ບໍ່ຢາກຫນ້າແກ່ກ່ອນອາຍຸ ກໍ່ຫຼີກລ້ຽງການເຮັດສິ່ງນີ້

10 ພຶດຕິກໍາທີ່ເຮັດໃຫເຫນ້າແກ່ກ່ອນອາຍຸ

1.ມັກຕາກແດດເປັນເວລາດົນໆ ແສງແດດມີພະລັງຂອງລັງສີຢູວີ ໃນການທໍາຮ້າຍຄໍລະເຈນ ແລະ ອີລາສຕິນໃນຜິວໜັງໄດ້ດີ ຮອຍຫ່ຽວແຫ້ງ ຕີນກາ ຝ້າກະຈຸດດ່າງດໍາ ແລະ ຮອຍໝອງຄໍ້າຈຶ່ງຕາມມາ

2.ບໍ່ທາຄີມກັນແດດທຸກວັນ ບາງຄົນທາສະເພາະອອກຈາກບ້ານເທົ່ານັ້ນ ແຕ່ຍັງມີແສງແດດທີ່ຊ່ອງເຂົ້າມາໃນຕຶກອາຄານໄດ້ ແລະ ຢ່າລືມແສງຈາກດອກໄຟກໍ່ມີສ່ວນທໍາຮ້າຍຜິວໄດ້ເຊັ່ນກັນ

3.ມີຄວາມຄຽດ ແລະ ງຸດງິດ ຍິ່ງເກີດຄວາມຄຽດຫລາຍເທົ່າໃດ ຍິ່ງສົ່ງຜົນໃຫ້ຮໍໂມນໃນຮ່າງກາຍບໍ່ສົມດຸນ ອອ່ນລ້າ ບໍ່ສົດຊື່ນ ເຈັບຫົວງ່າຍ ສີຜົມປ່ຽນໄວ ຫາກສະແດງອອກທາງສີໜ້າ ຂະນວດຄິ້ວ ເຮັດຫນ້າຫຍຸ້ງ ເອົາມືຈັບຫນ້າຕະຫລອດ ກໍ່ເຮັດໃຫ້ຮອຍຫ່ຽວຍ່ານເກີດຂື້ນໄດ້ບໍ່ບາກ ຫນ້າແກ່ກ່ອນອາຍຸໂດຍບໍ່ຮູ້ຕົວ

4.ສູບຢາສູບເປັນນິໄສ ນອກຈາກເຮັດໃຫ້ສຸຂະພາບອອ່ນເພຍແລ້ວຈະຫລຸດຄວາມເຕັ່ງຕຶງຂອງຜິວພັນ ເພາະບູລີເປັນແຫລ່ງອະນຸມູນອິດສະຫລະ ແລະສານພິດ ຊຶ່ງບໍ່ດີຕໍ່ຜິວຫນັງ ຮິ້ວຮອຍກ່ອນໄວຈຶ່ງເກີດຂື້ນແບບບໍ່ຕັ້ງໃຈ

5.ເຄື່ອງດື່ມແອລກໍຮໍ ມີອິດທິລິດໃນການກະຕຸ້ນປັດສະວະ ຈຶ່ງບໍ່ຕ້ອງແປກໃຈວ່າເປັນຫຍັງເຖິງເຂົ້າຫ້ອງນໍ້າຕະຫລອດ ເມື່ອຮ່າງກາຍຂັບນໍ້າອອກມາຫລາຍ ຈະເຮັດໃຫ້ຂາດນໍ້າ ຜິວກໍ່ຂາດຄວາມຊຸ່ມຊື່ນ ແລະ ແຫ້ງຫ່ຽວຕາມໄປດ້ວຍ

6.ນອນເດິກ ນອນບໍ່ເປັນເວລາ ການນອນຢ່າງພຽງພໍຈະຊ່ວຍໃຫ້ຮ່າງກາຍສ້ອມແຊມສິ່ງທີ່ຊ້ອນຢູ່ໄດ້ດີ ແຕ່ເມື່ອນອນນ້ອຍ ແລະ ເຂົ້ານອນບໍ່ຕົງເວລາ ຈຶ່ງເຮັດໃຫ້ຮ່າງກາຍໂຊມບໍ່ສົດຊື່ນ

7.ນອນຕະແຄງຕະຫລອດ ເພາະຜິດຫນັງຈະຖືກກົດພັບຈົນເກີດຮິ້ວຮ້ອຍ ບໍ່ຢາກຫນ້າແກ່ກ່ອນໄວ ເນາະນໍາໃຫ້ນອນຫງາຍຄືວິທີທີ່ດີທີ່ສຸດຊຶ່ງຜິວຫນັງຈະບໍ່ຖືກກົດພັບໃຫ້ເກີດຮິ້ວຮອຍ

8.ແຕ່ງຫນ້າຈັດ ແຕ່ງຫນ້າຕະຫລອດ ຈະນອນທັງທີ ບໍ່ລ້າງເຄື່ອງສໍາອາງອອກ ຕະຫລອດມື້ຜິວຈະໄດ້ຮັບອອກຊີເຈນບໍ່ເຕັມທີ ເພາະຖືກປົກປິດດ້ວຍເຄື່ອງສໍາອາງ ຫາກຕະຫລອດຄືນກໍ່ຍັງບໍ່ລ້າງອອກ ຜິວຈະຂາດນໍ້າ ຂາດອາກາດ ເກີດການອຸດຕັນໃນຮູຂຸມຂົນ ຍິ່ງກະຕຸ້ນໃຫ້ຜິວແຫ້ງຫ່ຽວໄວ້ຂື້ນ ແລະ ເປັນສາເຫດຂອງຫນ້າແກ່ກ່ອນໄວ

9.ດື່ມນໍ້ານ້ອຍ ຖ້າໃນ1ມື້ ຄົນເຮົາດື່ມນໍ້ານ້ອຍກ່ວາ 8-10ຈອກ ຈະເຮັດໃຫ້ຮ່າງກາຍຂັບສານພິດອອກມາໄດ້ບໍ່ໝົດ ເກີດການຕົກຄ້າງ ແລະ ເຮັດໃຫ້ຜິວຂາດນໍ້າ ບໍ່ຊຸ່ມຊື່ນ ສາວໆທ່ານໃດທີ່ບໍ່ຢາກຫນ້າແກ່ກ່ແນໄວໝັ່ນຈິບນໍ້າຕະຫລອດທັງວັນຈະຊ່ວຍໃຫ້ສຸຂະພາບຜິວດີຂື້ນ

10.ກິນອາຫານລົດຫວານເປັນປະຈໍາ ເມື່ອຮ່າງກາຍມີລະດັບນໍ້າຕານຫລາຍເກີນໄປ ຈະສົ່ງຜົນເຖິງການຜະລິດ ຄໍລະເຈນ ໄດ້ນ້ອຍລົງ ຜິວຫນັງກໍ່ຈະມີບັນຫາທັງສິວແລະຮອຍຫ່ຽວແຫ້ງ