ປະໂຫຍດທີ່ຫຼາຍຄົນອາດບໍ່ຮູ້ກ່ຽວກັບການດື່ມເບຍ

ປະໂຫຍດທີ່ຫຼາຍຄົນອາດບໍ່ຮູ້ກ່ຽວກັບການດື່ມເບຍ

ການດື່ມເບຍເປັນສິ່ງທີ່ບໍ່ດີມັນມີຜົນເຮັດຄົນເມົາປ່ຽນນິໄສ ເກີດອຸປະຕິເຫດ ແຕ່ເຖິງສິຮູ້ແນວນັ້ນ ໄທເຮົາເຈົ້າຂ້ອຍກໍ່ບໍ່ສາມາດຢຸດດື່ມນ້ຳສີເຫຼືອງທີ່ສະກັດຈາກຍອດເຂົ້ານີ້ຂາດໄດ້ ບໍ່ປາສະຈາກບໍ່ໄດ້ທິ່ຈະພົບປະສັງສັນກັນໂດຍບໍ່ມີເບຍທຸກຄັ້ງ ເມື່ອຮູ້ເຖິງໂທດຂອງນ້ຳສີເຫຼືອງແລ້ວ ບາດນີ້ເຮົາລອງມາຮູ້ຈັກກັບຜົນດີຂອງນ້ຳສີເຫຼືອງທີ່ເອີ້ນວ່າເບຍນີ້ເບິ່ງວ່າ ມັນຈະມີຫຍັງດີແນ່ ບາງທີ່ມັນອາດເປັນຄວາມຮູ້ໃໝ່ກ່ຽວກັບເບຍໂດຍທີ່ທ່ານບໍ່ເຄີຍໄດ້ຍິນຢູ່ໃສມາກ່ອນ

ເບຍມີຜົນດີກັບໄຕ

ໄດ້ຍິນແນວນີ້ອາດຈະບໍ່ເຊື່ອນ້ຳເບຍຈະມີຜົນດີຕໍ່ສູຂະພາບໄດ້ ແຕ່ຈາກວິໄຈໃນປະເທດຟິນແລນເຫັນວ່າ ການດື່ມເບຍເປັນປະຈຳສາມາດຫຼຸດຜ່ອນການເກີດໜິ້ວໃນໄຕໄດ້ເຖິງ 40% ເພາະການດື່ມເບຍຈະຊ່ວຍໃຫ້ມີການຖ່າຍເທນໍ້າອອກຈາກຮ່າງກາຍ(ຍ່ຽວ) ຫຼາຍກ່ວາການດື່ມນໍ້າທຳມະດາ ຈຶ່ງຊ່ວຍລົດການສະສົມຂອງແຄວຊ້ຽມໃນລະບົບໄຕໄດ້ເປັນຢ່າງດີ

ຫຼຸດຜ່ອນຄວາມສ່ຽງໃນການເປັນເບົາຫວານ

ເບົາຫວານເປັນໜຶ່ງໂລກທີມັກເປັນກັນຫຼາຍໃນສະໄໝປະຈຸບັນ ແລະ ການສຶກສາກ່ຽວກັບປະໂຫຍດຂອງເບຍໃນປີ 2011 ເຫັນວ່າຜູ້ຊາຍທີ່ດື່ມເບຍມື້ລະ 2 ແກ້ວ ຈະມີໂອກາດເປັນເບົາຫວານໜ້ອຍກວ່າຄົນທີ່ດື່ມເບຍມື້ລະແກ້ວ ຫຼື ຫຼາຍກວ່າ 2 ແກ້ວເຖິງ25% ແລະ ທີ່ເປັນແນວນີ້ກໍ່ຍ້ອນວ່າການດື່ມແອວກໍຮໍໃນປະລິມານທີ່ພໍດີຈະເຮັດໃຫ້ຮ່າງກາຍສາມາດຜະລິດສານອິນຊູລີນໄດ້ຢ່າງມີປະສິດທິພາບຫຼາຍຂຶ້ນ

ຫຼູດຜ່ອນຄວາມສ່ຽງກ່ຽວກັບໂຣກຫຼອດເລືອດສະໝອງ

ທີ່ພວກເຮົາຮູ້ກັນວ່າ ແອວກໍຮໍ ມີຜົນຕໍ່ຄວາມດັນເລືອດ ສະນັ້ນການດື່ມໃນປະລິມານທີ່ເໝາະສົມກັບຮ່າງກາຍຈຶ່ງສາມາດຊ່ວຍປ້ອງກັນການຕີິບຕັນຂອງໄຂມັນໃນເສັ້ນໄດ້ເປັນຢ່າງດີ ແຖມຍັງເຮັດໃຫ້ການໄຫຼວຽນຂອງເລືອດໄປຍັງສ່ວນຕ່າງໆຂອງຮ່າງກາຍເປັນໄປຢ່າງສະດວກຍິ່ງຂຶ້ນ

ຊ່ວຍໃຫ້ກະດູກແຂງແຮງ

ເຖິງຈະມີຫຼາຍໆ ງານວິໄຈບອກວ່າເບຍມີຜົນເຮັດໃຫ້ກະດູກຜ່ອຍ ແຕ່ກໍ່ມີອີກຫຼາຍງານວິໄຈທີ່ອະທີບາຍເຖິງປະລິມານຊິລິກອນໃນເບຍນັ້ນ ສູງພໍທີ່ຈະຊ່ວຍເສີມສ້າງຄວາມແຂງແຮງໃຫ້ກັບກະດູກໄດ້ ແລະ ຍັງມີການທົດລອງໂດຍໃຫ້ຄົນໜຶ່ງດື່ມເບຍໃນປະລິມານຈຳກັດທຸກວັນ ກັບອີກຄົນໜຶ່ງທີ່ບໍ່ໄດ້ດື່ມເບຍເລີຍ ເຫັນວ່າ ຄົນທີ່ດື່ມເບຍໃນປະລິມານຈຳກັດນັ້ນມີມວນກະດູກໝາແໜ້ນກວ່າຢ່າງເຫັນໄດ້ຊັດເຈນ

ຊ່ວຍຮັກສາລະດັບຄວາມດັນເລືອດ

ຈາກງານວິໄຈຂອງ Harvard University ເຫັນວ່າຄົນທີ່ດື່ມເບຍໃນລະດັບປານກາງ ຫຼື ປະລິມານມື້ລະ 1-2 ແກ້ວ ມີໂອກາດໜ້ອຍຫຼາຍທີ່ຈະປະສົບປັນຫາກ່ຽວກັບຄວາມດັນເລືອດ ແຖມຍັງໄດ້ຜົນດີກວ່າການດື່ມວາຍອີກ

ຫົວໃຈແຂງແຮງຂຶ້ນ

ມີງານວິໄຈນັບຮ້ອຍກ່ຽວກັບການດື່ມເບຍ ແລະ ຜົນກະທົບຕໍ່ສຸຂະພາບຫົວໃຈ ແລະ ທຸກລາຍງານມີຄຳອະທິບາຍຕົງກັນວ່າ ການດື່ມເບຍໃນລະດັບປານກາງສາມາດຫຼຸດຄວາມສ່ຽງຂອງການເກີດໂລກຫົວໃຈໄດ້ເຖິງ 25-40% ຊື່ງເປັນເພາະການດື່ມເບຍນັ້ນຊ່ວຍລົດການຕີບຕັນຂອງຄໍເຣສຕໍຣໍໃນເສັ້ນເລືອດໄດ້ເປັນຢ່າງດີ

ຊ່ວຍຫຼຸດຄວາມສ່ຽງໃນການເກີດມະເຮັງ

ຈາກການສຶກສາລ່າສຸດໃນໂປຣຕຸເກດເຫັນວ່າ ຫາກເຈົ້າໝັກຊີ້ນດ້ວຍເບຍ ມັນຈະຊ່ວຍກຳຈັດສານກໍ່ມະເຮັງໃນຊີ້ນໄດ້ເກືອບ 70% ລວມທັງຍັງຊ່ວຍລົດການເກີດສານກໍ່ມະເຮັງທີ່ຈະຕາມຫາໃນຂັ້ນຕອນການປຸງນຳ ນັ້ນເພາະປະລິມານນໍ້າຕານໃນເບຍນັ້ນສາມາດຫຼຸດຜ່ອນການເຮັດວຽກຂອງສານກໍ່ມະເຮັງ ແລະ ຍັງຊ່ວຍໃຫ້ຂະບວນການຂັບຂອງເສຍອອກຈາກຮ່າງກາຍເຮັດວຽກໄດ້ດີຂຶ້ນນຳ

ເຮັດໃຫ້ສະໝອງປອດໂປ່ງ ແລະ ຫຼູດຄວາມສ່ຽງຈາກໂລກເອົາລໄຊເມີ້

ອາດຈະບໍ່ໜ້າເຊື່ອ ແຕ່ການດື່ມເບຍວັນລະ 1 ແກ້ວ ນອກຈາກຈະເຮັດໃຫ້ສະໝອງຂອງເຮົາປອດໂປ່ງ ແລະ ເຮັດວຽກໄດ້ຢ່າງລື່ນໄຫຼຍັງຊ່ວຍຫຼູດຄວາມສ່ຽງທີ່ຈະເປັນໂລກຄວາມຈື່ຈຳເຊື່ອມໄດ້ເຖິງ 20%

ມີຄຸ່ນຄ່າທາງອາຫານສູງ

ອັນນີ້ກະອາດຈະຟັງເບິ່ງແລ້ວບໍ່ເປັນຕາເຊື່ອ ແຕ່ຈາກການວິເຄາະສານອາຫານໃນເບຍແລ້ວ ເຫັນວ່າໃນເບຍເກືອບທຸກປະເພດມີປະລິມານໃຍອາຫານສູງເຖິງ 12ອອນ ແລະ ຍັງອຸດົມໄປດ້ວຍ ວິຕາມິນ ບີ ໂຟເລດ ວິຕາວິນບີ 6 ແລະ ວິຕາມິນ ບີ 12 ນອກຈາກນີ້ຍັງມີເບຍບາງຊະນິດທີ່ໃຫ້ພະລັງງານພຽງ 99 ແຄຣໍລີ້ ແລະ ຍັງມີປະຣິານ ຄາໂບໄຮເດຣດຕ່ຳອີກດ້ວຍ

ອາຍຸຍືນຂຶ້ນ

ອັນນີ້ຫຼາຍໆຄົນຄົງຈະຢາກມີອາຍຸທີຍືນຍາວແຕ່ມັນເປັນເລື້ອງທີ່ອາດເປັນໄປເປັນບໍ່ໄດ້ ແຕ່ ຈາກການສຶກສາໂດຍກະຊວງກະເສດຂອງສະຫະລັດອາເມຣິກາ ເຫັນວ່າ ການດື່ມເບຍໃນລະດັບທີ່ເໝາະສົມ ຈະຊ່ວຍໃຫ້ຜູ້ດື່ມມີອາຍຸຍືນຂຶ້ນ

ເຖິງຈະຟັງເບິ່ງເປັນເຄື່ອງດື່ມທີ່ວິເສດທີ່ຕ້ອງຫາມາດື່ມເປັນປະຈຳທຸກວັນ ແຕ່ກໍ່ຢ່າລືມເບິ່ງວ່າອັນຕະຫຼາຍທີ່ມາກັບແອວກໍຮໍນຳ ສະນັ້ນຫາກຄິດຈະດື່ມເບຍແທ້ໆ ເພື່ອສຸຂະພາບ ກໍ່ຄວນຈຳກັດປະລິມານການດື່ມ ບໍ່ແມ່ນວ່າມີປະໂຫຍດລະດື່ມເອົາດື່ມເອົາ ດຽວສິມີອຸປະຕິເຫດເກີດຂຶ້ນເຖິງຊີວິດ ຫຼື ພິການໄດ້

-----------------------------------------------

ອ້າງອີງຈາກ: http://articles.spokedark.tv/