ປະກາດກໍານົດເສັ້ນທາງການສັນຈອນລະຫວ່າງອາຊຽນ


ລະຫວ່າງກອງປະຊຸມສຸດຍອດອາຊຽນຈະມາເຖິງນີ້ ( 6-8/09/2016 ), ກົມຕຳຫລວດຈະລາຈອນຊີ້ແຈງວ່າໄດ້ກຳນົດ 115 ຈຸດປະຈຳການຢູ່ຕາມເສັ້ນທາງສາຍຫຼັກ ແລະ ສາຍສຳຮອງ ລວມທັງຈຸດປ້ອງກັນຕ່າງໆ ຮອງຮັບກອງປະຊຸມສຸດຍອດອາຊຽນ ພ້ອມກຳນົດ ເສັ້ນທາງແຕ່ຫໍຄຳ-ຖະໜົນສຸພານະວົງ, ຫໍຄຳ-ດົງໂດກ ເປັນເສັ້ນທາງຫລັກໃນມື້ຈັດກອງປະຊຸມ.
ບັນດາເສັ້ນທາງສາຍສຳຄັນທີ່ຈະນຳໃຊ້ປະກອບດ້ວຍ:
+ ເສັ້ນທາງແຕ່ສະໜາມບິນ ຫາ ໂຮງແຮມແລນມາກ ແມ່ນເປັນສາຍຫຼັກທີ່ຈະຮັບແຂກເຂົ້າມາ, ຖະໜົນສາມແສນໄທ ຫາ ຖະໜົນເສດຖະທິລາດ ແມ່ນເປັນເສັ້ນທາງແຂກໄປ-ກັບ, ແຕ່ຫໍຄຳ-ຖະໜົນສຸພານະວົງ ແລະຫໍຄຳ-ດົງໂດກ ເປັນເສັ້ນທາງຫຼັກໃນມື້ຈັດກອງປະຊຸມ.
+ກຳນົດເສັ້ນທາງໄວ້ສຳຮອງອີກ 4 ເສັ້ນຄື: 1. ຖະໜົນອາຊຽນ (T2) ແຕ່ໄຟແດງບ້ານອາກາດ ຫາ ໄຟແດງໂພນສະອາດ; 2. ແຕ່ 4 ແຍກປາກປາສັກ ຫາ ໂຮງແຮມແລນມາກ; 3. ຖະໜົນມິດຕະພາບລາວ-ໄທ ແຕ່ໄຟແດງໂພນປ່າເປົ້າ (T4) ຫາ ຂົວຮ່ອງແຊງ; 4.ຖະໜົນໜອງບອງ ແຕ່ໜອງບອນ ຫາ ວົງວຽນ 450 ປີ.
-ຂໍໃຫ້ພໍ່ແມ່ປະຊາຊົນຜູ້ໃຊ້ລົດໃຊ້ຖະໜົນໃນຂອບເຂດນະຄອນວຽງຈັນໃຫ້ມີສະຕິ ແລະ ເປັນເຈົ້າການບໍ່ໃຫ້ມີລົດຈອດຕາມແຄມທາງ ຫຼື ຟຸດບາດ ຕາມເສັ້ນທາງທີ່ພວກເຮົາກຳນົດໄວ້ ຖ້າຫາກຍັງມີການຝ່າຝືນພວກເຮົາມີໜ່ວຍເລາະກວດເບິ່ງຖ້າເຫັນຈະໄດ້ມີການລັອກລໍ້ ແລະ ນຳເອົາລົດລາກມາແກ່ອອກ ແລະ ຈະຖືກຕັກເຕືອນຈົນເຖິງຂັ້ນປັບໄໝ .ພ້ອມນີ້ກໍ່ຢາກໃຫ້ຜູ້ໃຊ້ລົດໃຊ້ຖະໜົນຖ້າຫຼີກລ້ຽງໄດ້ກໍຢາກໃຫ້ຫຼີກລ້ຽງເສັ້ນທາງ ທີ່ໄດ້ກຳນົດ.

========================

ຂ່າວ: Pathedlao Lao