ປະກາດ 29 ບ້ານ ເມືອງ ສອງຄອນ ເປັນບ້ານວັດທະນະທຳ

ໃນວັນທີ 24 ພະຈິກ 2015 ຢູ່ທີ່ສະໜາມກິລາເມືອງ ສອງຄອນ ໄດ້ຈັດພິມີປະກາດບ້ານ ວັດທະນະທຳ, ພັດທະນາ, ແມ່ຍິງ 3 ດີ, ແບບຢ່າງສທາລະນະສຸກ, ປ້ອງກັນຊາດເຂັ້ມແຂງ ແລະບ້ານຊາວໝຸ່ມ, ໂດຍການເປັນກຽດເຂົ້າຮ່ວມຂອງທ່ານ ຄຳພູນ ຕຸໄພທູນ ຄະນະປະຈຳພັກແຂວງ ຫົວໜ້າພະແນກສຶກສາທິການ ແລະກິລາແຂວງ, ທ່ານ ດຣ ວົງສຸວັນ ພັນທະວົງສາ ຮອງຫົວໜ້າພະແນກສາລະນະສຸກແຂວງ, ທ່ານ ພຸດທະວົງ ພົມມະຈັກ ຮອງເລຂາພັກເມືອງ ຮອງເຈົ້າເມືອງສອງຄອນ, ທ່ານ ສົມຈັນ ຈວງໃບຄຳ ຮອງຫົວໜ້າພະແນກຖະແຫຼງຂ່າວ ວັດທະນະທຳ ແລະທ່ອງທ່ຽວແຂວງ ມີບັນດາພະແນກການຕ່າງໆ ພາຍໃນແຂວງ, ເມືອງອ້ອມຂ້າງ, ຫ້ອງການຕ່າງໆ ຕະຫຼອດຮອດນາຍບ້ານເຖົ້າແກ່ແນວໂຮມພໍ່ແມ່ປະຊາຊົນພາຍໃນບ້ານທີ່ໄດ້ຮັບນາມມະຍົດດັ່ງກ່າວເຂົ້າຮ່ວມ.


ທ່ານ ຄຳພາ ລັບທອງພູ ຕາງໜ້າໃຫ້ແຕ່ລະບ້ານຂຶ້ນຜ່ານບົດສະຫຼຸບ ແລະ ຕີລາຄາສະພາບການຈັດຕັ້ງປະຕິບັດລວມທັງ 29 ບ້ານເຊິ່ງປະກອບດ້ວຍ: ບ້ານ ໂຄກກ່ອງ, ໜອງຄອນ, ໂນນເຕົາຖ່ານ, ຄືມມ່ວນ, ໝີຢ້ຽມ, ແກ້ງຕະງານ, ຫີນຄອກ, ນາອຸດົມ, ສາລາລ້ຽວ, ແກ້ງໂດນ, ໜອງຄັນຍູ, ຫີນແຕກ, ໂນນຄຳສູງ, ໂນນຊົມພູ, ໜອງນົກຂຽນ, ແກ້ງຫີນແກ້ວ, ທ່າປັດຊຸມ, ໜອງເມັກ, ຄຶມສະຫວ່າງ, ນາຍູງ, ໜອງແດງ, ນາຄູ, ໜອງອີເຫຼືອງ, ໜອງເດີ່ນທ່າ, ນາໂພ, ສະບູໄຊ, ໜອງຫວ້າ, ຫນອງບົວທ່າ ແລະບ້ານລາດນາດີ ເມືອງ ສອງຄອນ ປະຊາຊົນບ້ານດັ່ງກ່າວແມ່ນຢຶດຖືອາຊີບປູກຝັງ-ລ້ຽງສັດເປັນຕົ້ນຕໍ ຊຶ່ງສາມາດປູກເຂົ້າໄດ້ 2 ລະດູ ຖືວ່າສະຖານທີ່ດັ່ງກ່າວເປັນອູ່ເຂົ້າອູ່ປາທີ່ສຳຄັນຂອງເມືອງ ສອງຄອນ, ຢຶດຖືເອົາອາຊີບຄ້າ-ຂາຍເປັນສຳຮອງ, ປະຊາຊົນເຊື່ອຖືສາສະໜາພຸດ ມີລະບົບການຈັດຕັ້ງຄົບຊຸດ ແລະມີທ່າແຮງຫຼາຍປັດໃຈທີ່ເອື້ອອຳນວຍຄວາມສະດວກໃຫ້ແກ່ການສ້າງບ້ານຈົນກາຍເປັນບ້ານວັດທະນະທຳ. ໃນພິທີທ່ານ ສົມຈັນ ຈວງໃບຄຳ ໄດ້ໃຫ້ກຽດຂຶ້ນມອບໃບຢັ້ງຢືນໃຫ້ 29 ບ້ານທີ່ໄດ້ຮັບນາມມະຍົດເປັນບ້ານວັດທະນະທຳຢ່າງສົມກຽດ. ຈາກນັ້ນກໍ່ໄດ້ຜັດປ່ຽນກັນຂຶ້ນມອບ-ຮັບໃບຢັ້ງຢືນ ແລະຮັບຟັງຄຳໂອວາດຈາກ ທ່ານ ຄຳພູນ ຕຸໄພທູນ