ປະທານນີດເຜີຍຕ້ອງຍາດກຽນໂອ້ກັລໂອແອງ

 

ມອງ-ປີແອ ຣິວີແຢ ຫົວເຮືອໃຍ່ຂອງ ນີດ ເຜີຍເກືອບພາດດຶງ ມາຣິໂອ ບາໂລເຕລີ ດາວຍິງໂຕກຽນຂອງທີມຍ້ອນ ໂອລິມປິກ ລີຢົງ ກໍຢາກໄດ້ເຊັ່ນກັນ ບອກຄວາມຈິງແລ້ວຄວນດຳເນີນການຕັ້ງແຕ່ເນີ້ນໆແຕ່ວ່າເປັນເລື່ອງຍາກທີ່ຈະເຊັນສັນຍາກັບນັກເຕະລະດັບນີ້ໄດ້ສຳເລັດ.

 

ມອງ-ປີແອ ຣິວີແຢ ປະທານສະໂມສອນຂອງ ນີດ ສະໂມສອນດັງຂອງ ລີກແອັງ ຝຣັ່ັງອອກມາເຜີຍເມື່ອວັນອັງຄານທີ່ຜ່ານມາວ່າເຂົາເກືອບພາດໃນການດຶງໂຕ ມາຣິໂອ ບາໂລເຕລີ ກອງໜ້າໂຕກຽນຂອງທີມເນື່ອງຈາກວ່າ ໂອລິມປິກ ລີຢົງ ກໍຢາກໄດ້ ກຽນໂອ້ ຊ່ວງຊຳເມີທີ່ຜ່ານມາຫຼັງຈາກທີ່ດາວເຕະອີຕາລີສາມາດລະເບີດຟອມເກັ່ງໄດ້ທັນທີນັບຕັ້ງແຕ່ຍ້າຍມາຫຼິ້ນໃນແດນນຳ້ຫອມ.

 

ປະທານ ນີດ ຢືນຢັນວ່າ ມອງ-ມິເຊວ ໂອລາສ ປະທານ “ໂອແອວ” ກໍຕ້ອງການໂຕ ກຽນໂອ້ ເຊັ່ນກັນກ່ອນທີ່ອະດີດດາວເຕະ ແມນເຊສເຕີ ຊີຕີ ແລະ ເອຊີ ມິລານ ຈະຍ້າຍມາຫຼິ້ນໃນ ອະລິອັນ ຣິເວຍຣ້າ ແບບບໍ່ມີຄ່າໂຕຫຼັງຈາກຖືກ ລີເວີພູ ທີມດັງຂອງລີກຜູ້ດີຍົກເລີກສັນຍາເນື່ອງຈາກເຂົາເຮັດຜົນງານໄດ້ແບບໜ້າຜິດຫວັງ.

 

ແຄ່ງທີມຊາດອີຕາລີປະເດີມສະໜາມນັດທຳອິດກັບ ນີດ ໄດ້ຢ່າງສວຍງາມໂດຍຍິງຄົນດຽວ 2 ລູກໃນເກມເປີດລະດູການທີ່ຕັ້ນສັງກັດເອົາຊະນະ ໂອລິມປິກ ມາກແຊ 3-2 ກ່ອນທີ່ເຂົາຈະລົງຄົບ 90 ນາທີໃນເກມທີ່ເສຍໃຫ້ກັບ ຊາວເກ້ 04 ຄູ່ແຂ່ງຈາກເຢຍລະມັນໃນ ຢູໂຣປາ ລີກ ເມື່ອອາທິດທີ່ຜ່ານມາ ແລະ ບໍ່ມີຊື່ໃນເກມທີ່ສະເໝີກັບ ມົງເປລິເຢ 1-1 ເນື່ອງຈາກອາການບາດເຈັບເລັກນ້ອຍບໍລິເວນຂາໜີບ.

 

ຢ່າງໃດກໍຕາມຄາດວ່າ ບາໂລເຕລີ ຈະກັບມາລົງສະໜາມໄດ້ໃນເສິກຊິງຕຳແໜ່ງຈ່າຝູງລີກກັບ ອາແອສ ໂມນາໂກ ໃນວັນພຸດນີ້ ແລະ ເຖິງວ່າ ກຽນໂອ້ ມີພຶດຕິກຳບໍ່ເໝາະສົມຈົນເຮັດໃຫ້ເຂົາອະນາຄົດກັບ “ຫົງແດງ” ແຕ່ ຣິວີແຢ ຮັບວ່ານັກເຕະກາຍເປັນເປົ້າໝາຍຂອງຫຼາຍສະໂມສອນໃນວັນສຸດທ້າຍຂອງຕະຫຼາດຊື້ຂາຍນັກເຕະຊ່ວງຊຳເມີທີ່ຜ່ານມາ.