ປະໂຫຍດຂອງໄຂ່ມົດແດງ ກິນແລ້ວໄດ້ໂປຣຕີນສູງ ແຕ່ໄຂມັນ ແລະ ແຄລຣໍຣີຕໍ່າ.

ໄຂ່​ມົດ​ແດງ​ ກຳ​ລັງ​ກລາຍ​ເປັນ​ເມ​ນູ​ມາ​ແຮງ​ໃນ​ຊ່ວງ​ນີ້​ເລີຍ​ ເພາະ​ຢູ່ໃນ​ລະດູ​ການ​ພໍ​ດີ​ ໃນຫຼາຍ​ບ້ານ​ໂດຍ​ສະເພາະ​ໃນ​ຕ່າງ​ແຂວງ​ນຳມາ​ປຸງ​ອາຫານ​ໂດຍມີ​ໄຂ່​ມົດ​ແດງ​ເປັນ​ສ່ວນ​ປະກອບ​ ທັງ​ແກງ​ຜັກ​ຫວານ​ໃສ່ໄຂມົດ​ແດງ​,ແກງ​ຂີ້​ເຫຼັກໃສ່ໄຂ່​ມົດ​ແດງ​.ຫໍ່​ໝົກ​ໃສ່ມົດ​ແດງ​,ໄຂ່​ຈຽວ​ໃສ່ມົດ​ແດງ​  ແລະ ຢຳ​ໄຂ່​ມົດ​ແດງ​ ຟັງ​ຊື່​ກໍ​ແຊບ​ຫລາຍ​ແລ້ວ​ເນິ​ ແລ້ວ​ຮູ້​ບໍ​ວ່າ​ ໄຂ່​ມົດ​ແດງ​ມີ​ຄຸນຄ່າ​ທາງ​ໂພດ​ນາ​ການ​ບໍ່​ນ້ອຍ​ເລີຍ​​. ມື້ນີ champappost.com ​ພາມຮູ້ຈັກມວ່າ​ອາຫານ​ພື້ນ​ບ້ານ​​ແບບໄຂມົດແດງມີ​ປະໂຫຍດ​ຕໍ່​ຮ່າງກາຍ​ຊໍ່າໃດ​.


ໄຂ່​ມົດ​ແດງ​ເປັນ​ອາຫານ​ທີ່​ມີ​ຄຸນຄ່າ​ທາງ​ໂພດ​ນາ​ການ​ ເພາະ​ມີ​ໂປຣ​ຕີນ​ສູງ​ ໂດຍ​ໃນ​ໄຂ່​ມົດ​ແດງ​ 100 ກຣາມ​ ຫລື ​ປະ​ມານ​ 6 ຊ້ອນ​ກິນ​ເຂົ້າ​ ຈະໃຫ້​ໂປຣ​ຕີນ​ສູງ​ເຖິງ​ 8.2 ກຣາມ​, ແຖມ​ໄຂ່​ມົດ​ແດງ​ຍັງມີ​ໄຂ​ມັນ​ແລະ​ແຄລຣໍ​ຣີ​ນ້ອຍ​ກວ່າ​ເມື່ອ​ທຽບ​ກັບ​ໄຂ່​ໄກ່​ ເພາະ​ໄຂ່​ມົດ​ແດງ​ມີ​ໄຂ​ມັນ​ພຽງ​ 2.6 ກຣາມ​, ໃນ​ຂະນະ​ທີ່​ໄຂ່​ໄກ່​ມີ​ໄຂ​ມັນ​ຫລາຍ​ເຖິງ​ 11.7 ກຣາມ​ ສ່ວນ​ເລື່ອງ​ພະລັງ​ງານ​ນັ້ນ​ ​ໄຂ່​ມົດ​ແດງ​ 100 ກຣາມ,​ ຈະ​ໄດ້ຮັບ​ພະລັງ​ງານ​ 86 ກິ​ໂລ​ແຄລຣໍ​ຣີ​ ໃນ​ຂະນະ​ທີ່​ໄຂ່​ໄກ່​ໃຫ້​ພະລັງ​ງານ​ສູງ​ເຖິງ​ 155 ກິ​ໂລ​ແຄລຣໍຣີ​ ເມື່ອ​ທຽບ​ຄຸນຄ່າ​ທາງ​ໂພດ​ນາ​ການ​ໃນ​ປະລິມານ​ 100 ກຣາມ​ເທົ່າ​ກັນ.

​ແຕ່ສິ່ງ​ສຳຄັນ​ຄື​ຕ້ອງ​ຮູ້​ຈັກ​ວິທີ​ນຳ​ໄຂ່​ມົດ​ແດງ​ມາປຸງ​ແຕ່ງ​ອາຫານ​ເສຍ​ກ່ອນ​ ໂດຍ​ຕ້ອງ​ລ້າງ​ໃຫ້​ສະ​ອາດ​ກ່ອນ​ນຳ​ມາປຸງ​ ແລະ ​ຕົ້ມ ​ຫລື​ລວກ​ໃຫ້​ສຸກ​ທຸກ​ເທື່ອ​ບໍ່​ຄວນ​ກິນ​ແບບ​ສຸກ​ໆ​ດິບ​ໆ​ ເພາະ​ອາດ​ປົນ​ເປື້ອນ​ເຊື້ອ​ພະຍາດ​ໄດ້. ​ ສ່ວນ​ວັດ​ຖຸ​ດິບ​ທີ່​ນິຍົມ​ນຳ​ມາປຸງ​ປະກອບ​ກັບ​ໄຂ່​ມົດ​ແດງ​ມັກ​ຈະ​ເປັນ​ຜັກ​ພື້ນ​ບ້ານ​ກໍ່​ຕ້ອງ​ລ້າງ​ເຮັດ​ຄວາມ​ສະ​ອາດ​ ເພື່ອບໍ່ໃຫ້ມີ​ການ​ປົນ​ເປື້ອນ​ຈາກ​ເຊື້ອ​ພະຍາດ​ ແລະ ​ພະຍາດ​ຈາກສານ​ພິດ ​ຫລື​ ຢາ​ຂ້າ​ແມງ​ໄມທີ່ອາດປົນມານໍາພຶດຜັກ.