ບໍ່ຮູ້ມາກ່ອນ​ເປືອກ​ໝາກມັງ​ຄຸດ​ ຮັກສາ​ແຜ​ຮ້ອນ​ໃນ​ ແຜ​ໃນ​ປາກ ພຽງເຮັດແບບນີ້​

ບໍ່ຮູ້ມາກ່ອນ​ເປືອກ​ໝາກມັງ​ຄຸດ​ ຮັກສາ​ແຜ​ຮ້ອນ​ໃນ​ ແຜ​ໃນ​ປາກ ພຽງເຮັດແບບນີ້​       


    ອາການ​ຮ້ອນ​ໃນ​ມີ​ແຜ​ໃນ​ປາກ​ນັ້ນ​ ທິດສະດີ​ຕາເວັນ​ອອກ​ຄື​ອິນ​ເດຍ​ບອກ​ວ່າ​ ເປັນ​ໄດ້​ງ່າຍ​ຫຼາຍ​ກັບ​ຄົົນທີ່​ມີ​ທຳມະຊາດ​ທີ່​ຄ່ອນ​ຂ້າງ​ຮ້ອນ.​

ຊຶ່ງ​ມັກ​ຈະເອີ້ນ​ວ່າ​ມີ​ທາດ​ໄຟ​ ແລະ ​ຄວາມ​ທີ່​ມີ​ທາດ​ໄຟ​ຢູ່​ຫຼາຍ​ ກໍ​ເປັນ​ທຳມະດາ​ຢູ່​ເອງ​ທີ່​ທາດ​ໄຟ​ທີ່​ວ່າ​ຈະ​ເປັນ​ໄດ້​ງ່າຍໆ​ ຖ້າ​ກິນ​ອາຫານ​ ຫຼື ​ມີ​ພຶດຕິກຳ​ທີ່​ໄປ​ເພີ່ມ​ທາດ​ໄຟ​ໃນ​ຕົວ​ເຂົ້າໄປ​ອີກ.​

ຄົົນທີ່​ທາດ​ໄຟ​ເກິດຂຶ້ນຈະມີ​ອາການ​ ເຊັ່ນ​ ປວດ​ແສບ​ປວດ​ຮ້ອນ​ໃນ​ທ້ອງ​, ຮ້ອນ​ຕາມໂຕ,​ ປາກ​ຄໍ​ແຫ້ງ,​ ກະ​ຫາຍ​ນ້ຳ​ເລື້ອຍໆ​ ເປັນ​ແຜ​ພຸ​ພອງ​ອັກ​ເສບ​ ຕາມ​ຜິວ​ໜັງ​ ຄ້າຍ​ໆ​ກັບ​ວ່າ​ໄຟ​ທີ່​ມັນ​ກຳ​ເຮີບ​ນັ້ນ​ມາ​ເຜົາ​ຜານຕົນໂຕ​ເຮົາ​ ແຜ​ທີ່​ຜຸດ​ຂຶ້ນ​ຕາມ​ຮີມສົບ​ດ້ານ​ໃນ ຫຼື ​ຕາມ​ກະ​ພຸ້ງ​ແກ້ມ​ ໃນ​ທາງ​ບູຮານ​ເຮົາ​ກໍ​ຖື​ວ່າ​ເປັນ​ອາການ​ທາດ​ໄຟ​ກຳ​ເຮີບ​ຄືກັນ​ ທີ່​ມັກ​ຈະ​ເອີ້ນ​ວ່າ​ຮ້ອນ​ໃນ.​

ມາ​ນັ່ງ​ໄຕຕອງເບິ່ງ​ແລ້ວ​ຄິດ​ໄດ້​ວ່າ​ ການ​ທີ່​ລ້ຽງ​ຂອງ​ຮ້ອນ​ມາ​ກິນ​ອາຫານ ຫຼື ​ມີ​ພຶດຕິກຳ​ທີ່​ຊ່ວຍ​ໃຫ້​ຮ່າງກາຍ​ເຢັນ​ນັ້ນ​ ເປັນ​ການ​ລະ​ງັບ​ດັບ​ທາດ​ໄຟ​ໂດຍ ລວມ​ ໃນ​ຕົວ​ເທົ່າ​ນັ້ນ​ ແຕ່​ແຜ​ໃນ​ປາກ​ນັ້ນ​ມັນ​ຄ້າຍ​ໆ​ກັບ​ວ່າ​ທາດ​ໄຟ​ມັນ​ກຳ​ລັງ​ໄປ​ເຜົາ​ຜານ​ຢູ່​ບ່ອນນັ້ນ​ແລ້ວ​ ໜ້າ​ຈະ​ຕ້ອງ​ໄປ​ດັບ​ໄຟ​ບ່ອນ​ນັ້ນ​ດ້ວຍ.​

ແລ້ວ​ກໍ​ໃຫ້​ບັງ​ເອີນວ່າຕອນແລງ​ມື້​ນັ້ນ​ເພື່ອນ​ອີກ​ຄົນ​ຊື້​ໝາກມັງ​ຄຸດ​​ມາ​ ຈຶ່ງ​ໄດ້​ຄິດວ່າ​ເປືອກ​ໝາກມັງ​ຄຸດ​ນັ້ນ​ມີລົດ​ຝາດ​ຊຶ່ງ​ຕາມ​ຕຳ​ລາ​ບອກ​ວ່າ​ຊ່ວຍ​ສະໝານ​ແຜ​ໄດ້​ດີ​ ອີກ​ທັງ​ຕຳ​ລາ​ຢາ​ບູຮານຍັງ​ບອກ​ອີກ​ວ່າ​ເປືອກໝາກ​ມັງ​ຄຸດ​ໃຊ້​ທາຮັກສາ​ແຜເປື່ອຍ​ພຸພອງ​ ຕົ້ມ​ຊະ​ລ້າງ​ບາດແຜ​ໄດ້​ກໍ​ເລີຍ​ຈັດແຈງ​ ດັ່ງ​ນີ້...

1.ເອົາ​ເປືອກໝາກ​ມັງ​ຄຸດ​ທີ່​ຜ່າເຄິ່ງ​ແລ້ວ​ 4 ຊີກ​ ຕົ້ມ​ກັບ​ນ້ຳ​ 4 ແກ້ວ​ ປ່ອຍ​ໃຫ້​ເດືອດ​ດົນ​ຢູ່ປະມານ​ 10 ນາ​ທີ.​
2.ຖິ້ມ​ໃຫ້​ເຢັນ​ ແລ້ວ​ກໍ​ເອົາ​ນ້ຳ​ມາ​ອົມ ​ແລະ ​ບ້ວນປາກ​ໄປ​ມາ​ ອົມ​ໄວ້​ບຶດໜຶ່ງແລ້ວ​ກໍ​ບ້ວນ​ຖິ້ມ.​
ເນື່ອງ​ຈາກ​ເປືອກໝາກ​ມັງ​ຄຸດ​ມີລົດ​ຝາດ​ຫຼາຍ​ ພໍ​ອົມ​ເທື່ອ​ດຽວ​ເທົ່າ​ນັ້ນ​ຮູ້ສຶກ​ວ່າ​​ມັນຮູ້ສຶກດີຂຶ້ນ​ ອົມ​, ບ້ວນ​ ຈົນກະທັ້ງ​ນ້ຳ​ເປືອກໝາກ​ມັງ​ຄຸດ​ທີ່​ຕົ້ມ​ໄວ້​ໝົດ​ ພໍ​ມື້​ຕໍ່ມາ​ແຜ​ໃນ​ປາກ​ທີ່​ເຮັດໃຫ້​ທໍລະມານ​ມາ​ຫຼາຍ​ມື້​ກໍ​ດີ​ຂຶ້ນ​ ປາກ​ທີ່​ຫ້ອຍ​ຢ້ອຍ​ກັບ​ເຂົ້າ​ທີ່​ ພໍ​ອີກ​ມື້​ກໍຍີ້ມ​ອອກ​ ແຜ​ຫາຍ​ສະນິດ.​