ປະເທດລາວໄດ້ຮັັບລ້າງວັນເປັນເມືອງທີ່ໜ້າທ່ອງທ່ຽວທີ່ສຸດໃນໂລກ ໃນປີ 2013

ໃນຕອນຄຳ່ຂອງວັນທີ 9 ພຶດສະພາ 2013 ທີ່ນະຄອນຫຼວງ ວຽງຈັນ, ກະຊວງຖະແຫຼງຂ່າວ, ວັດທະນະທຳ ແລະ ການທ່ອງທ່ຽວລາວ ໄດ້ຈັດພິທີຮັບລາງວັນ “ປະເທດທີ່ໜ້າທ່ຽວທີ່ສຸດໃນໂລກປີ 2013” ໂດຍສະຫະພັນທ່ອງທ່ຽວ ແລະ ການຄ້າສະຫະພາບ ເອີຣົບ ມອບໃຫ້.                                                                                                                                       ເຂົ້າຮ່ວມມີສະຫາຍ ອາຊ່າງ ລາວລີ, ກຳມະການກົມການເມືອງ, ຮອງນາຍົກລັດຖະມົນຕີ; ສະຫາຍ ທອງລຸນ ສີສຸລິດ, ກຳມະການ ກົມການເມືອງ, ຮອງນາຍົກລັດຖະມົນຕີ, ລັດຖະມົນຕີວ່າການ ກະຊວງການຕ່າງປະເທດ ພ້ອມກັບບັນດາລັດຖະມົນຕີ, ຮອງລັດຖະມົນຕີ ແລະ ຄະນະພົວພັນຕ່າງປະເທດ.                                                                              ກ່າວປາໄສໃນພິທີດັ່ງກ່າວ, ທ່ານ Anton Caragea, ປະທານ ສະຫະພັນທ່ອງທ່ຽວ ແລະ ການຄ້າສະຫະພາບ ເອີຣົບ ໄດ້ຕີລາຄາສູງຕໍ່ ຄວາມມານະພະຍາຍາມ ແລະ ຜົນງານຂອງລາວໃນການພັດທະນາການທ່ອງທ່ຽວ. ເພິ່ນຍັງສະແດງຄວາມຍ້ອງຍໍສັນລະເສີນ ແລະ ເຄົາລົບ ນັບຖືຕໍ່ປະຊາຊົນລາວທີ່ໄດ້ມີການກໍ່ສ້າງຫຼາຍຈິດຈະການ ປະຫວັດສາດທີ່ມີຄວາມພົ້ນເດັ່ນ ແລະ ມີລັກສະນະສະເພາະຜ່ານຫຼາຍສະຕະວັດ, ປະກອບສ່ວນໃຫ້ແກ່ມວນມະນຸດຫຼາຍມີມູນມໍລະດົກອັນລ້ຳຄ່າຢ່າງມະຫາສານ.                                                                                                                                                         ຕາງໜ້າປະເທດເຈົ້າພາບ: ທ່ານ ບໍ່ແສງຄຳ ວົງດາລາ, ລັດຖະມົນຕີວ່າການກະຊວງຖະແຫຼງຂ່າວ, ວັດທະນະທຳ ແລະ ການທ່ອງທ່ຽວລາວ ສະແດງຄຳຂອບອົກຂອບໃຈຕໍ່ສະຫະພັນທ່ອງທ່ຽວ ແລະ ການຄ້າສະຫະພາບ ເອີຣົບ ທີ່ໄດ້ໃຫ້ການຕີລາຄາສູງກ່ຽວກັບຂະແໜງການ ທ່ອງທ່ຽວລາວ ແລະ ມອບລາງວັນອັນຊົງກຽດລະດັບໂລກໃຫ້ລາວ.                                               ເພິ່ນຍັງເນັ້ນໜັກວ່າ ລາວຈະສືບຕໍ່ພັດທະນາຂະແໜງການທ່ອງທ່ຽວ ເພື່ອປະກອບສ່ວນເຂົ້າໃນການສ້າງສາ ແລະ ເພີ່ມທະວີການພົວພັນ ມິດຕະພາບ, ໃກ້ຊິດກັບບັນດາປະເທດໃນໂລກ, ຈະມີຄວາມ ມານະພະຍາຍາມລະດົມກຳລັງໃຈແຫ່ງສັນຕິພາບ ແລະ ຄວາມເຂົ້າໃຈເຊິ່ງກັນ ແລະ ກັນ, ເພື່ອການພັດທະນາໃນຄວາມສັນຕິພາບ, ມິດຕະພາບ ແລະ ການຮ່ວມມືຢ່າງໝັ້ນຄົງໃນພາກພື້ນ ແລະ ໂລກ.

ຂ່າວ ແລະ ພາບ: ຮວ່າງເຈືອງ (ນັກຂ່າວຂອງຂ່າວສານຫວຽດນາມປະຈຳລາວ)

.............................................

ຂໍຂອບໃຈທີ່ມາ : vietnam.vnanet.vn/lao