ປະໂຫຍດຂອງໝາກ​ຂີ້ຫູດ ແລະ ສັນພະຄຸນໝາກ​ຂີ້ຫູດມີຢ່າງ​ຫຼວງຫຼາຍທັງຊ່ວຍເສີມຄວາມງາມ

 ໝາກ​ຂີ້ຫູດ ຫຼື ທີ່ພາສາອັງກິດເອີ້ນວ່າ Kaffir lime, Leech lime, Mauritius papeda ມີຊື່ວິທະຢາສາດວ່າ Citrus x hystrix L ເປັນຕົ້ນພືດທີ່ຈັດຢູ່ໃນຕະກູນໝາກກ້ຽງ (Citrus) ໂດຍມີຖິ່ນກໍາເນີດໃນປະເທດລາວ ​ໄທ ມາເລເຊຍ ແລະ ອິນໂດນີເຊຍ.

ສັນພະຄຸນໝາກ​ຂີ້ຫູດ ກັບຄຸນປະໂຫຍດທາງການຢາທີ່ບໍ່ຄວນເບິ່ງຂ້າມ!!

ໝາກ​ຂີ້ຫູດເປັນພືດສະຫມຸນໄພບູຮານທີ່ມີຄຸນປະໂຫຍດທາງການຢາຫຼາຍ ໂດຍສາມາດນໍາສ່ວນຕ່າງໆ ມາໃຊ້ຮັກສາອາການຕ່າງໆໄດ້ຢ່າງຫຼາກຫຼາຍ. ໝາກ​ຂີ້ຫູດມີສານຕ້ານອະນຸມູນອິດສະລະສູງ ຈຶ່ງມີສ່ວນຊ່ວຍສ້າງເສີມພູມຄຸ້ມກັນໃຫ້ແກ່ຮ່າງກາຍ ແລະ ຕ້ານທານພະຍາດຫຼາຍຊະນິດລວມທັງມະເຮັງບາງຊະນິດດ້ວຍ. ນອກຈາກນີ້ໝາກ​ຂີ້ຫູດຍັງຊ່ວຍຍັບຍັ້ງການຈະເລີນເຕີບໂຕຂອງເຊື້ອຈຸລິນຊີຢ່າງເຊັ່ນ ເຊື້ອອີໂຄໄລ (Ecolio) ແລະ ຊາລໂມເນນລາ (Salmonella)ໄດ້ຊ່ວຍບໍາລຸງປະຈໍາເດືອນ ແລະ ມັກເປັນສ່ວນຜະສົມສໍາຄັນໃນຢາ​ແມ່ຍິງຕ່າງໆ ອີກດ້ວຍບໍ່ພຽງແຕ່​ເທົ່ານັ້ນສ່ວນຕ່າງໆຂອງໝາກ​ຂີ້ຫູດຍັງມີປະໂຫຍດອີກຫຼາຍ.

ຮາກຕົ້ນໝາກ​ຂີ້​ຫຸດ

-ຮາກຂອງຕົ້ນ​ໝາກ​ຂີ້ຫູດມີລົດຈືດເຢັນ ສາມາດຊ່ວຍແກ້ອາການໄຂ້ ຖອນພິດສໍາແດງ ແກ້ລົມຈຸກສຽດ ບັນ​ເທົາພິດໄຂ້ ແກ້ພິດຝີພາຍໃນ ແລະ ຊ່ວຍອາການເສມຫະເປັນພິດ.

ເປືອກຂອງ​ໝາກ​ຂີ້ຫູດ

-ເປືອກຂອງໝາກຂີ້ຫູດສາມາດຊ່ວຍແກ້ອາການນອນບໍ່ຫຼັບໄດ້

-ເປັນຢາບໍາລຸງຫົວໃຈ.

-ຊ່ວຍແກ້ອາການເປັນລົມຫນ້າມືດວິນວຽນສີສະ.

-ຊ່ວຍຂັບລົມໃນລໍາໄສ້ແກ້ອາການທ້ອງອືດແໜ້ນທ້ອງໄດ້.

-ຊ່ວຍຂັບສານພິດທີ່ຢູ່ໃນຮ່າງກາຍໃຫ້ອອກມາທາງຜິວຫນັງໂດຍການນໍາຜິວໝາກຂີ້​ຫູດມາໃຊ້ເປັນສ່ວນປະກອບໃນການອົບຊາວຫນ້າສະຫມຸນໄພ.

ໃບໝາກ​ຂີ້ຫູດ

-ຊ່ວຍແກ້ໄອແກ້ອາການອາຈຽນເປັນເລືອດ.

-ຊ່ວຍແກ້ອາການຊໍ້າໃນ.

-ໃບໝາກ​ຂີ້ຫູດອຸດົມໄປດ້ວຍເບຕ້າແຄໂລທີນ​ເຊິ່ງຊ່ວຍໃນການຊະລໍການຂະຫຍາຍຕົວຂອງເຊນມະເລັງ ແລະ ຊ່ວຍຕໍ່ຕ້ານມະເລັງໄດ້.

ໝາກ​ຂີ້ຫູດ

-ຊ່ວຍແກ້ອາການໄອ ຂັບເສມຫະໂດຍການນໍາໝາກ​ຂີ້ຫູດຜ່າ​ເຄິ່ງ ແລະ ນໍາໄປລົນໄຟໃຫ້ນຸ່ມແລ້ວຄ່ອຍໆ ບີບນໍ້າໝາກ​ຂີ້ຫູດລົງຄໍ​ເທື່ອ​ລະ​ໜ້ອຍຈະຊ່ວຍເຮັດໃຫ້ອາການບັນເທົາລົງໄດ້.

-ຊ່ວຍຟອກໂລຫິດໂດຍນໍາໝາກຂີ້ຫູດ​ສົດໆມາຜ່າເປັນເປັນ 2 ປ່ຽງແລ້ວນໍາໄປດອງກັບເກືອ ຫຼື ນໍ້າ​ເຜິ້ງປະມານ 1 ເດືອນແລ້ວ​ເຫງັ້ນເອົາແຕ່ນໍ້າມາດື່ມ.

-ຊ່ວຍແກ້ອາການ​ເຈັບທ້ອງ ຫຼື ໃຊ້ເປັນຢາແກ້​ເຈັບທ້ອງໃນເດັກອ່ອນໂດຍການນໍາໝາກ​ຂີ້ຫູດ ມາຂວັດ​ເອົາ​ໃນ​ມັນອອກນໍາມະຫາຫິງໃສ່ ແລະ ປິດຈຸກແລ້ວນໍາໄປເຜົາໄຟຈົນດໍາ ແລະ ບົດຈົນເປັນຜົງລະລາຍກັບນ້ໍາ​ເຜິ້ງໄວ້ຮັບປະທານແກ້ອາການປວດໄດ້.

-ຊ່ວຍຂັບ​ເລືອດລົມໂດຍໝາກ​ຂີ້ຫູດ ນໍາມາດອງເຮັດເປັນຢາດອງສົ້ມໄວ້ຮັບປະທານ.

-ຊ່ວຍແກ້ອາການນໍ້າລາຍໜຽວ.

-ຊ່ວຍຂັບລົມໃນລໍາໄສ້.

ນອກຈາກນີ້ນໍ້າຈາກໝາກຂີ້ຫູດຍັງສາມາດໃຊ້ແກ້ອາການເລືອດອອກຕາມ​ໄລຟັນໄດ້ອີກດ້ວຍໂດຍໃຊ້ນໍາ​ເອົາໝາກຂີ້ຫູດ​ມາຖູ​ເບົາໆບໍລິເວນເຫືອກຫຼັງຖູ​ແຂ້ວແລ້ວຈະຊ່ວຍເຮັດໃຫ້ອາການເລືອດອອກຕາມໄລຟັນບັນເທົາລົງໄດ້.

ໝາກຂີ້ຫູດບໍາລຸງຜົມງາມ​ໄຮ້ລັງແຄດ້ວຍໝາກ​ຂີ້ຫູດ.

ສູດນີ້ເໝາະສໍາລັບກຳຈັດລັງແຄແກ້ຄັນສີສະໃຊ້ໝັກຜົມ ແລະ ໜັງສີສະ.

ນໍາໝາກ​ຂີ້ຫູດເຜົາໄຟໃຫ້ພໍມີນໍ້າມັນຊຶມອອກມາຈາກ​ເປືອກ ແລະ ມີກິ່ນຫອມແລ້ວນໍາມາຜ່າ​ເຄິ່ງ.

ບີບນໍ້າໝາກ​ຂີ້ຫູດມາຊະໂລມໃຫ້ທົ່ວໜັງສີສະໝັກໄວ້ປະມານ 15-30 ນາທີລ້າງອອກດ້ວຍນໍ້າສະອາດ.

ໝາກຂີ້ຫູດດັບກິ່ນ

ໝາກ​ຂີ້ຫູດສາມາດດັບກິ່ນຕ່າງໆຢ່າງເຊັ່ນ ກິ່ນຄາວຂອງອາຫານຄາວ ຫຼື ຈະເປັນກິ່ນທີ່ບໍ່​ເພິ​ງ ປະສົງຂອງຕີນໂດຍການນໍາມາຜະສົມກັບຂິງ ຂ່າ ແລະ ເກືອໃນປະລິມານເທົ່າໆກັນຕົ້ມໃຫ້ນ້ໍາອຸ່ນແລ້ວແຊ່ຕີນລົງໄປປະມານ 15 ນາທີກໍຈະຊ່ວຍລົດກິ່ນອັບລົງ​ໄດ້.

ໝາກ​ຂີ້ຫູດມີໂທດ ຫຼື ບໍ່

ເຖິງແມ້ໝາກ​ຂີ້ຫູດຈະເປັນພືດສະໝຸນໄພທີ່ມີປະໂຫຍດແຕ່ຖ້າຫາກໃຊ້ນໍ້າມັນໝາກ​ຂີ້ຫູດສໍາຜັດກັບຜິວໂດຍກົງເມື່ອໄປຖືກແສງແດດກໍອາດຈະເຮັດໃຫ້ເກີດອາການແພ້ແສງແດດຈົນກາຍເປັນ​ແຜ​ໄໝ້​ໄດ້ ​ເພາະ​ໃນນ້ຳ​ໝາກ​ຂີ້ຫູດ​ມີ​ສານອອກ​ພີ​ເຊ​ດາ​ມິນ (oxypedamin) ​ເຊິ່ງຈະເຮັດໃຫ້ເກີດອາການແພ້ເມື່ອຖືກແສງແດດ (photo toxicity) ແລະ ສານດີໄລໂມນນີ (d-limonene) ​ເຊິ່ງເມື່ອຖືກອາກາດເປັນເວລາດົນກໍອາດຈະເຮັດໃຫ້ເກີດອາການແພ້ລະຄາຍເຄືອງໄດ້ ດັ່ງນັ້ນເພື່ອຄວາມປອດໄພຫາກນໍານໍ້າໝາກ​ຂີ້ຫູດມາສໍາຜັດກັບຜິວແລ້ວ ພາຍໃນສີ່ຊົ່ວໂມງບໍ່ຄວນໃຫ້ບໍລິເວນທີ່ຖືກດ​ນໍ້າໝາກຂີ້ຫູຖືກແສງແດດ.

ບົດຄວາມໃຫມ່ໆ