ບໍ່ເຕະໄລ່ນາຍ!! ສະມອນລິງ ຢັນແຄ່ງຜີໜູນຫຼັງ ຟານກາວ

 

ຄຣິສ ສະມອນລິງ ກອງຫຼັງທີມຊາດອັງກິດຂອງ ແມນເຊສເຕີ ຢູໄນເຕັດ ຢືນຢັນຂ່າວລືເຕະໄລ່ນາຍເສຍເສັ້ນ ຢ້ຳວ່ານັກເຕະຫຼິ້ນເພື່ອ ຫຼຸຍ ຟານກາວ ຫຼື ຖ້າຄິດອີກມຸມໜຶ່ງ ນັກເຕະທຸກຄົນຕ້ອງຫຼິ້ນເພື່ອອະນາຄົດຂອງຕົນເອງ ຈະມາຫຼິ້ນແບບງ້ອງແງ້ງບໍ່ໄດ້.

 

ຄຣິສ ສະມອນລິງ ກອງຫຼັງທີມຊາດ ອັງກິດ ຂອງ ແມນເຊສເຕີ ຢູໄນເຕັດ ຈວກຂ່າວຜີບ້າທີ່ວ່ານັກເຕະ “ຜີສາດແດງ” ບໍ່ມີໃຜຫຼິ້ນເພື່ອ ຫຼຸຍ ຟານກາວ ຜູ້ຈັດການທີມຈົນເປັນສາເຫດທີ່ເຮັດໃຫ້ທີມຜົນງານຕ່ຳລົງ ຢືນຢັນນັກເຕະທຸກຄົນຫຼິ້ນເພື່ອເຈົ້ານາຍ ແລະ ເໜື່ອສິ່ງອື່ນໃດທຸກຄົນລ້ວນແຕ່ຫຼິ້ນເພື່ອອະນາຄົດຂອງຕົນເອງ.

 

ຟານກາວ ຄຸມທັບເປັນລະດູການທີສອງ ແລະ ຈາກທີ່ເລິ່ມຕົ້ນຜົນງານໄດ້ໜ້າປະທັບໃຈ ມີຂຶ້ນໄປເປັນຈ່າຝູງຊົ່ວຄາວເຮັດໃຫ້ເຖິງວ່າວິທີການຫຼິ້ນບໍ່ຖືກໃຈ ແຟນບານກໍຍັງຖູໆໄຖໆ ຍອມຮັບໄດ້ ແຕ່ຊ່ວງທີ່ຜ່ານມາທີມຫຼິ້ນໄດ້ຫ່ວຍ ຜົນງານກໍບໍ່ດີ ຈົນເລີ່ມມີຂ່າວວ່າ ຟານກາວ ບໍ່ລອດຈາກການຖືກໄລ່ອອກແນ່ນອນໃນກະແສຂ່າວວ່ານັກເຕະຫຼິ້ນໄລ່ນາຍ.

ສະມອນລິງ ຢືນຢັນວ່າ ທຸກໆຄົນຫຼິ້ນເພື່ອນາຍແນ່ນອນ ແລະ ຢ່າງໜ້ອຍກໍຕ້ອງບໍ່ລືມວ່າ ທຸກຄົນຫຼິ້ນເພື່ອອະນາຄົດຂອງຕົນເອງບໍ່ມີໃຜຫຼິ້ນເລາະແລະແນ່ນອນ “ຖ້າຈະມີຫຍັງກໍຕາມ ເຮົານີ້ແຫຼະທີ່ຕ້ອງຫຼິ້ນເພື່ອອະນາຄົດຂອງຕົນເອງ ການທີ່ບອກວ່າເຮົາບໍ່ໜູນຫຼັງຜູ້ຈັດການທີມເປັນຫຍັງທີ່ບໍ່ສົມເຫດສົມຜົນ.”

 

ນອກຈາກໜູນຫຼັງນາຍໃຫຍ່ແລ້ວ ສະມອນລິງ ຍັງໄປໄກກວ່ານັ້ນເມື່ອບອກວ່າ ເຂົາບໍ່ຄິດວ່າ ຟານກາວ ຄວນປ່ຽນວິທີຂອງຕົນເອງ “ເຂົາກໍເປັນຂອງເຂົາມາຕັ້ງແຕ່ທີ່ເຮົາພົບກັນ ເຂົາຈະບໍ່ປ່ຽນແປງ ແລະ ນັ້ນເປັນເຫດຜົນວ່າເປັນຫຍັງເຂົາຈຶ່ງປະສົບຄວາມສຳເລັດມາຕະຫຼອດຫຼາຍປີທີ່ຜ່ານມາ ຂ້ອຍນຶກພາບການປ່ຽນແປງຂອງຕົນເອງບໍ່ອອກ ເພາະເຂົາທີ່ສະຖິຕິໜູນຫຼັງຢູ່”.