ບໍ່​ຕ້ອງ​ຢ້ານ​ໝໍ້​ດຳ​ອີກ​ຕໍ່ໄປ​ ! ເຜີຍ​ ເຄັດ​ລັບ​ຂັດ​ໝໍ້​ດຳ​ໆ​ ໃຫ້ຂາວ​ມັນ​ວາວ!!

ບໍ່​ຕ້ອງ​ຢ້ານ​ໝໍ້​ດຳ​ອີກ​ຕໍ່ໄປ​ ! ເຜີຍ​ ເຄັດ​ລັບ​ຂັດ​ໝໍ້​ດຳ​ໆ​ ໃຫ້ຂາວ​ມັນ​ວາວ!!

ເຊື່ອ​ວ່າຄົງ​ມີ​ເຄື່ອງ​ໃຊ້​ນີ້​ທຸກ​ບ້ານ​ ຄື​ ພວກ​ໝໍ້​ ແລະ​ ສິ່ງ​ອື່ນ​ອີກ​ທີ່​ເປັນ​ອະ​ລູ​ມິ​ນຽມ​ ເມື່ອ​ໃຊ້​ດົນ​ໆ​ຈະ​ດຳ​ ແລະ ​ເກົ່າ​ ໂດຍ​ສະເພາະ​ໝໍ້​ທີ່​ໃຊ້​ໃນ​ການ​ປຸງ​ແຕ່ງອາຫານ​.

ດັ່ງ​ນັ້ນ​ວິທີ​ການ​ຂັດ​ໝໍ້​ດຳ​ໆ​ໃຫ້​​ໃໝ່​ ແລະ ​ໃຫ້ມັນຂາວ​ມັນ​ວາວ​ ສາມາດ​ເຮັດ​ໄດ້​ງ່າຍໆ​ ພຽງ​ແຕ່ໃຊ້​ ສ​ະບູ່.

ຊຶ່ງ​ ວິທີ​ໃຊ້​ກໍ​ເຮັດ​ໄດ້​ບໍ່​ຍາກ​ຄື: ​ຊື້​ມາ​ແລ້ວ​ແຊ່​ນ້ຳ​ໄວ້​ໃນ​ຖ້ວຍ​ຖິ້ມ​ໄວ້ຈັກ​ 2-3 ຊົ່ວ​ໂມງ​ ແລ້ວ​ໃຊ້​ຝອຍ​ຂັດ​ໝໍ້​ຈຸ່ມ​ສະ​ບູ່​ນຳ​ມາ​ຂັດ​ໂດຍ​ຖູ​ໄປ​ທາງ​ດຽວ​ກັນ​ (ຢ່າ​ຖູ​ໃຫ້ເປັນ​ຮອຍ​ຕັດ​ກັນ​) ເມື່ອ​ຂັດ​ຖູຈົ​ນ​ທົ່ວ​ແລ້ວ​ກໍຟ້າວ​ລ້າງ​ໃຫ້​ສະ​ອາດ​ ແລ້ວ​ເຊັດ​ໝໍ້​ໃຫ້​ແຫ້ງ​ຮັບຮອງ​ວ່າ​ມັນຈະຂາວ​ມັນ​ວາວ​.

ແລະ​ເມື່ອ​ສຳເລັດ​ແລ້ວ​ ນ້ຳ​ທີ່​ແຊ່ສະ​ບູ່​ໄວ້​ບໍ່​ຕ້ອງ​ເທ​ຖິ້ມ​ ຄື​ແຊ່​ໄວ້​ແບບ​ນັ້ນ​ ແລະ ​ເວລາ​ທີ່​ເຮົາ​ຕ້ອງ​ການ​ຂັດ​ໃໝ່​ກໍ​ນຳ​ມາ​ໃຊ້​ໄດ້​ເລີຍ​ບໍ່​ຕ້ອງ​ແຊ່​ໃໝ່​ ເພາະ​ຖ້າ​ເອົາ​ນ້ຳ​ໄປ​ຊຸບ​ຕອນ​ທີ່ສະ​ບູ່​ແຫ້ງ​ໆ​ ແລ້ວ​ມາ​ຂັດ​ໝໍ້​ມັນຈະ​ບໍ່ຂາວ​ມັນ​ວາວ.​