ປະເທດໄອຣ໌ແລນ ກຽມມີນາຍົກເປັນ ເກ ຄົນທຳອິດ ແລະ ອາຍຸນ້ອຍທີ່ສຸດ ໃນປະຫວັດສາດ

ພັກຟິນເກລ ພັກລັດຖະບານຂອງສາທາລະນະລັດໄອຣ໌ແລນ ຈັດການເລືອກຕັ້ງຫົວໜ້າ ພັກຄົນໃໝ່ເມື່ອວັນທີ 3 ມິຖຸນາທີ່ຜ່ານມາ ເພື່ອຫາໂຕຜູ້ທີ່ຈະມາດຳລົງຕຳແໜ່ງ ແທນເອນດາ ເຄນນີ ນາຍົກລັດຖະມົນຕີ ທີ່ປະກາດລາອອກຈາກຕຳແໜ່ງ ເມື່ອເດືອນພຶດສະພາທີ່ຜ່ານມາ ແລະ ຜົນການເລືອກຕັ້ງພາຍໃນພັກປະກົດວ່າ ລີໂອ ວາຣາດຄາ ອາຍຸ 38 ປີ ລັດຖະມົນຕີດ້ານການປ້ອງກັນສັງຄົມ ເປັນຜູ້ໄດ້ຄະແນນສຽງສ່ວນຫຼາຍ ເຮັດໃຫ້ລາວເປັນຜູ້ຮັບຕຳແໜ່ງນາຍົກຄົນຕໍ່ໄປ ໂດຍຄາດການວ່າພິທີສາບານຕົນ ເຂົ້າຮັບຕຳແໜ່ງຢ່າງເປັນທາງການ ຈະຈັດຂຶ້ນບໍ່ເທົ່າໃດອາທິດຕໍ່ໜ້າ.

ລີໂອ ວາຣາດຄາ ຖືວ່າເປັນນາຍົກລັດຖະມົນຕີ ທີ່ມີອາຍຸນ້ອຍທີ່ສຸດ ໃນປະຫວັດສາດ ແລະ ເປັນນາຍົກເກຄົນທຳອິດຂອງໄອຣ໌ແລນ ເນື່ອງຈາກລາວໄດ້ສະແດງໂຕ ຢ່າງເປີດເຜີຍ ວ່າເປັນຊາຍຮັກຊາຍ ແລະ ສະໜັບສະໜູນກົດໝາຍ ຮັບຮອງສິດທິໃນການ ແຕ່ງດອງຂອງພວກຮ່ວມເພດ ເຊິ່ງໄດ້ຮັບການສະໜັບສະໜູນຈາກປະຊາຊົນຂອງປະເທດ ເປັນຢ່າງດີເມື່ອປີ 2015.

ທີ່ມາ: devcrown.com ຄວາມຮູ້ທັນສະໄໝ