ບໍ່ທົນ!!ແຟນບານຜີວາງແຜນເຮັດປ້າຍໄລ່ຈານມູ

 

ກະດຽວວ່າສິບໍ່ຕົວະກັນ!!! ແຟນບານ ແມນຢູ ກຸ່ມໜຶ່ງເຖິງຂັ້ນວາງແຜນເຮັດປ້າຍໄລ່ ໂຊເຊ ມູຣິນໂຢ ນາຍໃຫຍ່ຂອງທີມແລ້ວໃຫ້ມັນບິນຢູ່ເໜືອ ໂອນ ທຣາຟເຟິດ ແລ້ວເບິ່ງຄືວ່າຈະມີຄົນສົນໃຈຮ່ວມນຳກັນໃນລະດັບໜຶ່ງເຊັ່ນກັນ.

 

ແຟນບານກຸ່ມໜຶ່ງຂອງ ຜີສາດແດງ ແມນເຊສເຕີ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ວາງແຜນທີ່ຈະເຮັດປ້າຍຜ້າທີ່ມີຂໍ້ຄວາມໄລ່ ມູຣິນໂຢ ຜູ້ຈັດການທີມແລ້ວໃຫ້ມັນໄປບິນຢູ່ເໜືອ ໂອນ ທຣາຟເຟິດ.

 

ສຳລັບແນວຄິດນີ້ເປັນຂອງບັນຊີທະວິດເຕີທີ່ມີຊື່ວ່າ “ເກັດ ມູຣິນໂຢ ເອົ້າ” (Get Mourinho Out) ຫຼື ທີ່ແປວ່າ “ໄລ່ ມູຣິນໂຢ ອອກ!!” ໂດຍມັນຖືກສ້າງຂຶ້ນເມື່ອວັນອາທິດທີ່ 2 ຕຸລາທີ່ຜ່ານມາ ແລະ ໃນຊ່ວງເວລາບໍ່ເຖິງ 1 ເດືອນມັນກໍມີຄົນກົດຕິດຕາມເກືອບ 8,000 ຄົນແລ້ວ.

 

ແອັດເຄົ້າດັ່ງກ່າວໂພສຂໍ້ຄວາມເຊິງຕຳນິກຸນຊືປັອກຕຸຍການມາໂດຍຕະຫຼອດ ແລະ ຫຼັງຈົບເກມທີ່ ແມນຢູ ເຮັດໄດ້ພຽງເປີດບ້ານສະເໝີກັບ ເບີນລີ 0-0 ເມື່ອວັນເສົາທີ່ຜ່ານມາ ພວກເຂົາກໍພິມຂໍ້ຄວາມເລີຍວ່າ “ເຮົາກຳລັງທີ່ຈະຈ້າງເຮືອບິນໃຫ້ເອົາປ້າຍທີ່ມີຂໍ້ຄວາມວ່າ MourinhoOut ໄປປ່ອຍເທິງຫົວສະໜາມ ໂອນ ທຣາຟເຟິດ ເຮົາຈະຊາບຊຶ້ງຫຼາຍຖ້າມີຄົນຊ່ວຍສົມທົບທຶນໃຫ້ ຂອບໃຈ”.

 

ທັງນີ້ ຂໍ້ຄວາມດັ່ງກ່າວເບິ່ງວ່າຈະໄດ້ຮັບຄວາມສົນໃຈຫຼາຍສົມຄວນ ເມື່ອມີຄົນກົດຣີທວິດໄປເຖິງ 610 ເທື່ອ ແລະ ກົດຖືກໃຈອີກ 271 ເທື່ອ.

 

ບົດຄວາມໃຫມ່ໆ