ປະທານ ນົກແກ້ວ ລັ່ນແຟນບານບໍ່ໄດ້ຢຽດຜິວ ເນມາ

ໂຈນ ກອນເລ ປະທານ ເອສະປານຢອນ ປະກາດຊັດເຈນ ແຟນບານຂອງທີມບໍ່ໄດ້ຢຽດຜິວ ເນມາ ຫົວຫອກຂອງ ບາເຊໂລນາ ໃນເກມທີ່ທັງສອງທີມສະເໝີກັນເມື່ອວັນເສົາທີ່ຜ່ານມາ ຊີ້ກອງເຊຍ “ນົກແກ້ວ” ປະຕິບັດໂຕດີຊ້ຳ ພ້ອມຕອກກັບພວກທີ່ບອກວ່າທີມຂອງຕົນເນັ້ນຫຼິ້ນແບບຮຸນແຮງ.

 

ໂຈນ ກອນເລ ປະທານສະໂມສອນ ເອສະປານຢອນ ກ່າວວ່າແຟນບານຂອງທີມບໍ່ໄດ້ເຮັດການຢຽດສີຜິວ ເນມາ ກອງໜ້າຄົນດັງຂອງ ບາເຊໂລນາ ລະຫວ່າງເກມ ລາ ລີກາ ສະເປນ ນັດດາບີແຫ່ງແຄວ້ນກາຕາລັນທີ່ທັງສອງທີມສະເໝີກັນທີ່ສະໜາມ ເອສະຕາດີ ກໍເນຢາ ເອວ ປຣາດ ຮັງຂອງ “ນົກແກ້ວ” ເມື່ອວັນເສົາທີ 2 ມັງກອນທີ່ຜ່ານມາ ແຕ່ຢ່າງໃດ.

ມີລາຍງານລະບຸວ່າ ເນມາ ຖືກກອງເຊຍເຈົ້າບ້ານຢຽດຜິວຢ່າງໜັກໃນເຄິ່ງເວລາທຳອິດໂດຍທີ່ ອິເນສຕາ ກອງກາງຄົນເກັ່ງຂອງ ບາຊາ ແລະ ໂທນີ ເຟຣຊາ ອະດີດບອດບໍລິຫານຂອງ “ອາຊູການາ” ຢືນຢັນວ່າມີເຫດການດັ່ງກ່າວເກີດຂຶ້ນແທ້.

 

ກອນເລ ເຜີຍວ່າ “ຂ້ອຍເອງກໍຢູ່ທີ່ນັ້ນເຊັ່ນດຽວກັບຄົນ 30,000 ຄົນ ແລະ ມັນບໍ່ມີຫຍັງເກີດຂຶ້ນເລີຍ ທຸກຢ່າງຖືກທຳລາຍດ້ວຍການຮ້ອງຄັ້ງດຽວ ແຕ່ໂດຍລວມມັນກໍບໍ່ມີຫຍັງມັນເປັນການຂີ້ຕົວະ ມັນເປັນເກມທີ່ມີຄວາມສ່ຽງສູງ ແລະ ບໍ່ມີເຫດການຫຍັງເລີຍ ທັດສນະຄະຕິຂອງແຟນບານມັນດີຫຼາຍ ມັນເປັນເກມທີ່ເຮົາສາມາດຮູ້ສຶກພາກພູມໃຈໄດ້ ແລະ ມັນເຮັດໃຫ້ເຮົາຕື່ນເຕັ້ນກັບອະນາຄົດ”.

 

ຫົວໜ້າໃຫຍ່ ເອສະປານຢອນ ຕອກກັບບັນດາຄົນທີ່ວິຈານວ່າທີ່ຂອງຕົນເນັ້ມຫຼິ້ນເກມແບບຮຸນແຮງໃນເກມກັບ ບາເຊໂລນາ “ເປັນເລື່ອງທີ່ໜ້າອັບປະຢົດສຸດໆ ທີ່ພວກມັກສົງໄສໜ້າເກົ່າໆ ມາເລີ່ມອວຍ ບາເຊໂລນາ ແບບສຸດລິມທີ່ມປະຕູ ຂ້ອຍບໍ່ເຄີຍໄດ້ຍິນນັກເຕະ ຫຼື ຜູ້ຈັດການຂອງ ບາຊາ ຈົ່ມຫຍັງເລີຍ ຂ້ອຍໄດ້ຍິນເລື່ອງນັ້ນຈາກພວກມັກສົງໄສໜ້າເກົ່າໆກຸ່ມດຽວ”.