ປະຫວັດຄວາມເປັນມາກ່ຽວກັບລະຄອນ "ນາຄີ" ທີ່ຫຼາຍຄົນໃຫ້ຄວາມສົນໃຈ

        ວັນນີ້ ວັນທີ 07/12/16 ເຂົາໂສກັນເລື່ອງ #ນາຄີ (นาคี) ເກືອບໝົດທັງວັນມື້ນີ້ ທັງຢູ່ໃນເຟຊບຸຄ ແລະທີ່ນອກເຟຊບຸຄຫຼາຍຄະນະ.

#ອາຕະມາເອງ ສີດາຍແຕ່ບໍ່ໄດ້ຕິດຕາມຕະຫຼອດ ແລະກໍບໍ່ຮູ້ເລື່ອງລາວທັງຕອນເປີດເລື່ອງ ເດີນເລື່ອງ ແລະຕອນຈົບເລື່ອງ ເປັນອັນວ່າບໍ່ຮູ້ເລື່ອງລາວນີ້ເລີຍ ໄດ້ເບິ່ງແຕ່ 2-3 ຕອນ ຮູ້ແຕ່ນາງເອກຊື່ #ຄຳແກ້ວ ຕົວລະຄອນອື່ນບໍ່ຮູ້ເລີຍ ເລື່ອງລາວເປັນຈັງໃດ ບໍ່ຕ້ອງຖາມກໍແລ້ວກັນ.

#ເທົ່າທີ່ໄດ້ເບິ່ງ 2-3 ຕອນ ເຫັນຕົວລະຄອນຫຼາຍຕົວ ເວົ້າພາສາລາວ ຟັງແລ້ວແບບບໍ່ຄ່ອຍເປັນທຳມະຊາດປານໃດດອກ ແລະຊື່ກໍບອກວ່ານາຄີ #ເຂົ້າໃຈໂລດລະ ເລື່ອງນີ້ ມີ Location ກ່ຽວກັບລາວແນ່ນອນ

#ເມື່ອຮູ້ແລ້ວວ່າ ຂອບເຂດຂອງເລື່ອງ ແມ່ນ #ລາວ, ແລະເລື່ອງກ່ຽວພັນກັບ #ນາຄ ແນ່ນອນຕ້ອງພັນລະນາເຖິງລາວ ເພາະລາວເປັນເຊື້ອ #ພະຍານາຄນາຄີ ເມື່ອຮູ້ວ່າຂອບເຂດໃຫຍ່ຂອງເລື່ອງວ່າແມ່ນລາວ ແຕ່ກໍໄດ້ຊອກຫາ ສາກຫຼັກຂອງລະຄອນນັ້ນ ເຂົາຈະວາງໄວ້ຢູ່ເຂດໃດຂອງລາວລະ ? #ນີ້ລະຈຳເປັນຕ້ອງໃຫ້ຕ້ອງອາຕະມາຕ້ອງຄິດຕໍ່ (ຕໍ່ຈາກນີ້ໄປ ຂຽນຈາກການສຶກສາປະສົບການ ແລະຄວາມຮູ້ລ້ວນໆ ໃຜຢາກຮູ້ຄວາມເປັນລາວ ເຊີນຕິດຕາມອ່ານໃຫ້ສຸດ)

#ດັ່ງທີ່ບອກແລ້ວຂອບເຂດຂອງເລື່ອງ ກ່ຽວລາວ ໂຄງສ້າງການດຳເນີນເລື່ອງກ່ຽວກັບນາຄ ແລະສາກຫຼັກຂອງເລື່ອງນັ້ນ ຢູ່ທີ່ໃດຂອງລາວ #ເລື່ອງບໍ່ກ່າວເຖິງ ຫຼືກ່າວເຖິງແລ້ວ ແຕ່ບໍ່ໄດ້ເບິ່ງ ຈຶ່ງບໍ່ຮູ້ສາກຫຼັກຂອງເລື່ອງວ່າເມືອງໃດ ?

#ມັນເປັນທຳມະຊາດຂອງອາຕະມາ ເມື່ອບໍ່ຮູ້ຕ້ອງຮຽນ ເມື່ອຢາກຮູ້ຕ້ອງຊອກຫາ ໂດຍສະເພາະຄວາມຮູ້ນີ້ຕ້ອງຫາເອງ.

#ເມືອງລາວ ເປັນເມືອງນາຄ ຄົນລາວເປັນລູກນາຄ ວຽງຈັນ ຊື່ວ່າຈັນທະບູຣີສີສັຕະນາຄ ມີພຣະຍາສີສັດຕະນາຄ (ນາຄເຈັດສຽນເປັນເຈົ້າ ຢູ່ທີ່ດອນຈັນ) ຫຼວງພຣະບາງ ກໍມີນາຄ 15 ຕະກູນເປັນຜູ້ຮັກສາ ເມືອງອື່ນໆຂອງລາວ ມີນາຄສະກຸນຕ່າງໆເປັນເຈົ້າ ຈົນຮອດນໍ້າຊີ ກໍມີຊີວິນາຄ ນໍ້າມູນ ກໍມີມູລະນາຄເປັນເຈົ້າ #ຊາດໃດຖືນາຄ ມີນາຄເປັນສັນຍະລັກ #ທີ່ນັ້ນຊາດນັ້ນແມ່ນລາວ (ຈົ່ງສຶກສາຕຳນານວຽງຈັນ ແລະຕຳນານກ່ຽວລາວປະກອບ)

#ຕອນກາງເວັນວັນນຮ້ ຍິນເຂົາໂສກັນວ່າ "ນາງຄຳແກ້ວ ເປັນນາງນາຄ ມາມັກຮັກຊາຍມະນຸດ #ພຣະຍາສີສຸດໂທ ລົງໂທດ ສາບໃຫ້ເປັນຫີນ 1000 ປີ" ວ່າຈັງຊັ້ນ.

#ອາຕະມາຟັງເຂົາເວົ້າເລື່ອງ ກໍມາສະດຸດທີ່ #ພຣະຍາສີສຸດໂທ 5555 ຮູ້ຄັກປະຈັກໃຈເລີຍໂດຍບໍ່ຈຳເປັນຕ້ອງໄປນັ່ງເບີ່ງລະຄອນໃຫ້ເສັຍເວລາ 555.

#ແນ່ນອນ ສາກຫຼັກຂອງເລື່ອງຄື ອານາຈັກສີໂຄຕະປຸຣະ (ສີໂຄດຕະບູຣີ-ສີໂຄຕະບູນ-ສີໂຄຕະບອງ ຫຼືເມືອງກະບອງ) ແຫ່ງເມືອງເກົ່າທ່າແຂກນີ້ເອງ ເມືອງດັ່ງກ່າວກວາມເອົາສອງຟາກຝັ່ງແມ່ນໍ້າຂອງ ຮອດນະຄອນພະນົມ ສາກົນນະຄອນ ໜອງຫານພຸ້ນ.

#ຮູ້ແລ້ວວ່າ ສາກຫຼັກຂອງເລື່ອງຄື ລາວ ຈໍ້ເຂົ້າມາກໍຮູ້ວ່າ ອານາຈັກສີໂຄຕະປຸຣະ(ກໍຄືເມືອງທ່າແຂກເກົ່າ)

#ທີ່ນີ້ເມືອງທ່າແຂກເກົ່ານັ້ນ ເປັນສູນກາງຂອງສີໂຄຕະປຸຣະ(ສີໂຄຕະບູນ) ອະນາເຂດກວ້າງ ແລະມີ 2 ຟາກຝັ່ງ (ທ່າແຂກ-ນະຄອນພະນົມ) ທີ່ນີ້ເຮົາມາເຈາະເລິກລົງໄປວ່າ #ຖໍ້າທີ່ເປັນທີຢູ່ຂອງພຣະຍາສີສຸດໂທນັ້ນຢູ່ໃສ ? ເມືອງຫຼວງຂອງອານາຈັກສີໂຄຕະປຸຣະຢຸ່ໃສ ?(ຕິດຕາມການຊອກຄົ້ນ ຕາມສັນນິຖານ ທາງຕຳນານ ປະຫວັດ ແລະປະສົບການຂອງອາຕະມາຈະເລົ່າຕໍ່ຈາກນີ້ໃນມື້ອື່ນເຊົ້າ)

#ມາອ່ານເລື່ອງກັນຕໍ່ ກ່ອນລົງໄປທຳບຸນວັນສີນ 8 ເດືອນຈຽງ (7/11/16) ເວລາ 06:37 ໂມງ.

ດັ່ງທີ່ບອກແລ້ວວ່າເມື່ອຍິນຄຳວ່າ #ພະຍາສີສູດໂທສາບ ເທົ່ານັ້ນກໍຮູ້ໄດ້ໂລດວ່າ ສາກຫຼັກຂອງເລື່ອງແມ່ນ #ອານາຈັກສີໂຄຕະປຸຣະ ຫຼືສີໂຄຕະບູນຫຼວງ ໄດ້ແກ່ເມືອງທ່າແຂກເກົ່ານີ້ເອງ.

#ໃນໃນລະຄອນນາຄີນັ້ນ ໄດ້ກັບໄປເບິ່ງຍ້ອນຄືນໜ້ອຍໜຶ່ງ ໄດ້ເຫັນວ່າຖໍ້າ ແລະບ້ານຊື່ວ່າ #ບ້ານດົງດອກໄມ້ ກໍເຂົ້າໃຈຄັກວ່າ ລະຄອນໝາຍເຖິງເມືອງ #ມະຣຸກຂະນະຄອນ ແປງວ່າ #ເມືອງແຫ່ງປ່າໄມ້ ຫຼືຈະວ່າເມືອງດົງດອກໄມ້ ກໍບໍ່ຜິດ ຫາກຈະອະທິບາຍຮອດຍຸກໄທຍ໌ໄດ້ຝັ່ງຂອງເບື້ອງຕາເວັນຕົກເປັນຂອງໄທຍ໌ແລ້ວ ຕັ້ງຈັງຫວັດ ແລະໃສ່ຊື່ວ່າ #ນະຄອນພະນົມ ກໍກົງກັນບໍ່ຢອກ ຄື #ເມືອງແຫ່ງພູເຂົາ ເຊິ່ງໝາຍເຖິງດິນແດນທ່າແຂກຄຳມ່ວນເຕັມແຕ່ພູເຂົານັ້ນເອງ; ເປັນອັນສະຫຼຸບແລ້ວວ່າ ສາກຫຼັກຂອງລະຄອນນາຄື ຄື #ທ່າແຂກນະຄອນພະນົມ.

#ກ່ຽວກັບອານາຈັກສີໂຄຕະປຸຣີ ນີ້ມີຫຼັກຖານອ້າງອີງວ່າມີຕົວຕົນຈິງແທ້ນັບແຕ່ 1000-2500 ກວ່າປີຂຶ້ນໄປ, ບໍ່ວ່າແຕ່ຫຼັກຖານເອກະສານເກົ່າຂອງລາວ - ໄທຍ໌; ໃນຮູບຂອງຕຳນານ, ນິທານ ແລະປະຫວັດ ແລະພົງສາວະດານ.

#ສ່ວນບົດຄົ້ນຄວ້າວີໄຈທາງດ້ານວັນນະຄະດີ ພົງວາວະດານ ຕຳນານ ວັດຖຸບູຮານ ສະຖາປັດ ປະຫວັດ ອານາຈັກ ແລະຊົນຊາດຊົນເຜົ່າ ຂອງທາງໄທຍ ແລະຕ່າງປະເທດມີໃຫ້ຄົ້ນຄວ້າສຶກສາຫຼາຍແທ້.

#ຢູາບົນດິນແດນຂອງລາວໄທຍ ບໍຣິເວນດັ່ງກ່າວໃນສູນກາງນັບແຕ່ແຂວງຄຳມ່ວນ ສະຫວັນ ຈຳປາສັກ ຂ້າມຂອງໄປຮອດຊາຍທະເລດ້ານຕາເວັນຕົກມີວັດຖຸບູຮານຢັ້ງຢືນນັຍບໍ່ໄຄວ່.

#ທີ່ເມືອງລາວ ເຮົາພົບຕຳນານອຸຣັງຄະທາດ(ບໍ່ແມ່ນຕຳນານປະຣຳປະຣະ) ເລື່ອງສີໂຄດ, ນິທານໜອງຫານ ແລະນິທານອື່ນໆແວດລ້ອມຫຼວງຫຼາຍ.

#ຫຼັກຖານອື່ນໆ ທີ່ປະກົດຕົວໃນລ່ອງແມ່ນໍ້າຂອງ ຄະສົມບັດເດີມທີ່ພະທາດພະນົມລົ້ມ ມີວັດຖຸຫຼາຍຢ່າງນອກຈາກສົມບັດໃນສະໄໝລ້ານຊ້າງແລ້ວ ຍັງຢັ້ງຢືນເຖິງຫຼັກຖານສະໜັບສະໜູນ ຕຳນານອຸຣັງຄະທາດໄດ້ຢ່າງຍິ່ງ ຄືກະອຸບບັນຈຸພະບໍຣົມມະສາຣີຣິກະທາດ ທີ່ປາກົດໃນໜັງສືອຸຣັງຄະທາດ ທີ່ມີອາຍຸ 2500 ກວ່າປີ.

(ໄປສັນເພນ ແລ້ວມາຂຽນຕໍ່)

#ນອກຈາກຫຼັກຖານທາງດ້ານເອກສານແລ້ວ ທົ່ວແຂວງຄຳມ່ວນ ແລະແຂວງສະຫວັນນະເຂດນັ້ນ ຫຼັກຖານທາງດ້ານວັດຖຸຈະມີສະຖູບ ເທວະຮູບ ພຸດທະຮູບ ເສມາຫີນ ແລະຫຼັກເສົາຫີນ ເປັນຫຼັກບ້ານ ເຂດເມືອງຫຼວງຫຼາຍ ລ້ວນແລ້ວແຕ່ຕົກຢູ່ໃນຍຸກສາສນພາມ ນີນດູຈະເລີນຮຸງເຮືອງ ແລະພຸດທະສາສນາຮຸງເຮືອງກ່ອນ 2500 ປີຂຶ້ນເມືອທັງນັ້ນ.

#ບ່ອນທີ່ຢັ້ງຢືນ ຖືວ່າຈຸດສຳຄັນຂອງເມືອງທີ່ພະຍາສິສຸດໂທຢູ່ນັ້ນຢູ່ຈຸດໃດ ນັ້ນຄາດວ່າຢູ່ລ້ອງເຊບັງໄຟນີ້ ຄື ບໍລິເວນ #ເມືອງເກົ່າໜອງເຮືອທອງ ກໍ້າຝັ່ງໃຕ້(ເມືອງວິລະບູລີ ແຂວງສະຫວັນນະເຂດ)

(ຢຸດກ່ອນ ບໍ່ທັນສຸດ ຍາດໂຍມມາອີກແລ້ວ ລໍອ່ານໄປ ຈະເຫັນຈຸດທີ່ທ່ານສາມາດໄປພິສູດໄດ້ດ້ວຍຕົວທ່ານເອງ)

ເລົ່າເລື່ອງໂດຍ: ພຣະອາຈານ Ariya Ariya Lukxaodone

ບົດຄວາມໃຫມ່ໆ