ປະກາດຈັບ!!! ບຸກຄົນອັນຕະລາຍກໍ່ເຫດຍິງຄົນຂ້າງເຮືອນສາຫັດ

      ປະກາດ​ຈັບ ຜູ້​ກະທໍາ​ຜິດ​ຊື່​ທ້າວ ສົມ​ພອນ ຫຼື ຕາບ ອາ​ໃສ​ຢູ່​ບ້ານ ​ໂພນ​ມ່ວງ ​ເມືອງ ​ເຊ​ໂປ​ນ ​ແຂວງ ສະຫວັນ​ນະ​ເຂດ, ອາຊີບ ນັກ​ທຸລະ​ກິດ. ຜູ້ກ່ຽວ​ໄດ້​ກໍ່​ເຫດ​ຍິງ​ປືນ​ໃສ່​ຄົນ​ຂ້າງ​ເຮືອນ ​ໃນ​ເວລາ​ປະມານ 19:00​ໂມງ​ຂອງ​ວັນ​ທີ 02 ພະຈິກ 2016 ທີ່​ຜ່ານ​ມາ ​ເຊິ່ງ​ເຮັດ​ໃຫ້​ມີ​ຜູ້​ບາດ​ເຈັບ 3 ຄົນ, ​ໃນ​ນັ້ນມີຊາຍ 2 ຄົນ ​ແລະ ຍິງ 1 ຄົນ ນັ້ນກໍ​ແມ່ນ​ທ້າວ ​ແຫຼ້, ທ້າວ ​ແຫຼມ ​ແລະ ນາງ ພອນ. ສາ​ເຫດ​ຂອງ​ການກໍ່​ເຫດ​ແມ່ນ​ມາ​ຈາກ​ຜູ້ກ່ຽວ​ເປັນໜີ້ສິນ​ຢ່າງມະ​ຫາ​ສານ ​ແລະ ຄິດ​ທີ່​ຢາກ​ຂ້າ​ຕົວ​ເອງ​ຕາຍ ​ແຕ່​ມີ​​ເລື່ອງ​ອາ​ຄາດ​ບາດໝາງກັບ​ຄົນ​ຂ້າງ​ເຮືອນ​ມາ​ດົນ​ພໍ​ສົມຄວນ ຜູ້ກ່ຽວຈຶ່ງ​ຫວັງ​ຈະ​ຂ້າ​ລ້າງໝົດຄອບຄົວ ​ແຕ່​ໂຊກ​ບໍ່​ເຂົ້າຂ້າງ ​ເພາະ​ເຂົາ​ເຈົ້າພຽງ​ແຕ່​ບາດ​ເຈັບ​ສາຫັດ​ບໍ່​ເຖິງ​ຂັ້ນ​ເສຍ​ຊີວິດ ຈຶ່ງນໍາສົ່ງປິ່ນປົວຢູ່ໂຮງໝໍທີ່ຢູ່ໃກ້ຄຽງ.

       ​ປັດຈຸບັນ​ຜູ້ກ່ຽວ​ໄດ້​ເອົາ​ຕົວຫຼົບໜີ​ໄປ ຍັງ​ບໍ່ສາມາດ​ຊອກ​ຫາ​ຕົວ​ໄດ້ ​ແລະ ​ເຈົ້າໜ້າທີ່​ກໍ​ກໍາລັງ​ລະດົມ​ກໍາລັງ​ກັນ​ຊອກ​ຫາ​ຕົວ​ຢູ່​ເຊັ່ນ​ດຽວກັນ. ຖ້າ​ບຸກຄົນ​ໃດ​ພົບ​ເຫັນ​ຊາຍ​ທີ່ຢູ່​ໃນ​ຮູບ​ພາບ​ດັ່ງກ່າວ​ໃຫ້​ແຈ້ງ​ເຈົ້າໜ້າທີ່ຢູ່​ໃນ​ບ່ອນ​ທີ່​ໃກ້​ຄຽງ​ໂດຍ​ດ່ວນ ​ເພາະກັງວົນ​ໃຈ​ຢ້ານ​ຜູ້ກ່ຽວອາດ​ຈະ​ໄປ​ກໍ່​ເຫດ​ຢູ່​ບ່ອນ​ອື່ນ​ຊໍ້າ​ອີກ. ​ໂດຍ​ສະ​ເພາະ​ກໍ​ແມ່ນ​ປະ​ຊາ​ຊົນ​ຢູ່​ເທດສະບານ​ເມືອງ ​ເຊ​ໂປ​ນ ​ແຂວງ ສະຫວັນ​ນະ​ເຂດ ຊ່ວຍ​ເປັນ​ຫູ​ເປັນຕາ​ນໍາ​ກັນ.

​ແຈ້ງ​ຂ່າວ: Phet Sk Mvs

ບົດຄວາມໃຫມ່ໆ