ປະໂຫຍດຂອງການພາລູກໄປຫລີ້ນເດີ່ນເດັກຫລີ້ນ

ພາລູກຫລີ້ນເດີ່ນເດັກຫລີ້ນບໍ່ພຽງແຕ່ລູກໄດ້ຮັບຄວາມມ່ວນລູກຍັງໄດ້ຮັບການພັດທະນາເສີມແລະປະໂຫຍດຫລາຍຢ່າງ,ທຸກມື້ນີ້ພໍ່ແມ່ພາລູກໄປທ່ຽວຫລີ້ນໃສ່ແນ່?ມາຟັງ5ປະໂຫຍດຂອງການພາລູກໄປຫລີ້ນເດີ່ນເດັກຫລີ້ນ

1. ດ້ານອາລົມ : ເພາະບ່ອນເດັກຫລີ້ນຄືສະຖານທີ່ສາທາລະນະລູກຈະບໍ່ແມ່ນຄົນແລກທີ່ມາຮອດຈະໄດ້ຫລີ້ນເລີຍແນ່ນອນວ່າຈະຕ້ອງມີເດັກນ້ອຍຫລາຍໆຄົນທີ່ມາກ່ອນຫນ້າສະເຫມີ,ລູກນ້ອຍຂອງພໍ່ແມ່ຈະຕ້ອງເຂົ້າຄິວບ່ອນນີ້ແລະທີ່ຈະຊ່ວຍໃຫ້ລູກຝຶກຄວາມອົດທົນຮູ້ຈັກທີ່ຈະໃຈເຢັນຫ້າມແຊງຄິວຄົນອື່ນເດັດຂາດ...ຈຸດນີ້ເອງແມ່ນຈະຊ່ວຍໃຫ້ລູກຂອງເຮົາຈະໄດໂດຍທີ່ເຮົາບໍ່ຈຳເປັນຕ້ອງບອກເລີຍວ່າຕ້ອງຖ້າລູກຫລືຮູ້ຈັກຖ້າແນ່ລູກເປັນຕົ້ນ

2.ຄວາມໝັ່ນໃຈ:ຈາກເດັກທີ່ບໍ່ຄ່ອຍມີຄວາມໝັ່ນໃຈໃນໂຕເອງເອົາແຕ່ຢ້ານເກັບໂຕງຽບເວລາຢູ່ບ້ານ...ການທີ່ພໍ່ແມ່ໄດ້ພາລູກອອກໄປຫລີ້ນເດີ່ນເດັກຫລີ້ນແນ່ລູກຈະໄດ້ມີໂອກາດພົບປະເດັກນ້ອຍຄົນອື່ນໆຫລາຍຄັ້ງແລກລູກອາດຈະອາຍແຕ່ເດັກນ້ອຍປັບໂຕໄວບໍ່ດົນລູກຈະໄດ້ຫມູ່ໃຫມ່ນຳອີກສອງຄົນຫລືສາມຄົນໂດຍທີ່ພວກເຂົາຈະບໍ່ຮູ້ສຶກອາຍເລີຍນອກຈາກນີ້ລູກຈະໝັ່ນໃຈທີ່ຊວນເດັກຄົນອື່ນລົມຫລາຍກວ່າການເກັບໂຕຢູ່ຄົນດຽວ ແຕ່ພໍ່ແມ່ຢ່າລືມວ່າເດັກນ້ອຍແຕ່ລະຄົນມີນິໃສທີ່ຕ່າງກັນບາງຄົນອາດຈະໃຊ້ເວລາ5ນາທີກໍ່ໄດ້ຫມູ່ແຕ່ບາງຄົນອາດຈະຕ້ອງໃຊ້ເວລາເປັນຊົ່ວໂມງກວ່າຈະໄດ້ຮູ້ຈັກຫມູ່ຈັກຄົນດັງນັ້ນຖ້າບໍລິເວນໃກ້ບ້ານມີບ່ອນເດັກຫລີ້ນກໍ່ພະຍາຍາມໄປເລື່ອຍໆພໍ່ແມ່ຈື່ງໄດ້ເຫັນພັດທະນາການຂອງລູກ

3.ການມີສ່ວນຮ່ວມ: ເກມບາງຊະນິດເຄື່ອງຫລີ້ນບາງຢ່າງຕ້ອງໃຊ້ຄົນຫລາຍກວ່າ1ຄົນຂື້ນໄປຈື່ງສາມາດຫລີ້ນໄດ້ຈື່ງບໍ່ແປກໃຈຖ້າພໍ່ແມ່ຈະໄດ້ມີໂອກາດໄດ້ເຫັນລູກຂອງເຮົາໄປເກາະກຸ່ມເດັກຄົນອື່ນໆໂດຍທີ່ເຮົາບໍ່ຕ້ອງບອກວ່າໄປຫລີ້ນນຳເຂົາແມະລູກເພາະເດັກນ້ອຍມີສັນຊາດຕະຍານຂອງເດັກເລີຍເທື່ອນີ້ລະພໍ່ແມ່ຈື່ງບໍ່ຕ້ອງເມື່ອຍຫລືອອກແຮງເອງເລີຍແຕ່ບໍ່ໄດ້ຫມາຍວ່າຈະປ່ອຍລູກໃຫ້ຫລີ້ນຄົນດຽວໄດ້ພໍ່ແມ່ຍັງໄດ້ຕ້ອງຄອຍເບີ່ງແຍງໃຫ້ຢູ່ໃນສາຍຕາຄືເກົ່າ

4.ຄວາມຄິດສ້າງສັນ: ການປ່ອຍລູກໃຫ້ຫລີ້ນໄດ້ດ້ວຍໂຕເອງຖືກເປັນການປ່ອຍໃຫ້ລູກໄດ້ໃຊ້ຈິນຕະນາການຂອງພວກເຂົາເອງຢ່າງເຕັມທີ່ບາງເທື່ອອາດຈະເຫັນວ່າທາງລົງຂອງສະໄລເດີມັກມີເດັກນ້ອຍເຮັດທ່າສະໄປເດີຫລືທ່າຕ່າງໆຕາມຈິນນະຕາການຂອງເດັກທີ່ເຮົາບໍ່ສາມາດສອນໄດ້ແຕ່ເປັນຄວາມຄິດທີ່ພວກເຂົາຄິດເອງຖຶງວ່າຈະເປັນການລອກຮຽນແບບກັນກໍ່ຕາມ

5.ດ້ານການເຄື່ອນໄຫວ: ການທີ່ລູກປີນຂື້້ນໄດ້ຫລີ້ນຊີງຊ້າຫລືໄມ້ກະດານລ້ວນແຕ່ໄດ້ຮັບປະໂຫຍດນຳກັນທັງຫມົດເນື່ອງຈາກລູກຈະຕ້ອງໄດ້ໃຊ້ກ້າມເນື້ອ,ມືໃນການຈັບຂອງຫຼີ້ນເຫຼົ່ານັ້ນໃຫ້ແໜ້ນບໍ່ເຊັ້່ນນັ້ນອາດຈະຕົງລົງເຮັດໃຫ້ເຈັບໂຕໄດ້ອີກຢ່າງລູກຍັງໄດ້ແລ່ນຫລີ້ນນຳຊື່ງສີ່ງເຫຼົ່ານີ້ລ້ວນແຕ່ເກີດປະໂຫຍດກັບຮ່າງກາຍຂອງລູກດ້ວຍກັຍທັ້ງຫມົດ

 ແລະຫາກວ່າການພາລູກໄປຫລີ້ນເດີ່ນເດັກຫລີ້ນລູກຈະໄດ້ຮັບຜົນປະໂຫຍດຫລາຍໆຢ່າງ ແຕ່ສຸກຂະພາບກໍ່ເປັນສີ່ງສຳຄັນຢ່າລືມປູກຝັງລູກທຸກຄັ້ງວ່າຫລີ້ນແລ້ວຄວນລ່າງມືດ້ວຍສະບູ່ໃຫ້ສະອາດທຸກຄັ້ງແລະຈະຕ້ອງບໍ່ປ່ອຍລູກຫລີ້ນຄົນດຽວຕ້ອງຢູ່ໃນສາຍຕາໂດຍຕະຫລອດບໍ່ຢ່າງນັ້ນອາດຕົກເປັນເຫຍື່ອຄົນບໍ່ດີໄດ້