ບໍ່ເດັດຂາດ!!! ເອນຣິເກ້ ເຊັງ ບາເຊໂລນາ ເສຍ ເຊບີຢາ

ຫຼຸຍ ເອນຣິເກ້ ນາຍໃຫຍ່ ບາເຊໂລນາ ອອກອາການຜິດຫວັງທີ່ “ອາຊູກຣານາ” ບໍ່ມີຄວາມເດັດຂາດໃນການສັງຫານຈົນເຮັດໃຫ້ທີມເສຍໃຫ້ກັບ ເຊບິຢາ 1-2 ເມື່ອວັນເສົາທີ່ຜ່ານມາ ພ້ອມກັບຊົມເຊີຍຄູ່ແຂ່ງທີ່ຫຼິ້ນໄດ້ດີເຊັ່ນກັນ.

ຫຼຸຍ ເອນຣີເກ້ ນາຍໃຫຍ່ ບາເຊໂລນາ ກ່າວວ່າ ສາເຫດສຳຄັນທີ່ເຮັດໃຫ້ທີມຂອງຕົນເອງເສຍໄຊໃຫ້ກັບ ເຊບິຢາ 1-2 ທີ່ສະໜາມ ຣາມອນ ຊານເຊດ ປິດຄວນ ໃນເກມ ລາ ລີກາ ກະເປນ ເມື່ອວັນເສົາທີ 3 ຕຸລາທີ່ຜ່ານມານັ້ນ ເປັນເພາະວ່າທີມຂອງຕົນຂາດຄວາມເດັດຂາດໃນການປິດຊີບປະຕູ.

ເກມນີ້ທີມຢາມມີໂອກາດໄດ້ປະຕູຫຼາຍ ແຕ່ພັດເປັນເຈົ້າບ້ານທີ່ໄດ້ໄປກ່ອນ 2 ລູກຈາກ ໄມເຄິລ ໂຄຣນ-ເດລີ ໃນນາທີ 52 ກັບ ບິເຊັນເຕ້ ອິບໍຣາ ໃນນາທີ 58 ກວ່າທີ່ ບາເຊໂລນາຈະມາໄດ້ປະຕູຕ້ອງຖ້າຈົນຮອດຈຸດໂທດຂອງ ເນມາ ໃນນາທີ 74 ເຊິ່ງມັນກໍຊ້າໄປ ແລະ ເຮັດໃຫ້ນັ້ນເປັນເທື່ອທຳອິດນັບຕັ້ງແຕ່ປີ 2007 ທີ່ “ອາຊູກຣານາ” ເສຍ “ໂລສ ໂຣຄິບລັງໂກສ” ໃນເກມລີກ.

“ມັນເກືອບຈະແມ່ນເລື່ອງທີ່ບໍ່ໜ້າເຊື່ອທີ່ເຮົາມາຢາມທີ່ນີ້ແລ້ວເຮັດໄດ້ພຽງແຕ່ 1 ປະຕູ ຫຼັງຈາກທີ່ເຮົາພາບານໄປປ້ວນປ້ຽນບໍລິເວນເຂດໂທດຂອງພວກເຂົາໄດ້ ໃນເຄິ່ງເວລາທີສອງທີ່ ເຊບີຢາ ຄອງເກມໄດ້ເໜືອກວ່າເຮົາ 10 ນາທີ ເຊິ່ງມັນເປັນສິ່ງທີ່ສົ່ງຜົນເສຍກັບເຮົາ ພວກເຂົາຂຶ້ນນຳສຳລັບຄວາມພະຍາຍາມຂອງພວກເຂົາ ແລະ ຜົນການແຂ່ງຂັນທີ່ອອກມາ” ເອນຣິເກ້ ລະບຸ. ..........................................................................................................................................................................