ປະຫວັດບານໂລກທັງໝົດ

 

  • ປີ 1930 : ອຸຣຸກໄວ

ບານໂລກຄັ້ງທໍາອິດມີທັງໝົດ 13 ທີມດ້ວຍກັນແບ່ງອອກເປັນ 4ກຸ່ມນໍາອັນດັບ 1 ຂອງແຕ່ລະກຸ່ມເຂົ້າຮອບຊິງຊະນະເລີດ ຈະເປັນການພົບກັນລະຫ່ວາງ ອຸຣຸກໄວ ເຈົ້າພາບ ກັບ ອາເຈນຕິນ່າ ຊຶ່ງອຸຣຸກໄວກໍ່ສາມາດເອົາຊະນະໄດ້ 4-2 ຄ້ວາແຊັມໂລກມາຄອງໄດ້ເປັນສະໄໝທໍາອິດ

  • ປີ 1934 : ອີຕາລີ

ບານໂລກຄັ້ງນີ້ ອຸຣຸກໄວແຊັມເກົ່າບໍ່ໄດ້ເຂົ້າຮ່ວມເພື່ອປ້ອງກັນແຊັມ ໂດຍການແຂ່ງຂັນຄັ້ງນີ້ມີທີມເຂົ້ສຮ່ວມທັລໝົດ 16ທີມ ຈັດການແຂ່ງຂັນໃນຮູບແບບແພ້ຄັດອອກ ຊຶາງກໍ່ເປັນ ອີຕາລີ ເຈົ້າພາບ ເຂົ້າຊິງກັບ ເຊໂກສໂລວາເກຍ ກ່ອນທີ່ຈະຊະນະໄປ 2-1 ຄ້ວາແຊັມໂລກສະໄໝທໍາອິດໄປຄອງ

  • ປີ 1938 ຝຣັ່ງເສດ

ບານໂລກຄັ້ງທີ່ 3 ຍັງຄົງຈັດຢູ່ເທິງຜືນແຜ່ນດິນເອີລົບ ໂດຍທີ່ຮູບແບບການຈັດການແຂ່ງຂັນຍັງຄົງເປັນຮູບແບບເດີມ ມີ 16ທີມເຂົ້າຮ່ວມ ເຕະແບບແພ້ຄັດອອກ ແລ້ວກໍ່ເປັນອີຕາລີ ທີ່ສາມາດປ້ອງກັນແຊັມໄດ້ ໂດຍເອົາຊະນະ ຮັງກາລີ 4-2

  • ປີ 1950 : ບຣາຊິວ

ບານໂລກຄັ້ງທີ່ 4 ຮ່າງຈາກບານໂລກຄັ້ງກ່ອນເຖິງ 12 ປີ ສືບເນື່ອງຈາກສົງຄາມໂລກຄັ້ງທີ 2 ໂດຍໃນຄັ້ງນີ້ມີທີມເຂົ້າຮ່ວມທັງໝົດ 15ທີມ ແບ່ງອອກເປັນ 4ກຸ່ມ ນໍາອັນດັບ 1 ຂອງແຕ່ລະກຸ່ມເຂົ້າສູ່ຮອບສຸດທ້າຍ ແຂ່ງແບບພົບກັນໝົດ ຊຶ່ງໄຮໄລ້ສໍາຄັນຢູ່ທີ່ນັດສຸດທ້າຍ ບຣາຊິວ ພົບກັບ ອຸຣຸກໄວ ໂດຍທີ່ຄະແນນຕອນນັ້ນ ຫາກບຣາຊິວບໍ່ແພ້ ກໍ່ຈະຄ້ວາແຊັມໂລກໄດ້ທັນທີ ຢ່າງໃດກໍ່ຕາມບຣາຊິວກັບແພ້ໄປ 1-2 ເຮັດໃຫ້ ອຸຣຸກໄວຄ້ວາແຊັມໄດ້ເປັນສະໄໝທີ 2 ທ່າມກາງຄວາມໂສກເສົ້າຂອງຊາວບຣາຊິວກ່ວາ 2ແສນຄົນທີ່ຢູ່ໃນສະໝາມ

  • ປີ 1954 : ສະວິດເຊີແລນ

ບານໂລກຄັ້ງທີ 5 ໄຮໄລ້ທີ່ສໍາຄັນທີ່ສຸດກໍ່ຄົງໜີບໍ່ພົ້ນການຄ້ວາແຊັມໂລກເປັນສະໄໝທໍາອິດຂອງເຢຍລະມັັນຕາເວັນຕົກ ໂດຍທີ່ສາມາດເອົາຊະນະ ຮັງກາລີໄດ້ ຊຶ່ງ ມີດີກີຫຼຽນທອງໂອແລມປິກ 1952 ໄປໄດ້ 3-2 ທັ້ງໆທີ່ເປັນຝ່າຍຕາມຫຼັງໄປກ່ອນ 0-2 ນອກຈາກນີ້ຜົນງານທີ່ທັງຄູ່ເຈີກັນໃນຮອບທໍາອິດ ຮັງກາລີ ເປັນຝ່າຍຊະນະ ແບບທະລົ່ມທະລາຍ 8-3 ດ້ວວຍເຫດນີ້ນັດຊິງສະນະເລີດນັດນີ້ຈຶ່ງຖືກເອີ້ນວ່າ (ເບິນ ຄືເມືອງທີ່ຈັດການແຂ່ງຂັນໃນນັດນີ້)

  • ປີ 1958 : ສະວີເດນ

ບານໂລກເທິງດິນແດນໄວກິ້ງ ຖືເປັນບານໂລກທີ່ແຈ້ງເກີດຂອງຊາຍໜຸ່ມທີ່ຊື່ວ່າ ເປເລ່ ຢ່າງແທ້ຈິງ ໂດຍບຣາຊິວສາມາດລົບລ້າງຄວາມຜິດຫວັງ ປີ 1950 ໄດ້ເປັນຜົນສໍາເລັດ ດ້ວຍການເອົາຊະນະເຈົ້າພາບສະວີເດນ 5-2 ອີກທັງເກມນີ້ ເປເລ່ ຍັງຈັດການຊັດ 2ປະຕູອີກດ້ວຍ ສ່ວນແຊັມເກົ່່າຄືເຢຍລະມັນຕາເວັນຕົກ ຄ້ວາໄດ້ພຽງອັນດັບທີ 4 ແພ້ຝຣັ່ງເສດໃນຮອບຊິງທີສາມ 3-6

  • ປີ 1962 : ຊິລີ

ບຣາຊິງຖືເປັນແຊັມທີສອງທີ່ສາມາດຄ້ວາແຊັມບານໂລກໄດ້ສໍາເລັດ ຕໍ່ຈາກອີຕາລີທີ່ສາມາດປ້ອງກັນແຊັມໄດ້ໃນປີ 1934 ແລະ ປີ 1938 ຊຶ່ງໃນຮອບຊິງສະນະເລີດ ບຣາຊິວສາມາດເອົາຊະນະ ເຊໂກສໂລວາເກຍໄປໄດ້ 3-1 ສ່ວນໝຸ່ມນ້ອຍເປເລ່ນັ້ນ ໃນທົວນາເມນນີ້ເຮັດໄດ້ພຽງ 1ປະຕູ

  • ປີ 1966 : ອັງກິດ

ບານໂລກຄັ້ງນີ້ໄດ້ຈັດຂື້ນໃນປະເທດທີ່ເປັນຕົ້ນຕໍາລັບບານເຕະຄືອັງກິດ ມີເຫດການໂດດເດັ່ນນັ້ນຄື ເກົາຫຼີເໜືອ ສາມາດເອົາຊະນະອີຕາລີ 1-0 ໃນຮອບທໍາອິດ ພ້ອມກັນທະລຸເຂົ້າຮອບທີ 8 ທີມສຸດທ້າຍໄດ້ເປັນຄັ້ງທໍາອິດ ກ່ອນແພ້ໂປຣຕຸເກດ 3-5 ສ່ວນນັດຊິງຊະນະເລີດຄັ້ງນີ້ ກໍ່ເປັນຄໍາກ່າວລືກັນໄປອີກດົນນານ ກັບລູກຍິງ ເຊີ ເຈຟ ເອິຣດ ທີ່ຍິງຖືກຄານ ກ່ອນເດັ້ງລົງເສັ້ນປະຕູຢ່າງໄວວາ ໃນຊ່ວງຕໍ່ເວລາພິເສດ ຊຶ່ງຜູ້ຕັດສິນກໍ່ຕັດສິນໃຈໃຫ້ເປັນປະຕູ ເຮັດໃຫ້ອັງກິດຂື້ນນໍາເຢຍລະມັນ 3-2 ທ່າມກາງການຜິດຖຽງກັນຢ່າງດົນນານວ່າ ລູກນີ້ເຂົ້າຫຼືບໍ່ເຂົ້າຢ່າງໃດກໍ່ຕາມ ເອິຣດໄດ້ຍິງເພິ່ມອີກ 1ປະຕູກາຍເປັນແຮດທິດທີ່ສົ່ງອັງກິດທະຍ່ນເປັນແຊັມໂລກຄັ້ງທໍາອິດ ແລະ ຄັ້ງດຽວຈົນເຖິງທຸກວັນນີ້

  • ປີ 1970 : ແມັກຊີໂກ

ເປັນບານໂລກເທິງດິນແດນຈັງໂກ້ເທື່ອທໍາອິດ ຟີຟ່າ ໄດ້ໃຫ້ເງື່ອນໄຂວ່າ ຫາກແຊັມໃດຄ້ວາແຊັມໄດ້ເປັນສະໄໝທີ 3 ກ່ອນ ກໍ່ຈະໄດ້ກໍາມະສິດ ຖ້ວຍ ຈູນສ ຮິເມ່ ໄປຄອງ ແລະ ກສຍເປັນບຣາຊິວສາມາດຄ້ວາແຊັມໂລກໄດ້ເປັນສະໄໝທີ 3 ໂດຍໂຄ່ນອີຕາລີ ແຊັມໂລກ 2ສະໄໝໄປ 4-1 ໃນນັດຊິງຊະນະເລີດ ສ່ວນແຊັມເກົ່າອັງກິດ ຖືກເຢຍລະມັນຖອນແຄ້ນໃນຮອບ 8ທີມສຸດທ້າຍ 3-2

  • ປີ 1974 : ເຢຍລະມັນຕາເວັນຕົກ

ນັບເປັນບານໂລກຄັ້ງທໍາອິດທີ່ໃຊ້ຖ້ວຍການແຂ່ງຂັນຖ້ວຍໃໝ່ ນັ້ນຄືຖ້ວຍຟີຟ່າ ເວີດຄັບ ອີກທັງຍັງເປັນການແຂ່ງຂັນທີ່ມີເສິກສາຍເລືອດ ຄືເຢຍລະມັນຕາເວັນຕົກ ແລະ ເຢຍລະມັນຕາເວັນອອກ ຢູ່ຮ່ວມກຸ່ມກັນໃນຮອບທໍາອິດ ຊຶ່ງການພົບກັນຂອງທັງສອງທີມເປັນຝ່າຍຕາເວັນອອກຊະນະຕາເວັນຕົກໄປໄດ້ 1-0​ ແຕ່ເຖິງຢ່າງໃດກໍ່ຕາມຄວງຄູ່ກັນເຂົ້າຮອບ ສ່ວນຮອບທີ 2 ມີທັງໝົດ 8ທີມ ແບ່ງອອກເປັນ 2ກຸ່ມການແຂ່ງຂັນຮອບທີຄັດທີ 1 ຂອງກຸ່ມເຂົ້າຊິງຊະນະເລີດ ສ່ວນກຸ່ມທີ່ 2ຂອງກຸ່ມຊິງທີ 3 ຜົນປະກົດວ່າ ຮອບຊິງຊະນະເລີດເປັນການພົບກັນລະຫ່ວາງເຢຍລະມັນຕາເວັນຕົກກັບເນເທີແລນ ແລ້ວກໍ່ເປັນເຢຍລະມັນຕາເວັນຕົກທີ່ຄ້ວາແຊັມໂລກໄດ້ເປັນສະໄໝທີ 2 ເທິງແຜ່ນດິນຂອງຕົວເອງ

  • ປີ 1978 : ອາເຈນຕິນາ

ບານໂລກຄັ້ງນີ້ເປັນອີກໜຶ່ງຄັ້ງທີ່ໄດ້ແຊັມໂລກໜ້າໃໝ່ ນັັ້ນນຄື ອາເຈນຕິນາ ໂດຍສາມາດເອົາຊະນະເນເທີແລນໄດ້ 3-1 ໃນຊ່ວງຕໍ່ເວລາພິເສດ ເຮັດໃຫ້ເນເທີແລນຕ້ອງອົກຫັກເປັນຄັ້ງທີ 2 ຕິດຕໍ່ກັນ ແລະ ບານໂລກຄັ້ງນີ້ ຈະເປັນບານໂລກຄັ້ງສຸດທ້າຍທີ່ຈະແຂ່ງຂັນກັນໃນຮອບ 16ທີມ

  • ປີ 1982 : ອີຕາລີ

ເປັນຄັ້ງທໍາອິດຂອງງງບານໂລກຂະຫຍາຍທີມເພີ່ມຂື້ນເປັນ 24ທີມ ຮອບທໍາອິດແບ່ງອອກເປັນ 6ກຸ່ມ ຄັດ 2 ທີມ ທີ່ດີທີ່ສຸດແຕ່ລະກຸ່ມເຂົ້າຮອບທີ່ 2 ໂດຍຮອບທີ 2 ມີ 12 ທີມ ແບ່ງອອກເປັນ 4 ກຸ່ມ ກຸ່ມລະ 3 ທີມ ຄັດອັນດັບທີ 1 ຂອງກຸ່ມ ຈໍ່ນວນ 4ທີມ ເຂົ້າຮອບຊິງສະນະເລີດ ແລະ ຊິງສະນະເລີດຕໍ່ໄປ ຊຶງກໍ່ເປັນອີຕາລີ ທີ່ສາມາດທະລຸເຂົ້າໄປຊິງກັບເຢຍລະມັນຕາເວັນຕົກ ກ່ອນທີ່ຈະຄ້ວາແຊັມໂລກໄດ້ເປັນຜົນສໍາເລັດ ດ້ວຍສະກໍ 3-1 ເປັນແຊັມໂລກສະໄໝທີ 3 ແລະ ເປັນແຊັມໂລກຄັ້ງທໍາອິດໃນຮອບ 44ປີ