ປະ­ຈຸ​ບັນ ຄື​ພະ​ລັງຂອງອະ­ນາ­ຄົດ

 

 

ຊີ­ວິດ​ນີ້ບໍ່​ມີ​ຫຍັງ​ສຳ­ຄັນ​ໄປກວ່າ​ການ​ຢູ່​ກັບ​ປະ­ຈຸ​ບັນ ຫຼື ເຮັດ​ທຸກຢ່າງ​ໃນ​ປະ­ຈຸ​ບັນ​ໃຫ້​ດີ​ທີ່​ສຸດການ​ສ້າງ ປະ­ຈຸ​ບັນ​ໃຫ້​ເປັນ​ວາລະ​ສຳ­ຄັນ​ອັນ​ດີ​ທີ່ສຸດ​ໄດ້​ນັ້ນ ກ່ອນ​ອື່ນ​ໝົດເຮົາໆ​ທ່ານໆ ບໍ່​ຄວນ​ໄປ​ຢຶດ​ຕິດ​ກັບ​ອະ­ດີດ ແລະ ບໍ່ຄວນ​ຄິດ​ກັງ­ວົນ​ກັບ​ອະ­ນາ­ຄົດ​ທີ່​ຍັງ​ມາບໍ່​ເຖິງ ຈົ່ງ​ຕັ້ງ­ໃຈ​ປະ­ຕິ­ບັດ​ໜ້າ­ທີ່​ຂອງຕົນ​ໃນ​ປະ­ຈຸ​ບັນ​ນີ້​ໃຫ້​ດີ ແລະ ຕ້ອງ​ເຮັດຢ່າງ​ມີ​ຄວາມ​ຮັບ­ຜິດ­ຊອບ​ທັງ​ຕໍ່​ຕົນເອງ ແລະ ຄົນ​ອ້ອມ​ຂ້າງການ​ສ້າງ​ສິ່ງດີໆຂຶ້ນ​ໄດ້​ໃນ​ຂະ­ນະ​ນີ້ ຄື​ການ​ສ້າງ​ພະລັງ​ຂັບ​ເຄື່ອນ​ເພື່ອ​ດຶງ​ດູດ​ເອົາ​ຜົນ​ສຳເລັດ​ດີ​ເຂົ້າ​ມາ​ຫາ​ຕົນ​ໃນ​ທຸກໆ​ວິ­ນາ­ທີ​ທີ່ເຮົາ​ເສຍ​ເວ­ລາ​ໄປ.

   ໃນ​ຄົນ​ທີ່​ປະ­ສົບ​ຜົນ­ສຳ­ເລັດ​ດີ ແລະ ເປັນ​ທີ່​ຍອມ­ຮັບ​ຂອງ​ສັງ­ຄົມ​ລ້ວນ​ແຕ່ແມ່ນ​ຄົນ​ທີ່​ຮູ້​ພິ­ຈາ­ລະ­ນາ​ດ້ວຍ​ສະ­ຕິ​ວ່າ ຂະ­ນະ​ນີ້ ຕົນ​ເອງ​ໄດ້​ເຮັດ​ໃນ​ສິ່ງ​ທີ່​ສົມຄວນ​ແລ້ວ​ບໍ່? ຕໍ່​ກັບ​ການ​ສ້າງ​ອະ​ນາຄົດ​ທີ່​ດີ ກໍ​ມີ​ພຸດ​ທະ​ທັມ​ຄຳ​ສອນ​ບົດ​ໜຶ່ງ ຊຶ່ງ​ລະ­ບຸ​ໄວ້​ວ່າ ຜິດຖືກ ຊົ່ວດີ ຢູ່​ທີ່​ປະຈຸ​ບັນ ບໍ່​ກ່ຽວ​ຫຍັງ​ກັບ​ອະ­ດີດ ແລະ ອະນາ​ຄົດ! ຈົ່ງ​ກຳ­ນົດ​ລົມ​ຫາຍ­ໃຈ​ເຂົ້າອອກ​ນີ້​ຢ່າງ​ມີ​ສະ­ຕິແລ້ວ​ສ້າງ​ເຫດ ແຫ່ງ​ຜົນ​ດີ​ໃນ​ປະ­ຈຸ​ບັນ ຊຶ່ງ​ຜົນ​ນັ້ນ​ກໍຍ່ອມ​ຖືກ​ບັນ­ຈຸ​ເຂົ້າ​ໃນ​ວາ­ລະ​ກຳ ແລະ ກາຍ­ເປັນ​ພະ­ລັງ​ສຳ­ຄັນ​ຂັບ​ເຄື່ອນຄວາມ​ສະ­ຫງົບ​ສຸກ​ມາ­ສູ່​ຕົນ.

   ການ​ສ້າງ​ປະ­ຈຸ​ບັນ​ໃຫ້​ດີເລີ່ມ​ຕົ້ນຂຶ້ນ​ທີ່​ການ​ເບິ່ງ​ເຫັນ​ຄວາມ​ດີ​ຂອງ​ກັນ ແລະ ກັນ ເພາະ­ວ່າ​ການ​ຢູ່​ຮ່ວມ​ກັນ​ມີຄວາມ​ໝາຍ​ສຳ­ຄັນ ແລະ ເປັນ​ປັດ​ໄຈຕັດ­ສິນ​ສະ​ຖາ​ບັນ ຫຼື ອົງ​ກອນ-ອົງ­ການທີ່​ສົ່ງ​ຜົນ​ໄປ​ເຖິງ​ການ​ພັດ­ທະ­ນາ​ສັງ­ຄົມໜຶ່ງໆ ຊຶ່ງ​ໃນ​ທາງ​ກົງ­ກັນ­ຂ້າມ ຖ້າ​ຄົນໃນ​ສະ​ຖາ​ບັນ ຫຼື ອົງ​ກອນ​ນັ້ນໆ ຫາກເລັງ​ໃສ່​ແຕ່​ຄວາມ​ບົກ​ຜ່ອງ​ຂອງ​ກັນ ແລະ ກັນ​ກໍ​ຈະ​ນຳ​ເອົາ​ແຕ່​ບັນ­ຫາ​ມາ​ໃຫ້ ຊຶ່ງ​ໃນ​ຄວາມ​ເປັນ​ຈິງ​ຂອງ​ມະ­ນຸດ​ເຮົາຍ່ອມ​ມີ​ທັງ​ດ້ານ​ມືດ ແລະ ສະ­ຫວ່າງສັດ­ຈະ­ທຳ​ນີ້​ຄື​ສາ­ເຫດ​ແຫ່ງ​ສັນ­ຕິ​ສຸກຄື​ບ່ອນ​ອີງ​ສຳ­ລັບ​ການ​ປັດ​ເປົ່າ​ຄວາມທຸກ​ອອກ​ຈາກ​ການ​ດຳ­ລົງ​ຊີ­ວິດ​ໃນ​ປະຈຸ​ບັນ.

   ການ​ສ້າງ​ປະ­ຈຸ​ບັນ​ໃຫ້​ດີ​ໄດ້​ນັ້ນ ໃນພຸດ​ທະ​ທັມ​ຄຳ​ສອນ​ກໍ​ລະ­ບຸ​ໄວ້​ອີ​ກວ່າ ຕ້ອງ​ມີ​ທັກ​ສະ​ທີ່​ດີ​ໃນ​ການ​ຢູ່​ຮ່ວມ​ກັນ(ຄວາມ​ຊຳ­ນິ-ຊຳ­ນານ​ໃນ​ການ​ປະ ສານ​ງານ) ໂດຍ​ການ​ໃຫ້​ຄວາມ​ສຳ­ຄັນຕໍ່​ຄົນ​ອ້ອມ​ຂ້າງ ຊຶ່ງ​ໝາຍ​ເຖິງ​ການ​ຍອມ
ຮັບ​ຄົນ​ອື່ນຄິດ​ເຖິງ​ຄວາມ​ຮູ້­ສຶກ​ຂອງຄົນ​ອື່ນ ແລະ ແລກ­ປ່ຽນ​ປະ­ສົບ​ການ​ກັບຄົນ​ອື່ນ​ຢູ່​ສະ­ເໝີ ການ​ບັນ­ລຸ​ເປົ້າ​ໝາຍ ຫຼື ປະ­ສົບ​ຜົນ­ສຳ­ເລັດ​ດີ​ທີ່​ຈະ​ນຳ​ຄວາມສະ­ບາຍ​ໃຈ​ມາ​ໃຫ້​ນັ້ນ​ມັນ​ບໍ່­ເກີດ​ຈາກການ​ເຮັດ​ທຸກ​ຢ່າງ​ໃຫ້​ໄດ້​ດັ່ງ​ໃຈ​ຕົນ ແຕ່​ມີ​ຜົນ​ມາ​ຈາກ​ການ​ຍອມ­ຮັບ​ວ່າ ໃນ​ໂລກ​ນີ້ ຫຼື ໃນ​ທຸກ​ວັນ​ນີ້​ບໍ່​ມີ​ອັນ​ໃດ​ທີ່ຈະ​ໄດ້​ມາ​ດັ່ງ​ໃຈ​ຂອງ​ເຮົາ​ໝົດ​ທຸກ​ຢ່າງ ແລະ ຖ້າ​ຫາກ​ເຮົາ​ສາ­ມາດ​ຢູ່​ກັບ​ປະ­ຈຸບັນ​ໄດ້​ຢ່າງ​ສະ­ຫງົບ​ສຸກ ບໍ່​ເປັນ​ທຸກ​ວຸ້ນວາຍ​ກັບ​ສະ­ພາ­ວະ​ອ້ອມ​ຂ້າງສ້າງ​ເຫດ ດີ​ໃຫ້​ມີ​ຂຶ້ນ​ໃນ​ປະ­ຈຸ​ບັນ ຜົນ​ທີ່​ໄດ້​ມາ​ນັ້ນກໍ​ຍ່ອມ​ດີ​ໄປ​ດ້ວຍ.