ປະທານສູນກາງສະຫະພັນແມ່ຍິງລາວ ຕ້ອນຮັບຄະນະຜູ້ແທນແມ່ຍິງຊຽງໄຮ້

ທ່ານ ນາງ ອິນລາວັນ ແກ້ວບຸນພັນ ປະທານສູນກາງ ສະຫະພັນແມ່ຍິງລາວ ໄດ້ຕ້ອນ ຮັບຄະນະຜູ້ແທນສະຫະພັນ ແມ່ຍິງ ນະຄອນຊຽງໄຮ້ ສປ ຈີນ ຊຶ່ງນຳໂດຍທ່ານ ຊຸນ ເໝ ເອີ (San Meie) ເຂົ້າຢ້ຽມຂ່ຳ ນັບໃນໂອກາດເດີນທາງມາ ຢ້ຽມຢາມ ແລະ ເຮັດຢູ່ ສປປ ລາວ ເມື່ອວັນທີ 28 ມິຖຸນາ ຜ່ານມາທີ່ສະຫະພັນແມ່ຍິງ ລາວ.
   ໃນໂອກາດດັ່ງກ່າວ ທ່ານ ນາງ ອິນລາວັນ ແກ້ວບຸນພັນ ໄດ້ສະແດງຄວາມຍ້ອງຍໍຊົມ ເຊີຍ ແລະ ຍິນດີຕ້ອນຮັບ ທ່ານ ນາງ ຊຸນ ເໝ ເອີ ພ້ອມຄະນະ ທີ່ໄດ້ເດີນທາງຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງ ນີ້ ຊຶ່ງຈະເປັນການປະກອບ ສ່ວນ ເສີມສ້າງຮັດແໜ້ນສາຍ ພົວພັນ ມິດຕະພາບ ແລະ ການ ຮ່ວມມືລະຫວ່າງສູນກາງສະ ຫະພັນແມ່ຍິງລາວ ແລະ ສະ ຫະພັນແມ່ຍິງ ນະຄອນຊຽງໄຮ້ ສປ ຈີນ ນັບມື້ເຕີບໃຫຍ່ຂະ ຫຍາຍຕົວຍິ່ງໆຂຶ້ນ.
   ທ່ານ ນາງ ຊຸນ ເໝ ເອີ ໄດ້ຕາງໜ້າໃຫ້ຄະນະສະແດງ ຄວາມຂອບໃຈເປັນຢ່າງສູງ ຕໍ່ ທ່ານປະທານສະຫະພັນແມ່ຍິງ ລາວ ທີ່ໄດ້ໃຫ້ການຕ້ອນຮັບ ຄະນະຢ່າງອົບອຸ່ນໃນຄັ້ງນີ້ ແລະ ຍັງໄດ້ແຈ້ງໃຫ້ຊາບກ່ຽວ ກັບຈຸດປະສົງຂອງການຢ້ຽມ ຢາມແມ່ນເພື່ອເປັນການສ້າງ ສາຍພົວພັນ ມິດຕະພາບກັບ ອົງການຈັດຕັ້ງສະຫະພັນແມ່ ຍິງຢູ່ລາວ, ຮຽນຮູ້ກ່ຽວກັບພາ ລະບົດບາດຂອງແມ່ຍິງລາວ ໃນການພັດທະນາເສດຖະກິດ, ສັງຄົມ ແລະ ວັດທະນະທຳ ໂດຍຜ່ານການປຶກສາຫາລື ກັບເຈົ້າໜ້າທີ່ກ່ຽວຂ້ອງຂອງ ລັດກ່ຽວກັບວຽກງານແມ່ຍິງ ຫຼື ຄວາມສະເໝີພາບລະຫວ່າງ ຍິງ-ຊາຍ, ຫົວໜ້າຂອງອົງການ ຈັດຕັ້ງສະຫະພັນແມ່ຍິງ ແລະ ນັກວິຊາການທີ່ກ່ຽວຂ້ອງ, ຮຽນ ຮູ້ກ່ຽວກັບການຈັດຕັ້ງປະຕິບັດ ນະໂຍບາຍຄວາມສະເໝີພາບ ດ້ານບົດບາດຍິງ-ຊາຍ ໃນ ລາວ, ຮຽນຮູ້ການລິເລີ່ມຂອງ ລາວ ເພື່ອສົ່ງເສີມການເຮັດ ວຽກ ແລະ ການເຮັດທຸລະກິດ ຂອງແມ່ຍິງ ແລະ ຊອກຫາ ຄວາມຮ່ວມມືທາງດ້ານການກຸ ສົນກັບຜູ້ປະກອບການທຸລະ ກິດ. 

CR: ຫນັງສືພິມ ປະຊາຊົນ