ປະໂຫຍດ​ 10 ປະ​ການ​ຂອງ​ສຳ​ລີ​ກ້ອນ​ ທີ່​ເຈົ້າ​ຕ້ອງ​ຮ້ອງ​ວ້າວ​

ເຮົາ​ອາດຈະ​ຄຸ້ນ​ເຄີຍກັບ​ສຳ​ລີ​ກ້ອນ​ນ້ອຍ​ໆ​ ຂາວໆ​ ນຸ່ມ​ໆ​ ວ່າ​ເອົາ​ໄວ້​ໃຊ້​ເຮັດ​ຄວາມ​ສະ​ອາດ​ແຜຫລື​ເຊັດ​ເຄື່ອງ​ສຳ​ອາງ​ ແຕ່​ປະໂຫຍດ​ຂອງ​ສຳ​ລີ​ມີ​ອີກ​ສາລະພັດ​ທີ່​ເຈົ້າ​ອາດຈະ​ຍັງ​ບໍ່​ຮູ້​ ໂດຍ​ສະເພາະ​ກັບ​ການ​ໃຊ້​ເຮັດ​ຄວາມ​ສະ​ອາດ​ບ້ານ​ ມື້​ນີ້ຈຶ່ງ​ນຳ​ປະໂຫຍດ​ຂອງ​ສຳ​ລີ​ກັບ​ການເຮັດ​ຄວາມ​ສະ​ອາດ​ບ້ານ​ແລະ​ຂອງ​ໃຊ້​ໃນ​ບ້ານ​ມາ​ຝາກ​ກັນ​ ຖ້າ​ຢາກ​ຮູ້​ວ່າ​ສຳ​ລີ​ກ້ອນ​ກົມ​ໆ​ ຈະ​ຊ່ວຍ​ເຮັດ​ຄວາມ​ສະ​ອາດ​ບ້ານ​ແນວໃດ​ໄດ້​ດ້ວຍ​ ໄປ​ເບິ່ງ​ກັນ​ເລີຍ​.

ກຳຈັດ​ກລິ່ນ​ບໍ່​ພຶງ​ປະສົງ​ໃນ​ຕູ້​ເຢັນ​

ຫາກ​ຕູ້​ເຢັນ​ສົ່ງ​ກິ່ນ​ເໝັນ​ຈາກ​ອາຫານ​ທີ່ສະສົມ ກໍ​ແກ້​ບັນຫາ​ໄດ້​ງ່າຍ​ໆ​ ດ້ວຍ​ການ​ນຳ​ສຳ​ລີ​ໄປ​ຈຸ່ມ​ກັບ​ວາ​ນິນ​ລາສະກັດ​ ແລ້ວ​ນຳ​ໄປ​ວາງ​ຖິ້ມ​ໄວ້​ໃນ​ຕູ້​ເຢັນ​ຈົນ​ກວ່າກິ່ນ​ເໝັນ​ຈະ​ຫາຍ​ໄປ​ຫລື​ຖ້າກິ່ນ​ເໝັນ​ຫາຍ​ໄປ​ແລ້ວ​ ເຫຼືອ​ແຕ່ກິ່ນ​ວາ​ນິນ​ລາ​ຫອມ​ຫວານ​ ບາດ​ນີ້​ເຈົ້າ​ກໍ​ສາ ມາດ​ເລືອກ​ກິ່ນ​ທີ່​ມັກ​ແລ້ວ​ຊຸບ​ສຳ​ລີ​ນຳ​ໄປ​ວາງ​ໄວ້​ໃນ​ຕູ້​ເຢັນ​ໄດ້​ ຕູ້​ເຢັນ​ຈະ​ໄດ້​ມີກິ່ນ​ຫອມ​ໆ​ ຢ່າງ​ທີ່​ຕ້ອງ​ການ​ງ່າຍ​ສຸດ​ໆ.
ເຮັດ​ຄວາມ​ສະ​ອາດ​ລາ​ດຳ​ໃນ​ຮ່ອງ​ກະ​ເບື້ອງ​

ບໍລິເວນ​ທີ່​ເຮັດ​ຄວາມ​ສະ​ອາດ​ໄດ້​ຍາກ​ຢ່າງ​ເຊັ່ນ​ ຮ່ອງ​ກະ​ເບື້ອງ​ ມັກ​ຈະ​ເກີດ​ລາ​ດຳ​ຂຶ້ນ​ເປັນ​ແນວເປິເປື້ອນ ຊຶ່ງ​ເຮົາ​ສາມາດ​ເຮັດ​ຄວາມ​ສະ​ອາດ​ໄດ້​ໂດຍ​ໃຊ້​ສຳ​ລີ​ຊຸບ​ນ້ຳ​ຢາ​ຟອກ​ຂາວ​ ແລ້ວ​ນຳ​ໄປ​ວາງ​ຕາມ​ຮ່ອງ​ກະ​ເບື້ອງ​ທີ່​ມີຄາບລາ​ດຳ​ ຖິ້ມ​ໄວ້​ປະ​ມານ​ 2-3 ຊົ່ວ​ໂມງ​ ໃຫ້​ນ້ຳ​ຢາ​ຟອກ​ຂາວ​ອອກ​ລິດ​ກຳຈັດ​ລາ​ດຳ​ ເມື່ອ​ນຳ​ສຳ​ລີ​ອອກ​ກໍ​ຈະ​ພົບ​ວ່າຄາບລາ​ດຳ​ຕາມ​ຮ່ອງ​ກະ​ເບື້ອງ​ທີ່​ເຄີຍ​ມີ​ ຫາຍ​ວັບ​ ເໝືອນ​ບໍ່​ເຄີຍ​ມີ​ມາ​ກ່ອນ​.​

ຂ້າ​ເຊື້ອ​ແບັກ​ທີ​ເລຍ​ໃຫ້​ເຄື່ອງ​ດູດ​ຝຸ່ນ​

ລອງ​ໃຊ້​ສຳ​ລີ​ຊຸບ​ກິ່ນ​ຫອມ​ໆ​ ແລ້ວ​ໃສ່​ໄວ້​ໃນ​ຖົງ​ເກັບ​ຝຸ່ນ​ຂອງ​ເຄື່ອງ​ດູດ​ຝຸ່ນ​ ເພື່ອ​ຊ່ວຍ​ໃຫ້​ບ້ານ​ມີກິ່ນ​ຫອມ​ສົດ​ຊື່ນ​ທຸກ​ເທື່ອ​ທີ່​ດູດ​ຝຸ່ນ​ຫລື​ຖ້າ​ບໍ່​ຢາກ​ໄດ້​ກິ່ນ​ຫອມ​ຈັດ​ ກໍ່​ສາມາດ​ໃຊ້​ສຳ​ລີ​ຂ້າ​ເຊື້ອ​ພະຍາດ​ໃນ​ຖົງ​ເກັບ​ຝຸ່ນ​ແທນ​ໄດ້​ ໂດຍ​ໃສ່​ກ້ອນ​ສຳ​ລີ​ທີ່​ຊຸ່ມ​ໄປ​ດ້ວຍ​ທີທີດ​ອອຍ​ ໄວ້​ໃນ​ຖົງ​ເກັບ​ຝຸ່ນ​ຈັກ​ 2-3 ກ້ອນ​ ເທົ່າ​ນີ້​ເຊື້ອ​ພະຍາດ​ທີ່​ອາໄສ​ຢູ່ໃນ​ນັ້ນ​ ກໍ່ຈະ​ຄ່ອຍ​ໆ​ ຖືກ​ກຳຈັດ​ໄປ​ຢ່າງ​ງ່າຍ​ດາຍ​.


ຂັດ​ເຄື່ອງ​ເງີນ​ໄດ້​ວາວ​ວັບ​

ເຄື່ອງ​ເງີນ​ທີ່​ໃຊ້​ເປັນ​ເວລາ​ດົນ​ອາດຈະ​ໝົ່ນ​ດຳ​ບໍ່​ວາວ​ໃສ​ເໝືອນ​ເກົ່າ​ ແຕ່​ເຮົາ​ສາມາດ​ຂັດ​ເຄື່ອງ​ເງີນ​ດ້ວຍ​ວິທີ​ການ​ນຳ​ຢາ​ສີ​ແຂ້ວ​ໄປ​ຕາກ​ແດດ​ໃຫ້​ແຫ້ງ​ ພໍ​ແຫ້ງ​ແຂງ​ໄດ້​ທີ່​ແລ້ວ​ກໍ​ນຳ​ມາ​ປະສົມ​ກັບ​ນ້ຳໝາກ​ນາວ​ ຈາກ​ນັ້ນ​ນຳ​ສຳ​ລີ​ມາ​ຊຸບ​ນ້ຳ​ຢາ​ແລ້ວ​ນຳ​ໄປ​ຂັດ​ເຄື່ອງ​ເງີນ​ທີ່​ໝົ່ນ​ໝອງ​ໄດ້​ເລີຍ​ ສຳ​ລີ​ທີ່​ຊຸ່ມ​ໄປ​ດ້ວຍ​ກົດ​ໃນ​ນ້ຳ​ໝາກ​ນາວ​ແລະ​ສານ​ເຄືອບ​ຂາວ​ໃນ​ຢາ​ສີ​ແຂ້ວ​ ຈະ​ຊ່ວຍ​ຄືນ​ຄວາມ​ວາວ​ໃສ​ໃຫ້​ເຄື່ອງ​ເງີນ​ກັບ​ມາ​ເໝືອນ​ໃໝ່​ໄດ້​ດັ່ງ​ເດີມ.​

ເພີ່ມ​ກິ່ນ​ຫອມ​ໃຫ້​ບ້ານ​

ສຳ​ລີ​ກ້ອນ​ກົມໆ​ ເມື່ອ​ນຳ​ໄປ​ຊຸບ​ນ້ຳ​ຫອມ​ກິ່ນ​ໂປດ​ຂອງ​ເຈົ້າ​ຈົນ​ຊຸ່ມ​ ແລ້ວ​ນຳ​ໄປ​ໃສ່​ຖົງ​ປຼາ​ສະຕິ​ກ​ເຈາະ​ຮູ​ນ້ອຍໆ​ ແຂວນໄວ້​ຕາມ​ຫ້ອງ​ຕ່າງ​ໆ​ ທີ່​ຢາກ​ໃຫ້​ມີກິ່ນ​ຫອມ​ ຈະ​ຊ່ວຍ​ເຮັດໃຫ້​ບັນ​ຍາ​ກາດ​ພາຍ​ໃນ​ຫ້ອງ​ມີກິ່ນ​ໂປດ​ຂອງ​ເຈົ້າ​​ຢູ່​ຫລື​ຖ້າ​ຢາກ​ໄດ້​ບັນ​ຍາກາດ​ແບບ​ສ​ະປາ​ນິດ​ໆ​ ກໍ່ລອງ​ນຳ​ສຳ​ລີ​ຊຸບ​ນ້ຳ​ມັນ​ຫອມ​ລະ​ເຫີຍແລ້ວ​ນຳ​ໄປ​ແຂວນໄວ້​ກໍ​ໄດ້​ຄືກັນ​.

======================================================================================================