ປະໂຫຍດຂອງໄຂ່ຂາວ ອາຫານຄົນຮັກສຸຂະພາບ

ໄຂ່ບໍ່ວ່າຈະເປັນໄຂ່ເປັດ ຫລື ໄຂ່ໄກ່ວັດຖຸດິບບ້ານໆທີ່ມີແຫລ່ງໂປຣຕີນຊັ້ນດີ ລາຄາຖືກ ສາມາດນໍາໄປປະກອບອາຫານໄດ້ຫລາກຫລາຍເມນູ ດ້ວຍຄຸນປະໂຫຍດທີ່ຫລວງຫລາຍ ສາມາດຮັບປະທານໄດ້ທຸກເພດທຸໄວ ແຕ່ຮູ້ບໍ່ວ່ານອກຈາກຈະນໍາໄຂ່ມາປະກອບອາຫານແລ້ວ ໄຂ່ຍັງມີປະໂຫຍດອື່ນໆອີກຫລາຍດ້ານໂດຍສະເພາະຢ່າງຍິ່ງໄຂ່ຂາວ ທີ່ຖືກນໍາມາໃຊ້ປະໂຫຍດທີ່ຫລາຍກວ່າການມາປະກອບອາຫານ ມາເບິ່ງກັນວ່າປະໂຫຍດຂອງໄຂ່ຂາງນັ້ນມີຫຍັງແດ່

ປະໂຫຍດຂອງໄຂ່ຂາວ 7ປະການ

  1. ໄຂ່ຂາວເປັນແຫລ່ງໂປຣຕີນຊັ້ນດີ ສໍາລັບຜູ້ທີ່ຕ້ອງການເພີ່ມກ້າມເນື້ອ ສໍ່ລັງນັກອອກກໍາລັງກາຍເຂົ້າຂາວເປັນອີກຫນຶ່ງໃນອາຫານທີ່ຂາດກັນບໍ່ໄດ້ເລີຍກໍ່ວ່າໄດ້ ເພາະໄຂ່ຂາວມີສ່ວນປະກອບຫລັກຄື ໂປຣຕີນ ແລະ ບໍ່ມີໄຂມັນ ອີກຢ່າງໄຂ່ຂາວຍັງຊ່ວຍເສີມສ້າງ ກ້າມເນື້ອ ແລະ ເຍື່ອໃຍຕ່າງໆໃຫ້ແຂງແຮງເພີ່ມຂື້ນອີກດ້ວຍ
  2. ໄຂ່ຂາວອຸດົມໄປດ້ວຍໂພແພສຊຽມສູງ ມີສ່ວນຊ່ວຍຫລຸດຄວາວມສ່ຽງໃນການເກີດໂລກຄວາມດັນໂລຫິດ ໂລກຫົວໃຈ ແລະ ໂລກຫລອດເລືອດຫົວໃຈ
  3. ໄຂ່ຂາວມີວິຕາມິນບີ2 ສູງ ຊ່່ວຍເສີມສ້າງການເກີດເຊລເມັດເລືອດແດງ ຈຶ່ງຊ່ວຍປ້ອງກັນໂລກໂລຫິດຈາງໄດ້ຢ່າງດີຫລາຍ
  4. ໄຂ່ຂາວເປັນອາຫານທີ່ເຫມາະສໍາລັບການຄວບຄຸມນໍ້າຫນັກ ເນື່ອງຈາກວ່າໄຂ່ຂາວເປັນອາຫານທີ່ມີພະລັງງານນ້ອຍພຽງ 17 ກິໂລແຄລລໍຣີ່ ຕໍ່ 1ຫນ່ວຍ ຈຶ່ງເປັນອາຫານທີ່ເຫມາະສົມສໍາລັບຜູ້ທີ່ກໍາລັງຄວບຄຸມນໍ້າຫນັກ ເຖິງວ່າພະລັງງານຈະນ້ອນແຕ່ເຮັດໃຫ້ອີ່ມໄດ້ດົນ
  5. ໄຂ່ຂາວເຫມາະສໍາລັບຜູ້ທີ່ມີບັນຫາກ່ຽວກັບກະເພາະອາຫານ ເພາະໂປຣຕີນຈາກໄຂ່ຂາວບໍ່ເຮັດໃຫ້ເກີດການລະຄາຍເຄືອງ ຕໍ່ກະເພາະອາຫານຄກັບໂປຣຕີນຈາກແຫລ່ງອື່ນໆ ເຫມາະເປັນເມນູສຸຂະພາບສໍາລັບດູແລ ຟື້ນຟູຜູ້ທີ່ເປັນໂລກກ່ຽວກັບກະເພາະອາຫານ
  6. ປະໂຫຍດຂອງໄຂ່ຂາວນໍາມາບໍາລຸງຜິວພັນ ຫາກຕ້ອງການຟື້ນຟູຜິວຫນ້າທີ່ຜ່ານການປະເຊີນກັບມົນລະພິດໃຫ້ກັບມາຊຸ່ມຊື່ນ ດ້ວຍວິທີງ່າຍແສນງ່າຍຄື ນໍາໄຂ່ຂາວມາພອກຫນ້າຖີ້ມໄວ້ແລ້ວລ້າງອອກ ຈະຊ່ວຍກໍາຈັດສິ່ງສົກກະປົກທີ່ຕົກຄ້າງໃນໃບຫນ້າໄດ້ຢ່າງຫມົດກ້ຽງ
  7. ປະໂຫຍດຂອງໄຂ່ຂາວຊ່ວຍບໍາລຸງຜົມ ມີຜະລິດຕະພັນຫລາກຫລາຍທີ່ວາງຂາຍຕາມທ້ອງຕະຫລາດ ທີ່ມີສ່ວນປະສົມຂອງໄຂ່ຂາວ ທີ່ທັງນີ້ເຮົາສາມາດບໍາລຸງເອງໄດ້ໃນບ້ານເຊັ່ນ ນໍາໄຂ່ຂາວມາຕີໃຫ້ເກີດຟອງ ແລ້ວນໍາມາປະສົມກັບນໍ້າມັນຫມາກກອກ ຫລືນໍ້າມັນຫມາກພ້າວ ແລ້ວນໍາໄປຫມັກຜົມຖິ້ມໄວ້ປະມານ 30ນາທີ ແລ້ວລ້າງອອກໃຫ້ສະອາດ ເຮັດເປັນປະຈໍາອາທິດລະ 1-2ຄັ້ງ ພຽງເທົ່ານີ້ຜົມທີ່ເຄີຍແຫ້ງເສຍກໍ່ຈະກັບມາເງົາງາມອີກແນ່ນອນ

ຂໍ້ຄວນລະວັງໃນການຮັບປະທານໄຂ່ຂາວ

- ຮັບປະທານໄຂ່ຂາວຫລາຍເກີນໄປອາດເຮັດໃຫ້ເກີດໂທດ ເພາະວ່າຮ່າງກາຍຮັບປະລິມານໂປຣຕີນຈາກໄຂ່ຂາວຫລາຍກວ່າຄວາມຕ້ອງການຂອງຮ່າງກາຍ ໄຕຕ້ອງເຮັດວຽກຫນັກໃນການຈັດການກັບໂປຣຕີນສ່ວນເກີນ ດັ່ງນັ້ນຄວນຮັບປະທານໄຂ່ຂາວໃນປະລິມານທີ່ພຽງພໍເພື່ອປ້ອງກັນບັນຫາກ່ຽວກັບໂລກໄຕ ທີ່ອາດຈະສົ່ງຜົນມາໃນອານາຄົດ 

- ຄວນກິນໄຂ່ຂາວແບບສຸກ ການຮັບປະທານໄຂ່ຂາວຕ້ອງເຮັດໃຫ້ສຸກກ່ອນທຸກຄັ້ງ ເພາະຮ່າງກາຍບໍ່ສາມາດດູດຊຶມໄຂ່ຂາວໃນຂະນະທີ່ຍັງດິບ ແລະ ປ້ອງກັນຄວາມສ່ຽງຕໍ່ການຕິດເຊື້ອ salmonella ອີກດ້ວຍ

- ໄຂ່ຂາວດິບຫລຸດການດູດຊຶມໂປຣຕີນ ແລະ ວິຕາມິນບີ2 ຈຶ່ງບໍ່ເນາະນໍາໃຫ້ຮັບປະທານໄຂ່ຂາວດິບຢ່າງເດັດຂາດ ໂດຍສະເພາະເດັກທີ່ຢູ່ໃນໄວຕ້ອງການໂປຣຕີນ

ເຫັນໄດ້ວ່າຄຸນປະໂຫຍດ ແລະ ໂທດ ຂອງໄຂ່ຂາວນັ້ນ ມີຫລາກຫລາຍຢ່າງ ບໍ່ວ່າຈະເປັນທາງດ້ານສຸຂະພາບ ຄວາມງາມ ແລະ ອາຫານທີ່ແສນທໍາມະດາ ແຕ່ຄຸນຄ່າບໍ່ທໍາມະດາຢ່າງທີ່ຄິດ ແຖມລາຄາຍັງຖືກອີກຫາຊື້ງ່າຍ ໄຂ່ຂາວມີປະໂຫຍດດີໆ ຫລາຍຢ່າງຢ່າລືມຮັບປະທານເປັນປະຈໍາໃນປະລິມານທີ່ເຫມາະສົມ ຢ່າຮັບປະທານໄຂ່ດິບ ເພາະແທນທີ່ຈະໄດ້ປະໂຫຍດ ອາດຈະເກີດໂທດຕໍ່ຮ່າງກາຍແທນໄດ້.