ບໍ່ຍ້າຍ..ເກອິຕາຢັນສຸດແຮັບປີກັບໄລບ໌ຊິກ

 

ນາບີ ເກອິຕາ ມິດຟິວເນື້ອຫອມ ແອເບ ໄລບ໌ຊິກ ລະບຸຕອນນີ້ຕົນແຮັບປີດີກັບການຮັບໃຊ້ຕົ້ນສັງກັດ ແຕ່ບໍ່ຟັນທຸງເລື່ອງອະນາຄົດຫຼັງຈົບລະດູການນີ້.

 

ນາບີ ເກອິຕາ ກອງກາງຄົນເກ່ັງຂອງ ແອເບ ໄລບ໌ຊິກ ສະໂມສອນດັງຂອງ ບຸນເດສລີກາ ຢືນຢັນວ່າຕົນກຳລັງມີຄວາມສຸກ ແລະ ສະບາຍໃຈສຸດໆກັບການຫຼິ້ນຢູ່ໃນຖິ່ນ ເຣດ ບູ ອາຣິນາ ເຖິງວ່າອະນາຄົດຫຼັງຈົບລະດູການນີ້ຍັງບໍ່ມີຄວາມແນ່ນອນກໍຕາມ.

 

ດາວເຕະທີມຊາດກີນີອາຍຸ 22 ປີເຮັດຜົນງານໄດ້ໂດດເດັ່ນໃນລະດູການນີ້ ຈົນກາຍເປັນເປົ້າໝາຍຂອງສະໂມສອນຍັກໃຫຍ່ຄື ບາເຢີນ ມິວນິກ, ລີເວີພູ ແລະ ອາເຊນອນ ແຕ່ວ່າ ເກອິຕາ ລະບຸວ່າຕອນນີ້ຍັງບໍ່ຄິດຫຍັງຫຼາຍເພາະຕ້ອງການມີສະມາທິກັບການລົງຫຼິ້ນອີກ 3 ເກມທີ່ເຫຼືອຂອງລະດູການ.

 

“ຕອນນີ້ຂ້ອຍຮູ້ສຶກສະບາຍໃຈກັບການຫຼິ້ນໃຫ້ກັບຕັ້ນສັງກັດ ລະດູການນີ້ຍັງເຫຼືອເກມໃຫ້ລົງຫຼິ້ນອີກ 3 ນັດ ແລະ ມັນຄືສິ່ງທີ່ຂ້ອຍໃຫ້ສະມາທິເຕັມທີ່ ເລື່ອງອື່ນໆຂ້ອຍຢາກໃຫ້ເອເຢນຂອງຂ້ອຍຈັດການ ເມື່ອມັນຮອດເວລາທີ່ຈະຕ້ອງສິນໃຈຂ້ອຍກໍຈະໄປລົມກັບເຂົາ ແລະ ຄອບຄົວຂອງຂ້ອຍ” ເກອິຕາ ເປີດໃຈ.

 

ເຊິ່ງປັດຈຸບັນ ເກອິຕາ ເຫຼືອສັນຍາກັບສະໂມສອນຕົ້ນສັງກັດຈົນຮອດປີ 2020.

 

ບົດຄວາມໃຫມ່ໆ