ປະກາດເອງ!!ເຈທີກຽມລາສິງຈົບລະດູການນີ້

 

ຈອນ ເທີຣີ ກອງຫຼັງໄວເກົ໋າຂອງ ເຊວຊີ ປະກາດຊັດເຈນວ່າຈະອຳລາຕົ້ນສັງກັດແນ່ນອນຫຼັງຈົບລະດູການນີ້ໂດຍເປັນການຢຸດຕິໃນການໃສ່ເສື້ອ ເຊວຊີ ກວ່າ 20 ປີກໂດຍຄາດວ່າສະໂມສອນຈາກລີກອາເມລິກາ ແລະ ລີກເມືອງຈີນກຽມທຸ່ມເງິນດຶງໄປຮ່ວມທັບ.

 

ຈອນ ເທີຣີ ເຊັນເຕີຮາບກັບຕັນທີມຂອງ ເຊວຊີ ສະໂມສອນຍັກໃຫຍ່ຂອງ ພຣີເມຍລີກ ປະກາດເມື່ອວັນຈັນທີ່ຜ່ານມາວ່າຕົນກຽມອຳລາຖິ່ນ ສະແຕມຝອດ ບຣິດ ໃນຊ່ວງຊຳເມີນີ້ຫຼັງຈາກທີ່ໃຊ້ເວລາຢູ່ກັບທີມເປັນເວລາຍາວນານກວ່າ 2 ທົດສະວັດ.

 

“ເຈທີ” ຮັບໃຊ້ຕົ້ນສັງກັດມາດົນເຖິງ 22 ປີໂດຍລົງສະໜາມໃຫ້ກັບທີມຮັກ 713 ເກມ ແລະ ເປັນກັບຕັນທີມ 578 ເກມ ຢ່າງໃດກໍຕາມອະດີດກອງຫຼັງທີມຊາດອັງກິດຈະຢຸດຕິບົດບາດຂອງຕົນເອງກັບ ເຊວຊີ ແນ່ນອນແລ້ວທັນທີທີ່ສັນຍາປັດຈຸບັນໝົດລົງຫຼັງຈາກຈົບລະດູການນີ້.

 

ເທີຣີ ປັດຈຸບັນອາຍຸ 36 ປີປະສົບຄວາມສຳເລັດກັບ ເຊວຊີ ໂດຍຊ່ວຍທີມຂຶ້ນຄວ້າແຊມລີກສູງສຸດເມືອງຜູ້ດີ 4 ສະໄໝ, ເອຟເອ ຄັຍ 5 ສະໄໝ, ລີກ ຄັບ (ອີເອຟແອວ ຄັບ) 3 ສະໄໝ, ຢູໂຣປາ ລີກ ແລະ ຢູຟາແຊມປຽນ ລີກ ອີກຢ່າງລະ 1 ສະໄໝຕະຫຼອດຊ່ວງອາຊີບຂອງເຂົາກັບສະໂມສອນ.

 

ຢ່າງໃດກໍຕາມ ເທີຣີ ບໍ່ແມ່ນຕົວເລືອກຫຼັກນັບຕັ້ງແຕ່ທີ່ ອັນໂຕນິໂອ ຄອນເຕ ຜູ້ຈັດການທີມອີຕາລຽນເຊິ່ງເຄີຍຄຸມທີມຊາດອີຕາລີ ແລະ “ມ້າລາຍ” ຢູເວັນຕຸດ ເຂົ້າມາຄຸມບັງຫຽນໃນລະດູການນີ້ ແລະ ຕອນນີ້ເຂົາພ້ອມທີ່ຈະອອກເດີນທາງເພື່ອຊອກຄວາມທ້າທາຍໃໝ່ໆໂດຍຄາດວ່າຄົງມີທີມຈາກ ເມເຈີລີກ ຊັອກເກີ ຂອງອາເມລິກາ ແລະ ໄຊນິສ ຊູເປີລີກ ກຽມທຸ່ມເງິນເພື່ອດຶງຕົວໄປເສີມທັບ.

 

ບົດຄວາມໃຫມ່ໆ