ບໍ່​ຕ້ອງ​ຢ້ານ​ໄວ​ຮັສຊິ​ກາ​ອີກ​ຕໍ່ໄປ​ 4 ສະໝຸນໄພ​ໄລ່ຍຸງ​ໄດ້​ເດັດ​ຂາດ​ສຸດ​ໆ​

ບໍ່​ຕ້ອງ​ຢ້ານ​ໄວ​ຮັສຊິ​ກາ​ອີກ​ຕໍ່ໄປ​ 4 ສະໝຸນໄພ​ໄລ່ຍຸງ​ໄດ້​ເດັດ​ຂາດ​ສຸດ​ໆ​

​ມີ​ສະໝຸນຫຍັງ​ແດ່​ ທີ່​ໃຊ້​ແທນ​ສານ​ເຄ​ມີ​ຍັງ​ຊ່ວຍ​ໄລ່​ຍຸງ​ໂດຍ​ບໍ່​ຕ້ອງ​ຂ້າ​ຍຸງ​ຕາຍ​ໃຫ້​ຜິດ​ສິນ​ຂໍ້​ທີ່​ໜຶ່ງ​ອີກ​​ ມາ​ເຂົ້າ​ຄົວເບິ່ງວ່າມີຫຫຍັງແດ່​ 

1. ໝາກຂີ້ຫູດ - ໃຜ​ຊິເຊື່ອ​ວ່າ​ ຜິວ​ຂອງໝາກຂີ້ຫູດ​ ສະ​ໝຸນໄພໃນຄົວ​ທີ່​ສູງນັ້ນ​​ ທີ່​ປູ່​ຍ່າ​ຕາ​ຍາຍ ເຮັດ​ນ້ຳ​ພິກ​ສາລະພັດ​ຊະນິດ​ ຍັງ​ສາມາດ​ນຳ​ມາ​ໄລ່​ຍຸງ​ໄດ້​ເປັນ​ຢ່າງ​ດີ​ ວິທີ​ການເຮັດ​ນັ້ນ​ງ່າຍ​ໆ​ 
ວິທີ​ການ​ກໍ​ງ່າຍໆ ພຽງແຕ່ນຳ​ຜິວໝາກຂີ້ຫູດສົດ​ຊິ້ນ​ນ້ອຍ​ໆ​ ມາຕຳ​ກັບ​ນ້ຳ​ຈົນ​ແຫຼກ​ ຈາກ​ນັ້ນ​ໃຫ້​ກອງ​ເອົາ​ສະເພາະ​ນ້ຳ​ ມາ​ທາ​ຜິວ​ ຫຼື ໃສ່​ກວດ​ສະ​ເປ ສີດ​ຕາມ​ຈຸດ​ຕ່າງ​ໆ​ຂອງ​ບ້ານ​ ພຽງແຕ່ນີ້​ຍຸງ​ກໍ​ບໍ່​ກ້າ​ບິນ​ຜ່ານ​ບ້ານ​ເຈົ້າ​ແລ້ວ​

2. ຜັກຫອມລາບ – ນອກ​ຈາກ​ຈະ​ເປັນ​ໜຶ່ງ​ໃນ​ສະ​ໝຸນ​ໄພບູຮານ​ ທີ່​ເຮັດໃຫ້​ເມ​ນູ​ອາຫານ​ຫອມ​ຊວນນ້ຳລາຍໄຫຼ​ແລ້ວ​ ກິ່ນ​ຫອມ​ໆ​ ຂອງ​ໃບ​ຜັກຫອມລາບຍັງ​ສາ ມາດ​ນຳ​ມາຍ້ອງບໍລິເວນ​ຜິວ​ໜັງ​ ກັນ​ຍຸງ​ໄດ້​ເປັນ​ຢ່າງ​ດີ​

3. ກະ​ທຽມ​ – ບໍ່​ພຽງ​ແຕ່​ມີສັບພະຄຸນ​ທາງ​ຢາຫຼວງຫຼາຍ ແລະ​ ເຮັດໃຫ້​ອາຫານ​ແຊບແລ້ວ ກະ​ທຽມ​ກໍ​ເປັນ​ສະໝຸນ​ໄພ​ທີ່​ເຮັດໃຫ້​ຍຸງຢ້ານອີກ​ຊະນິດ​ໜຶ່ງ​
ວິທີ​ການ​ກໍ​ພຽງ​ຫົວ​ກະ​ທຽມ​ສົດ​ໆ​ ທີ່​ຕຳ​ປະສົມ​ກັບ​ນ້ຳ​ໃນ​ອັດຕາ​ສ່ວນ​ 1 ຕໍ່​ 1 ກອງ​ເອົາ​ແຕ່​ສ່ວນ​ທີ່​ເປັນ​ນ້ຳ​ມາ​ທາ​ຜິວ​ໜັງ​ ພຽງເທົ່າ​ນີ້​ຍຸງ​ກໍ​ຈະ​ບໍ່ມາວົນ​ໃຈ​ອີກ​ຕໍ່ໄປ​

4. ກະ​ເພົາ​ – ນອກ​ຈາກ​ຈະ​ມີສັບພະຄຸນ​ທາງ​ຢາ​ ຊ່ວຍ​ຂັບ​ລົມ​ ແກ້​ທ້ອງ​ອືດ​-ແໜ້ນທ້ອງ ກະ​ເພົາ​ທີ່ກຄົນ​ນິຍົມ​ປຸກ​ຕາມ​ບ້ານ​ ຍັງ​ສາມາດ​ໄລ່ຍຸງ​ໄດ້​ເປັນ​ຢ່າງ​ດີ​ 
ບໍ່​ເຊື່ອ​ກໍ​ລອງ​ຍ້ອງ​ໃບ​ກະ​ເພົາ​ສົດ​ໆ​ ຫຼາຍ​ໆ​ ໃບ​ວາງ​ໄວ້​ໃກ້​ຕົວ​ ຫຼື ​ທາ​ບໍລິເວນ​ຜິວ​ໜັງ​ ພຽງເທົ່ານີ້ກິ່ນ​ນ້ຳ​ມັນ​ກະ​ເພົາ​ທີ່ລະ​ເຫີຍອອກ ມາ​ຈາກ​ໃບ​ ກໍ​ຈະ​ຊ່ວຍ​ໄລ່​ຍຸງ​ ໂດຍ​ບໍ່​ຕ້ອງ​ເສຍ​ເລືອດ​ເສຍເນື້ອແລ້ວ​