ປວດ​ແສບ​ປວດ​ຮ້ອນ​ທີ່ຍ​ອດເ​ອິກ​ເລື້ອຍໆ..ອາດ​ສ່ຽງ​ເປັນ​ມະ​ເຮັງ​ທີ່​ຫຼອດ​ອາຫານ​

ປວດ​ແສບ​ປວດ​ຮ້ອນ​ທີ່ຍ​ອດເ​ອິກ​ເລື້ອຍໆ..ອາດ​ສ່ຽງ​ເປັນ​ມະ​ເຮັງ​ທີ່​ຫຼອດ​ອາຫານ​

ກົດ​ໄຫຼ​ຍ້ອນ ມັກ​ເກີດ​ຈາກ​ຄວາມ​ ຟ້າວຝັງ​ໃນ​ການ​ກິນ​ອາຫານ​ ໂດຍ​ສະເພາະ​ໜຸ່ມ​ສາວ​ອັອບ​ຟິດ​ທີ່​ມັກ​ຈະ​ມີ​ເວລາ​ໃນ​ການ​ພັກ​ກາງ​ເວັນ​ບໍ່​ດົນ​ ແລ້ວ​ຍັງ​ຕ້ອງ​ຟ້າວກັບ​ໄປ​ເຮັດວຽກ​ຕໍ່​ຫລື​ຟ້າາວ​ເດິນທາງ​ໄປ​ເຮັດ​ທຸລະ​ຕ່າງ​ໆ​ ເມື່ອ​ເວ ລາ​ບີບ​ຮັດ​ຈຶ່ງ​ເຮັດໃຫ້​ຕ້ອງ​ກິນ​ເຂົ້າ​ດ້ວຍ​ຄວາມ​ໄວ​ ຫຍ້ຳ​ບໍ່​ລະອຽດ​ດ້ວຍ​ ກືນ​ໄວ​ດ້ວຍ​ ທັງຫມົດ​ທັງ​ການ​ກິນ​ຈຸບ​ກິນ​ຈິບ​ຕະຫລອດ​ເວລາ​ດ້ວຍ​
ສັງເກດ​ຕົວ​ເອງ​ 
ອາການ​ຫຼັກ​ໆ​ຂອງ​ພະຍາດ​ນີ້​ຄື​ ມີ​ນ້ຳ​ຍ່ອຍ​ຈາກ​ກະເພາະ​ອາຫານ​ ຊຶ່ງ​ສ່ວນ​ໃຫຍ່​ເປັນ​ກົດ​ໄຫຼ​ຢ້ອນ​ຂຶ້ນ​ມາ​ທີ່​ຫຼອດ​ອາຫານ​ແລະ​ມີ​ອາການ​ປວດ​ແສບ​ປວດ​ຮ້ອນ​ທີ່ຍ​ອດເ​ອິກ​ ທ້ອງ​ອືດ​ ທ້ອງ​ເຟີ້​ຫລື​ມີລົດຂົມ​ໃນ​ປາກ​ຮ່ວມ​ດ້ວຍ​
ຊຶ່ງ​ອາການ​ເຫຼົ່າ​ນີ້​ຄ້າຍ​ຄຶງ​ກັບ​ພະຍາດ​ກະເພາະ​ ຈົນ​ເຮັດໃຫ້​ຫຼາຍ​ຄົນ​ເຂົ້າໃຈ​ຜິດ​ຄິດວ່າ​ຕົວ​ເອງ​ເປັນ​ພະຍາດ​ກະເພາະ​ ເລີຍ​ໄປ​ຊື້​ຢາ​ເຄືອບ​ກະເພາະ​ມາ​ກິນ​ເອງ​ ຊຶ່ງ​ເປັນ​ການຮັກສາ​ທີ່​ບໍ່​ກົງ​ຈຸດ​ ສະ​ນັ້ນ​ທາງ​ທີ່​ດີ​ຖ້າ​ມີ​ອາການ​ເຕືອນ​ເຫຼົ່າ​ນີ້​ໜ້າ​ຈະ​ປຶກ​ສາ​ໝໍ​ ເພື່ອ​ກວດ​ໃຫ້​ຊັດເຈັນ​ວ່າ​ເຈົ້າ​ເປັນ​ພະຍາດ​ກະເພາະ​ຫລື​ກົດ​ໄຫຼ​ຍ້ອນ​ກັນ​ແທ້ແລະ​ຮັກສາ​ຕາມ​ຂັ້ນ​ຕອນ​ທີ່​ຖືກ​ຕ້ອງ​
ນອກ​ຈາກ​ນີ້​ແລ້ວ​ ອາການ​ທີ່ກ່າວ​ມາ​ຂ້າງ​ຕົ້ນ​ຈະ​ເປັນ​ຫລາຍ​ຂຶ້ນ​ ຫຼັງ​ຈາກ​ທີ່​ການ​ກິນ​ອາຫານ​ມື້​ໜັກ​ໆ​ ຍົກ​ຂອງ​ໜັກ​ ໂນ້ມ​ຕົວ​ໄປ​ຂ້າງ​ໜ້າ​ຫລື​ນອນ​ຫງາຍ​ ກົດ​ທີ່​ໄຫຼຍ້ອນ​ຂຶ້ນ​ມາ​ນີ້​ມີ​ຄວາມ​ເຂັ້ມ​ຂົ້ນ​ສູງ​ຫຼາຍ​ພໍ​ທີ່​ຈະ​ເຮັດ​ອັນຕະລາຍ​ກັບ​ເຢື່ອ​ຫຼອດ​ ອາຫານ​ຈົນ​ອັກ​ເສບ​ແລະ​ເກີດ​ແຜໄດ້​
ແມ່ນ​ພະຍາດ​ນີ້​ຈະ​ບໍ່​ແມ່ນ​ພະຍາດ​ທີ່​ຮ້າຍແຮງ​ເຖິງ​ຊີວິດ​ ແຕ່​ກໍ​ສ້າງ​ຄວາມ​ທໍ ລະມານ​ແລະ​ມີ​ຜົນ​ກັບ​ຄຸນນະພາບ​ຊີວິດ​ ປະ​ສິດ​ທິ​ພາບ​ການ​ເຮັດ​ວຽກງານ​ຂອງ​ເຮົາ​ໄດ້​ ຊຶ່ງ​ຖ້າ​ເປັນ​ແລ້ວ​ປ່ອຍ​ຖິ້ມ​ໄວ້​ ບໍ່​ຟ້າວ ຮັກສາ​ກໍ​ຈະ​ເຮັດໃຫ້​ຫຼອດ​ອາຫານ​ອັກ​ເສບ​ເປັນ​ແຜ​ຮຸນແຮງ​ຊຳເຮື້ອ​ ຈົນ​ຫຼອດ​ອາຫານ​ຕີບ​ ເກີດ​ການ​ປ່ຽນ​ແປງ​ຂອງ​ເຊລ​ທີ່​ຫຼອດ​ອາຫານ​ແລະ​ອາດ​ຮຸນແຮງ​ເຖິງ​ຂັ້ນ​ເປັນ​ມະ​ເຮັງ​ທີ່​ຫຼອດ​ອາຫານ​ໄດ້​

ການ​ປ້ອງ​ກັນ​ກົດ​ໄຫຼຍ້ອນ​ດ້ວຍ​ຕົວ​ເອງ​

1. ຕໍ່​ໃຫ້​ງານ​ໜັກ​ແລະ​ຄ່າ​ຊໍ້າໃດ​ ຕ້ອງ​ບໍ່​ລືມ​ເວລາ​ອາຫານ​ໃນ​ແຕ່​ລະ​ມື້​ ຊຶ່ງ​ຄວນ​ກິນ​ໃຫ້ເປັນ​ເວລາ​

2. ໃຫ້​ເວລາ​ກັບ​ການ​ກິນ​ອາຫານ​ໃຫ້​ພໍ​ເໝາະ​ບໍ່​ ຟ້າວຝັງ​ຈົນ​ເກີນ​ໄປ​ ແຕ່​ລະ​ມື້​ອາຫານ​ຄວນ​ກິນ​ພຽງແຕ່ພໍ​ອິ່ມ​ ບໍ່​ຫລາຍ​ຈົນ​ເກີນ​ໄປ​ໂດຍ​ສະເພາະ​ໃນ​ຕອນແລງແລະ​ບໍ່​ຄວນ​ນອນ​ທັນ​ທີພາຍ​ຫລັງ​ຈາກ​ກິນ​ອາຫານ​

3. ຫຼີກ​ລ້ຽງ​ອາຫານ​ທີ່​ມັນ​ຫຼາຍ​ ອາຫານ​ລົດ​ສົ້ມ​ຫຼາຍ ເຜັດຫຼາຍ​ ນ້ຳ​ອັດ​ລົມ​ ນ້ຳ​ຊາ​ ກາເຟ​ແລະ​ເຄື່ອງ​ດື່ມ​ແອນ​ກໍ​ຮໍ​

4. ເບິ່ງ​ແຍງ​ຕົວ​ເອງ​ບໍ່​ໃຫ້​ນ້ຳ​ໜັກ​ຫລາຍ​ຫລື​ຕຸ້ຍຈົນ​ເກີນ​ໄປ​ ເພາະ​ຄວາມຕຸ້ຍຈະ​ເຮັດໃຫ້​ມີ​ຄວາມ​ດັນ​ໃນ​ບໍລິເວນທ້ອງ​ສູງ​ ເຮັດໃຫ້​ເກີດ​ກົດ​ໄຫຼ​ຍ້ອນ​ໄດ້​ຫລາຍ​

5. ອອກ​ກຳ​ລັງ​ກາຍ​ສະຫ​ມ່ຳ​ສະເໝີ​

6. ງົດ​ການ​ສູບ​ຢາ ເພາະ​ຈະ​ເຮັດໃຫ້​ເກີດ​ກົດ​ຫລາຍ​ ຫູຮູດ​ອ່ອນແອ​

7. ນອນ​ສະແຄງ​ຊ້າຍ​ແລະ​ນອນ​ໜຸນ​ຫົວ​ຕຽງ​ໃຫ້​ສູງ​ຢ່າງ​ນ້ອຍ​ 6 ນິ້ວ​ ການ​ນອນ​ໃນ​ທ່າ​ນີ້​ຈະ​ຊ່ວຍ​ໃຫ້​ຈຳນວນ​ເທື່ອ​ໃນ​ການ​ຄາຍ​ຕົວ​ຂອງ​ຫູ​ຮູດ​ນ້ອຍ​ລົງ​

ຫາກ​ປັບ​ປ່ຽນ​ວິ​ຖີ​ການ​ດຳ​ເນີນ​ຊີວິດ​ຕາມ​ນີ້​ ແລ້ວ​ອາການ​ຍັງ​ບໍ່​ດີ​ຂຶ້ນ​ ກໍ​ຕ້ອງ​ປຶກ​ສາ​​ໝໍ​ເພື່ອ​ຮັບ​ຢາ​ຮ່ວມ​ດ້ວຍ​ຫລື​ອາດ​ຕ້ອງ​ສ່ອງ​ກ້ອງ​ຫລື​ຜ່າ​ຕັດ​ ຊຶ່ງ​ແລ້ວ​ແຕ່​ຄວາມ​ຮຸນແຮງ​ຂອງ​ອາການ​ ແຕ່​ຫາກ​ເຈົ້າຮັກສາ​ອາການ​ຕ່າງ​ໆ​ ຈົນ​ທຸ​ເລົາ​ດີ​ແລ້ວ​ ກໍ​ຍັງ​ຕ້ອງ​ຄົງ​ພຶດຕິກຳ​ເຫຼົ່າ​ນີ້​ຕໍ່ໄປ​ ບໍ່​ເຊັ່ນ​ນັ້ນ​ກົດ​ໄຫຼ ຍ້ອນ​ກໍ​ຈະຍ້ອນ​ກັບ​ມາກວນ​ສຸຂະພາບ​ຂອງ​ເຮົາ​ໄດ້​ອີກ​

ບົດຄວາມໃຫມ່ໆ