ບໍ່ຍອມ!!!ໂດ້ບໍ່ຄິດຈະຈ່າຍເງິນຄະດີລ່ຽງພາສີ

ເກສຕິຟຸດ ບໍລິສັດນາຍໜ້າຂອງ ຄຣິສຕຽນໂນ ໂຣເນົາໂດ ຫົວຫອກ ເຣອັນ ມາດຣິດ ລະບຸເອງວ່ານັກເຕະບໍ່ຄິດທີ່ຈະຈ່າຍເງິນໃຫ້ກັບກົມພາສີຕາມທີ່ຖືກຟ້ອງວ່າບ້ຽວພາສີຄືທີ່ລືກັນ ແລະ ບໍ່ຄິດຈະຍອມໃຫ້ຄູ່ກໍລະນີພ້ອມ.

ເກສຕິຟຸດ ບໍລິສັດນາຍໜ້າທີ່ເປັນຕົວແທນຂອງ ຄຣິສຕຽນໂນ ໂຣເນົາໂດ ດາວຍິງຄົນດັງຂອງ ເຣອັນ ມາດຣິດ ສະໂມສອນຍັກໃຫຍ່ຂອງແຫ່ງເວທີ ລາ ລີກາ ສະເປນ ປະກາດວ່ານັກເຕະໃນຄວາມດູແລຂອງພວກເຂົາບໍ່ມີຄວາມຄິດທີ່ຈະຈ່າຍເງິນໃຫ້ກັບກົມພາສີ-ອາກອນຂອງປະເທດສະເປນທີ່ຖືກກ່າວວ່າລ່ຽງພາສີຄືທີ່ມີລາຍງານອອກມາກ່ອນໜ້ານີ້ແຕ່ຢ່າງໃດ.

ໂຣເນົາໂດ ຫາກໍຖືກກ່າວຫາວ່າລ່ຽງພາສີໂດຍໃຊ້ບໍລິສັດທີ່ຈັດຕັ້ງໃນປີ 2010 ເພື່ອປົກປິດລາຍໄດ້ຈາກລິຂະສິດທາງພາບລັກຂອງເຂົາໃນສະເປນຊ່ວງລະຫວ່າງປີ 2011-2014 ໂດຍວ່າກັນວ່າເຂົາລ່ຽງພາສີເປັນເງິນລວມເຖິງ 14.7 ລ້ານເອີໂຣ.

ປະເດັນດັ່ງກ່າວບານປາຍຈົນຮອດຂັ້ນທີ່ມີຂ່າວວ່າ ໂຣເນົາໂດ ບໍ່ພໍໃຈຕົ້ນສັງກັດທີ່ບໍ່ໃຫ້ຄວາມຊ່ວຍເຫຼືອເຂົາຫຼາຍເທົ່າທີ່ຄວນ ແລະ ຄິດທີ່ຈະຍ້າຍທີມດ້ວຍ ແຕ່ບໍ່ດົນມານີ້ເລີ່ມມີຂ່າວວ່ານັກເຕະພ້ອມທີ່ຈະຢູ່ກັບທີມຕໍ່ແລ້ວ ລວມເຖິງພ້ອມຈ່າຍເງິນໃຫ້ຄົບທຸກກີບ.

ຢ່າງໃດກໍຕາມຫຼ້າສຸດ ເກສຕິຟຸດ ເຜີຍກັບ ອີເອຟອີ ສຳນັກຂ່າວຂອງສະເປນແລ້ວວ່າ ໂຣເນົາໂດ ບໍ່ຄິດທີ່ຈະຈ່າຍເງິນເລີຍຈັກກີບ ແລະ ບໍ່ມີທ່າທີຈະຍອມອ່ອນໃຫ້ກັບທາງການພ້ອມ.

 

ບົດຄວາມໃຫມ່ໆ