ບໍ່​ເຊື່ອ​ກໍ່​ຕ້ອງ​ເຊື່ອ​!! ພຽງ​ 10 ວິ​ນາ​ທີ​ເທົ່າ​ນັ້ນ​ ເຮັດໃຫ້​ “ໄອ​ໂຟນ​” ໄວ​ຂຶ້ນ​ເໝືອນ​ໄດ້​ເຄື່ອງ​ໃໝ່​

ບໍ່​ມີ​ໃຜ​ບໍ່​ຮູ້​ຈັກ​ແນ່ນອນ​ ສຳລັບ​ສ​ະມາ​ດ​ໂຟນທີ່​ມີຄົນ​ໃຊ້​ເປັນ​ຈຳນວນ​ຫລາຍ​ຢ່າງ​ ໄອ​ໂຟນ​ (iPhone)” ດ້ວຍ​ພາບ​ລັກ​ສະນະ​ທີ່​ເບິ່ງ​ຫຼູຫຼາ​ມີສະຕາຍ​ ກັບ​ຟັງ​ຊັນ​ໃນ​ການ​ເຮັດ​ວຽກງານ​ທີ່​ຄ່ອນ​ຂ້າງ​ສະຖຽນລະພາບ​ແລະ​ລື່ນ​ໄຫຼ​ ເຮັດໃຫ້​ໄອ​ໂຟນ​ເປັນ​ມື​ຖື​ໃນ​ດວງ​ໃຈ​ຂອງ​ໃຜ​ຫຼາຍ​ໆ​ຄົນ​ ແຕ່​ການ​ໃຊ້​ງານ​ໄປ​ເປັນ​ເວລາ​ດົນ​ກໍ່​ອາດຈະ​ມີ​ການ​ປະ​ສົບ​ບັນຫາ​ແອບ​ພິ​ເຄ​ຊັນ​ປະ​ມວນ​ຜົນ​ຊ້າ​ ໃຊ້​ງານ​ແລ້ວ​ກະ​ຕຸກ​ ຫລື​ໃຊ້​ງານ​ບໍ່​ລື່ນ​ໄຫຼ​ເໝືອນ​ແຕ່​ກ່ອນ​ ມື້​ນີ້​ຈຶ່ງ​ຂໍ​ສະເໜີ​ວິທີ​ການ​ແກ້​ບັນຫາ​ໄອ​ໂຟນ​ຊ້າ​ມາ​ແນະ​ນຳ​ໄປ​ເບິ່ງ​ກັນ​ເລີຍ​ວ່າ​ແກ້​ໄດ້​ແນວໃດ​?

ເປັນ​ຄວາມ​ຈິງ​ຢູ່​ທີ່​ສາມາດ​ແກ້​ໄຂ​ເລື່ອງ​ຊ້າ​ດ້ວຍ​ການ​ ກົດ​ປຸ່ມ​ Power ເພື່ອ​ປິດ​ເຄື່ອງ​ ແລະ​ເປີດ​ຂຶ້ນ​ມາ​ໃໝ່​ ຊຶ່ງ​ວິທີ​ການ​ດັ່ງ​ກ່າວ​ ຈະ​ຊ່ວຍ​ແກ້​ບັນຫາ​ໄດ້​ດ້ວຍ​ ແຕ່​ຕ້ອງຖ້າ​ດົນ​ກວ່າ​ໄອ​ໂຟນ​ຈະ​ປະ​ມວນ​ຜົນ​ສຳເລັດ​ ຈະ​ດີກວ່າ​ບໍ​ຖ້າ​ມີ​ວິທີ​ທີ່​ດີກວ່າ​ນັ້ນ​ ໃຊ້​ເວລາ​ພຽງ​ແຕ່​ 10 ວິ​ນາ​ທີ​ເທົ່າ​ນັ້ນ​ ກໍ່​ສາມາດ​ເຮັດໃຫ້​ໄອ​ໂຟນ​ໄວ​ຂຶ້ນ​ກວ່າ​ເກົ່າໄດ້.​

1. ໃຫ້​ກົດ​ປຸ່ມ​ Power ຄ້າງ​ໄວ້​ຈົນ​ຂຶ້ນ​ແຖບ​ Slide to power off ແລ້ວ​ໃຊ້​ນິ້ວ​ເລື່ອນ​ແຖບ​ດັ່ງ​ກ່າວ​ເພື່ອ​ກໍ່ການ​ປິດ​ເຄື່ອງ​ ຈາກ​ນັ້ນ​ ກົດ​ປຸ່ມ​ Power ຄ້າງ​ໄວ້​ອີກ​ເທື່ອ​ເພື່ອ​ເປີດ​ເຄື່ອງ​ແລ້ວ​ຖ້າຈົນ​ກວ່າ​ຈະ​ຂຶ້ນ​ໂລ​ໂກ້​ Apple ເປັນ​ອັນ​ສຳເລັດ​ສິ້ນ​.

2. ໃຫ້​ກົດ​ປຸ່ມ​ Power ຄ້າງ​ໄວ້​ຈົນ​ຂຶ້ນ​ແຖບ​ Slide to power off ເຊັ່ນ​ດຽວ​ກັນ​ ຈາກ​ນັ້ນ​ໃຫ້​ກົດ​ປຸ່ມ​ Home ຄ້າງ​ໄວ້​ ດົນ​ປະ​ມານ​ 10 ວິ​ນາ​ທີ​ ໄອ​ໂຟນ​ຈະ​ກັບ​ເຂົ້າ​ສູ່​ໜ້າ​ Homescreen.

ຊຶ່ງ​ວິທີ​ທີ່​ 2 ນີ້​ ຖື​ເປັນ​ການ​ຮີເຊັດ​ຕົວ​ເຄື່ອງ​ ທີ່​ແຕກ​ຕ່າງ​ຈາກ​ວິທີ​ທີ່​ 1 ໂດຍ​ວິທີ​ທີ່​ 1 ຈະ​ເປັນ​ການ​ຮີສະ​ຕາ​ຣ​ແບບ​ soft reset ຊຶ່ງ​ໂປຣ​ແກຣມ​ທີ່​ເປີດ​ຄ້າງ​ເອົາ​ໄວ້​ ຈະ​ຍັງມີ​ການ​ໃຊ້​ງານ​ຫນ່ວຍ​ຄວາມ​ຈຳ​ (RAM) ພາຍ​ໃນ​ຕົວ​ເຄື່ອງ​ ໃນ​ຂະນະ​ທີ່​ ວິທີ​ທີ່​ 2 ຈະ​ເປັນ​ການ​ລ້າງ​ຂໍ້​ມູນ​ທີ່​ຢູ່ໃນ​ RAM ແລະ​ລ້າງ​ cache ໃນ​ຕົວ​ເຄື່ອງ​ອອກ​ໄປ​ ຊຶ່ງ​ຖື​ວ່າ​ ສົມບູນ​ຫລາຍກວ່າ​ ຊຶ່ງ​ເຮົາ​ສາມາດ​ທົດສອບ​ໄດ້​ດ້ວຍ​ການ​ ເປີດ​ App Switcher (ກົດ​ປຸ່ມ​ Home 2 ເທື່ອ​) ຈະ​ເຫັນ​ວ່າ​ ຍັງ​ຄົງ​ມີ​ຕົວ​ແອບ​ພິ​ເຄ​ຊັນ​ຄ້າງ​ໄວ້​ຢູ່​ ແຕ່​ເມື່ອ​ເຮົາ​ເປີດ​ໃຊ້​ງານ​ ແອບ​ພິ​ເຄ​ຊັນ​ຕ່າງ​ໆ​ ເຫຼົ່າ​ນັ້ນ​ ຈະ​ມີ​ການ​ຮີ​ໂຫຼດ​ໃໝ່​ ເໝືອນ​ກັບ​ເລີ່ມ​ໃຊ້​ງານ​ໃໝ່​ນັ້ນ​ເອງ​ ໂດຍ​ວິທີ​ນີ້​ຍັງ​ສາມາດ​ນຳ​ໄປ​ໃຊ້​ກັບ​ iPad ແລະ​ iPod Touch ໄດ້​ອີກ​ດ້ວຍ​ ລອງ​ນຳ​ໄປ​ປັບ​ໃຊ້​ງານ​ກັນ​ເບິ່ງ.

============================================================================================================