ ຊ່ວຍກະຕຸ້ນອາລົມທາງເພດ ຊ່ວຍຂັບເຫື່ອ ຫຼຸດໄຂມັນໃນເລືອດ ບໍາລຸງທາດ ແລະ ໂລຫິດ ຊ່ວຍຂັບນໍ້າບີ ແລະ ປັດສະວະ ແກ້ລະບົບທາງເດີນປັດສະວະອັກເສບ

ດອກ-ຊ່ວຍຂັບເມືອກມັນອອກຈາກລໍາໄສ້ສູ່ທະວານໜັກ

ໝາກ-ຊ່ວຍບໍາລຸງທາດ ແລະ ຮ່າງກາຍໃຫ້ແຂງແຮງຫຼຸດໄຂມັນໃນເສັ້ນເລືອດ ຮັກສາບາດແຜໃນກະເພາະອາຫານ ລວມເຖິງແກ້ກະຫາຍນໍ້າ

ນອກຈາກນີ້ໃນກະຈຽບແດງມີສານແອນໂທໄຊຍານິນ ແລະ ໂພລີຟິນອນ ຊຶ່ງທ/ມີອິດທີລິດໃນການນຕ້ານອະນຸມູນອິດສະຫຼະ ຊ່ວຍປ້ອງກັນມະເຮັງ ແລະ ຍັງຊ່ວຍບໍ່ໃຫ້ແກ່ກ່ອນໄວອີກດ້ວຍ ແຕ່ເຖິງຢ່າງໃດກໍ່ຕາມໃນກະຈຽມແດງມີອິດທິລິດເປັນຢາລະບາຍ ບໍ່ຄວນຮັບປະທານຫຼາຍເກີນປະລິມານ ເພາະຈະເຮັດໃຫ້ເກີດອາການທ້ອງເສຍໄດ້

 

ບົດຄວາມໃຫມ່ໆ