ປະໂຫຍດຂອງຜັກກັບຄວາມງາມ

 

ຜັກມີປະໂຫຍດຕໍ່ຮ່າງກາຍແລະນຳມາເປັນສູດບຳລຸງຜິວໄດ້ດີບໍ່ແພ້ໝາກໄມ້ ຍິ່ງໃນລະດູຝົນມີຜົນຜະລິດດີຫຼາຍ ນອກຈາກຈະງາມໄດ້ງ່າຍໆແລ້ວຍັງສະບາຍກະເປົ໋ານຳ

ຜັກສະລັດ

ປັ່ນຜັກສະລັດ1ຖ້ວຍ ນົມສົດ 1/3 ຖ້ວຍ ວຸ້ນຫວ່ານຫາງແຂ້ 3 ບ່ວງແກງແລະໄຂ່ແດງ1ໜ່ວຍນ້ຳມັນໝາກກອກ1ບ່ວງກາເຟໃຫ້ລະອຽດເປັນເນື້ອຄີມແລ້ວທາທົ່ວໃບໜ້າປະໄວ້ປະມານ 20-25 ນາທີລ້າງອອກດ້ວຍນ້ຳເຢັນອາທິດລະຄັ້ງ ຜິວໜ້າຈະຊຸ່ມຊື່ນນຽນຂາວໃສ ເໝາະກັບຜູ້ທີ່ມີຜິວແຫ້ງແລະແພ້ງ່າຍ

ຜັກໜອກ

ປັ່ນຜັກໜອກ1ຖ້ວຍ ໂຢເກີດ 1/2 ຖ້ວຍແລະນ້ຳເຜີ້ງ 2 ບ່ວງແກງ ຈົນລະອຽດເປັນເນື້ອຄີມ ແລ້ວທາທົ່ວໃບໜ້າປະໄວ້ປະມານ 20-25 ນາທີ ລ້າງອອກດ້ວຍນ້ຳເຢັນຈະເຮັດໃຫ້ຜິວໜ້ານຍນຂາວໃສ ຮູຂຸມຂົນກະຊັບ

ຫອມປ້ອມ

ໃຊ້ຮາກແລະໃບຫອມປ້ອມສົດ 2 ຖ້ວຍປັ່ນກັບນ້ຳຕົ້ມ 1 ຖ້ວຍກອງເອົາແຕ່ນ້ຳມັນມາປັ່ນອີກຄັ້ງກັບວຸ້ນຫວ່ານຫາງແຂ້ 1 ຖ້ວຍ ໃຊ້ສຳລີຊຸບສ່ວນຜະສົມທາທົ່ວໃບໜ້າປະໄວ້ປະມານ 20 ນາທີທາທັບອີກຄັ້ງປະໄວ້ປະມານ 25 ນາທີ ລ້າງອອກດ້ວຍນ້ຳເຢັນ ເຮັດອາທິດລະ 2-3 ຄັ້ງ ຜິວໜ້າຈະນຽນນຸ້ມເຕັ່ງຕຶງຂາວໃສ

----------------------------------------------------------------------------------------------

ບົດຄວາມໃຫມ່ໆ