ປະຊາຊົນ ຮຽກຮ້ອງ ໃຫ້ຊົດເຊີຍ ຄ່າເສຍຫາຍ ຈາກການ ລະເບີດ ໃນເມືອງ ທ່ຽນຈິນ

ປະຊາຊົນ​ຫຼາຍ​ຮ້ອຍ​ຄົນ​ຢູ່​ເມືອງ​ທ່າ​ເຮືອ ທ່ຽນ​ຈິ້ນ​ ຂອງ ຈີນ ຜູ້​ທີ່​ໄດ້​ຖືກ​ພັດ​ພາກ​ຈາກ​ທີ່ຢູ່​ອາ​ໄສ ຫຼັງ​ຈາ​ກການລະ​ເບີດ​ຄັ້ງ​ໃຫຍ່ ໃນ​ສັບປະດາ​ທີ່​ຜ່ານມາ ​ໄດ້​ປະ​ທ້ວງ​ວັນ​ຈັນ​ມື້​ນີ້ ​ໃນ​ຂະນະ​ທີ່​ຈຳ​ນວນ​ຜູ້​ເສຍ​ຊີວິດ​ຈາກ​ໄພພິບັດ​ເພີ່ມ​ສູງ​ຂຶ້ນ 114 ຄົນ ລວມທັງ​ພະນັກງານ​ດັບ​ເພີ​ງ 21 ຄົນ.

ບັນດາ​ຜູ້​ປະ​ທ້ວງ​ໄດ້​ເຕົ້າ​ໂຮມ​ກັນ​ຢູ່​ນອກ​ໂຮງ​ແຮມ ​ບ່ອນ​ທີ່​ບັນດາ​ເຈົ້າ​ໜ້າ​ທີ່​ຈັດ​ກອງ​ປະຊຸມ​ສຳ​ຖະ​ແຫຼ​ງຂ່າວ ພາກ​ກັນ​ຮຽກຮ້ອງ​ໃຫ້​ລັດຖະບານ​ຊົດ​ໃຊ້​ປະຊາ​ຊົນ ສຳລັບ​ເຮືອນ​ທີ່​ໄດ້​ຮັບຄວາມ​ເສຍ​ຫາຍ​ຈາກການລະ​ເບີດ.

​ເຈົ້າ​ໜ້າ​ທີ່​ໄດ້​ອອກ​ຄຳ​ສັ່ງ​ໃຫ້​ຍົກ​ຍ້າຍ​ອອກ​ຈາກ​ບໍລິ​ເວ​ນໃກ້​ກັບ​ສະຖານ​ທີ່​ເກັບ​ວັດຖຸ​ອັນຕະລາຍ​ບ່ອນ​ທີ່​ເກີດ​ເຫດ​ລະ​ເບີດ​ໃນ​ຂະນະ​ທີ່​ບັນດາ​ພະນັກງານ ພາກັນ​ມ້ຽນ​ມັດເນື້ອ​ທີ່ໃນ​ບໍລິ​ເວນ​ກວ້າງ​ເຖິງ 6 ກິ​ໂລ​ແມັດ.

ຮອງ​ເຈົ້າ​ຄອງ​ແຂວງ ທ່ຽນ​ຈິນ ​ໄດ້​ກ່າວ​ຕໍ່​ບັນດາ​ນັກ​ຂ່າວ​ໃນ​ວັນ​ຈັນ​ມື້​ນີ້​ວ່າ ມີ​ສານ​ເຄມີ​ທີ່​ເປັນ​ພິດ Sodium Cyanide ປະມານ 700 ​ໂຕນ ທີ່​ໄດ້​ຖືກ​ເກັບ​ໄວ້​ຢູ່​ໃນ​ສະ​ນະ​ການ​ທີ່ 2 ​ແຫ່ງ​ພາຍ​ໃນ​ບໍລິ​ເວນ​ລະ​ເບີດ​ແຕກ​ນັ້ນ.

ທີ່ມາ http://lao.voanews.com

ບົດຄວາມໃຫມ່ໆ