ບໍ່ຮູ້ວ່າຫວີຜົມຈະມີຜົນເສຍຂະໜາດນີ້

7 ສາ​ເຫດຜົມເສຍທີ່​ຄາດ​ບໍ່​ເຖິງ​ບາງຂໍ້​ນີ້​ເຊື້ອ​ວ່າ​ສາວ​ໆ​ ເຮັດ​ກັນ​ຢູ່​ທຸກ​ມື້​ເລີຍ​ແມ່ນ​ບໍ​ ຮູ້​ແບບ​ນີ້​ແລ້ວ​ເລີກ​ເຮັດສາ.
ຖ້າ​ເລືອກ​ໄດ້​ສາວ​ໆ​ ຄົງ​ບໍ່​ຢາກ​ໃຫ້​ຜົມ​ຕົວ​ເອງ​ເບິ່ງ​ແຫ້ງ​ເສຍ​ຜົມຟູ​ເປັນ​ໄມ້​ກວາດ​​ແມ່ນ​ບໍ​ ?​ ເພາະ​ຜົມ​ແບບ​ນີ້​ຈະ​ແຮງ​ເຮັດໃຫ້​ຄວາມ​ງາມ​ຂອງ​ສາວ​ໆຫຼຸດລົງ ແຖມ​ຍັງ​ບໍ່​ມີ​ໃຜ​ຢາກ​ຈະ​ເບີ່ງ​ຜົມ​ໄມ້​ກວາດ​ແບບ​ນັ້ນ​ອີກ​ດ້ວຍ​ແຕ່​ຖ້າ​ຄິດວ່າ​ບຳ​ລຸງ​ຢ່າງ​ດີ​ຈັດ​ໜັກ​ຈັດ​ເຕັມ​ແລ້ວ​ຜົມ​ກໍ​ຍັງເສຍ​ບໍ່​ເລີກ​ບໍ່​ເຊົາແລ້ວ​ ຄິດອອກ​ເຊື້ອ​ວ່າ​ນັ້ນ​ອາດຈະ​ເປັນ​ເພາະ​ 7 ສາ​ເຫດ​ທີ່​ເຈົ້າ​ຍັງ​ເຮັດ​ຢູ່​ເລື້ອຍ​ໆ​ເຫຼົ່າ​ນີ້​ແນ່ນອນ.​

ບໍ່​ສອຍຜົມຫຼືເລັມ​ຜົມ​ອອກ​
ຢ່າ​ມົວ​ແຕ່ງົງ​ບໍ່​ຍອມ​ສອຍ​ຜົມ​ເພາະ​ຢ້ານ​ຈະ​ສັ້ນ​ເກີນ​ໄປ​ຢູ່​ເລີຍ ເພາະ​ຖ້າ​ບໍ່​ສອຍ​ອອກ​ເລີຍ​ນີ້​ແຫຼະ​ຕົ້ນ​ເຫດ​ຂອງ​ສຸຂະພາບ​ຜົມ​ທີ່​ໂຫດຮ້າຍທີ່ສຸດທາງ​ທີ່​ດີ​ຄວນ​ສອຍ​ຜົມ​ອອກ​ດ້ວຍ​ຈັກ​ 6 ອາທິດ​ຕໍ່ເທື່ອເຊື້ອ​ໂລດ​ວ່າ​ຜົມ​ທີ່​ຍາວ​ໃໝ່​ອອກ​ມາ​ຈະ​ເບິ່ງ​ງາມ​ເງົາ​ງາມ​ກວ່າ​ເກັບ​ປາຍ​ຜົມ​ເສຍໆ​ໄວ້​ອີກ​.​

ຫວີ​ຜົມ​ເລື້ອຍໆ​
ໃຜ​ທີ່​ມັກ​ຫວີ​ຜົມ​ເລື້ອຍ​ໆ​ ເພາະ​ຢາກ​ໃຫ້​ຜົມ​ງາມ​ເງົາ​ງາມ​ດ້ວຍ​ ? ບອກ​ເລີຍ​ວ່າ​ຖ້າ​ຫວີ​ດຸ​ເກີນ​ໄປ​ສຸຂະພາບ​ຜົມເສຍ​ແນ່ນອນ​ເພາະ​ການ​ຫວີ​ຜົມ​​ຈະ​ເຮັດໃຫ້​ນ້ຳ​ມັນ​ທຳມະຊາດ​ໃນ​ເສັ້ນ​ຜົ​ມເສຍ​ໄປສຸດ​ທ້າຍ​ແລ້ວ​ຜົມ​ກໍ່ຈະ​ຂາດ​ຄວາມ​ຊຸ່ມ​ຊື່ນ​ຕາມ​ທຳມະຊາດ​ກໍ່​ກາຍ​ເປັນ​ຜົມ​ແຫ້ງ​ເສຍ​ຜົມ​ຟູ​ສຸດ​ໆ.​

ສ​ະ​ຜົມ​ເລື້ອຍໆ​
ເຊົາເຊື້ອ​ໄດ້​ແລ້ວ​ວ່າ​ການ​ສ​ະ​ຜົມ​ເລື້ອຍໆ​ຫລື​ສ​ະ​ທຸກ​ມື້​ຈະ​ເຮັດໃຫ້​ຜົມ​ຍາວ​ໄວ​ ເພາະ​ຄວາມຈິງ​ແລ້ວ​ມີ​ແຕ່​ເຮັດໃຫ້​ຜົມ​ແຫ້ງ​ເສຍ​ໄວ​ກວ່າ​ຄົນທີ່ບໍ່ໄດ້ສະຜົມ ເລື້ອຍໆ ເພາະ​ແຊມ​ພູ​ຫລື​ຄີມ​ນວດ​ຜົມ​ທີ່​ໃຊ້​ນີ້​ແຫຼະ​ເປັນ​ຕົວ​ການ​ທີ່​ເຮັດໃຫ້​ນ້ຳ​ມັນ​ທຳມະຊາດ​ໃນ​ເສັ້ນ​ຜົ​ມເສຍ​ໄປ​ ຫາກ​ສ​ະ​ຜົມ​ເລື້ອຍ​ໆ​​ກໍ​ມີ​ຫວັງ​ເສັ້ນ​ຜົມ​ແຫ້ງ​ກະ​ດ້າງ​ຂາດ​ຊີວິດ​ຊີ​ວາ​ແນ່ນອນ​.

ມັດ​ຜົມ​ທຸກ​ມື້​
ສາວ​ໆ​ ຄົນ​ໃດ​ທີ່​ຂີ້​ຮ້ອນ​ຕ້ອງ​ມັດ​ຜົ​ມອອກ​ໄປ​ເຮັດວຽກ​ທຸກ​ມື້​ຮູ້​ບໍ່​ວ່າ​ນີ້​ແຫຼະ​ຄື​ສາ​ເຫດ​ທີ່​ເຮັດໃຫ້​ຜົມ​ແຫ້ງ​ເສຍ​ແລະ​ສຸຂະພາບ​ຜົມ​ເສຍໂຫດຮ້າຍ​ກວ່າ​ເກົ່າ​ໄດ້​​ ເພາະ​ໜັງ​ຢາງ​ທີ່​ມັດ​ຜົມ​ໄວ້​ຕຶງ​ໆ​ ນີ້​ແຫຼະ​ຈະ​ເຮັດໃຫ້​ຜົມ​ເສຍ​,ອ່ອນແອ​ລົງ​ແລະ​ຢຸດ​ການ​ຈະເລີນ​ເຕີບໃຫຍ່ທາງ​ທີ່​ດີ​ອາດຈະ​ໃຊ້​ກິ໊ບ​ອັນ​ໃຫຍ່​ໆ​ ຕິດ​ໄວ້​ແທນ​ການ​ໃຊ້​ໜັງ​ຢາງ​ມັກ​ກໍ​ໄດ້.​

ໃຊ້​ຄີມ​ນວດ​ຫຼາຍ​
 ຮູ້​ແບບ​ນີ້​ແລ້ວ​ງົງ​ບໍ ?​ ວ່າ​ການ​ໃຊ້​ຄີມ​ນວດ​ຫຼາຍ​ເຮັດໃຫ້​ຜົມ​ແຫ້ງ​ເສຍ​ໄດ້​ແນວໃດ ແທ້ໆແລ້ວ​ແຮງ​ໃຊ້​ຫຼາຍແຮງ​ຕ້ອງ​ເຮັດໃຫ້​ຜົມ​ນຸ່ມ​ສ​ວຍ​ງາມ​​ບໍ່​ແມ່ນ​ບໍ ? ແຕ່​ຮູ້​ບໍ​ວ່າ​ການ​ໃຊ້​ຄີມ​ນວດ​ຜົມຫຼາຍໆ​ລົງ​ໄປ​ເທິງ​ເສັ້ນ​ຜົມ​ມີ​ໂອ​ກາດ​ທີ່​ເຈົ້າ​ຈະ​ລ້າງ​ມັນ​ອອກ​ບໍ່​ໝົດ​ຈົນ​ຕົກ​ຄ້າງ​ເຮັດໃຫ້​ຜົມ​ເສຍ​ແລະ​ມີ​ແຕ່​ຄວາມ​ມັນ​ເອົາ​ເປັນ​ວ່າ​ໃຊ້​ແຕ່ພໍ​ດີ​ແລ້ວ​ກັນ​​ສາວໆ.​

ໃຊ້​ຄວາມ​ຮ້ອນ​ກັບ​ຜົມ​
ຖ້າ​ຕ້ອງ​ໄດ​​ຜົມ​, ໜີບ​ຜົມ​ຫລື​ມ້ວນ​ລອນ​ຜົມ​ໄປ​ນອກ​ບ້ານ​ທຸກ​ມື້​ ອາດຈະ​ເຮັດໃຫ້​ເຈົ້າ​ໄດ້​ລຸກ​ງາມ​ໆ​ກໍ​ແມ່ນ​ ແຕ່​ບອກ​ເລີຍ​ຜົມ​ບໍ່​ໄດ້​ງາມ​ໄປ​ກັບ​ເຈົ້າ​ດ້ວຍ​ເພາະ​ຍິ່ງ​ໃຊ້​ຄວາມ​ຮ້ອນ​ກັບ​ຜົມ​ຫລາຍ​ເທົ່າໃດ​ກໍ​ແຮງ​ຈະ​ກາຍ​ເປັນ​ການທຳຮ້າຍ​ຜົມ​ໃຫ້​ແຫ້ງ​ເສຍ​ຜົມ​ຟູ​ເປັນ​ໄມ້​ກວາດ​ຫລາຍ​ເທົ່າ​ນັ້ນ​ ທາງ​ທີ່​ດີ​ພັກ​ໃຊ້​ຄວາມ​ຮ້ອນ​ກັບ​ເສັ້ນ​ຜົມ​ດ້ວຍ​ປ່ອຍ​ໃຫ້​ຜົມ​ເປັນ​ຊົງ​ຕາມ​ທຳມະຊາດ​.​

ເຮັດ​ສີ​ຜົມ​ເລື້ອຍ​ໆ
​ສຳລັບຄົນຫົວ​ສີ​ທັງ​ຫຼາຍ​ທີ່​ມັກ​ເຮັດ​ສີ​ຜົມ​ແຟ​ຊັ່ນ​ ປ່ຽນ​ເລື້ອຍ​ໆຈົນ​ເອີ້ນ​ໄດ້​ວ່າ​ເກືອບທຸກ​ອາທິດ​ ນີ້​ແຫຼະ​ຄື​ການທຳຮ້າຍ​ເສັ້ນ​ຜົມ​ຂອງ​ເຈົ້າ​ຍິ່ງ​ກວ່າ​ການ​ໃຊ້​ຄວາມ​ຮ້ອນ​ກັບ​ເສັ້ນ​ຜົມອີກ​ ຖ້າ​ບໍ່​ຢາກ​ໃຫ້​ຜົມ​ເສຍ​ອາດຈະ​ຕັດ​ໃຈ​​ບໍ່​ເຮັດ​ສີ​ຜົມ​ໄປ​ເລີຍ​ກໍ​ໄດ້​ ເພາະ​ການ​ມີ​ເສັ້ນ​ຜົມ​ງາມໆ​ ຕາມ​ທຳມະຊາດ​​ເກ໋​ກວ່າ​ສີ​ໃດ​ໆ​.

===========================================================================================================================