ບໍລິສັດ ໂອໂຕເວີລ ໂຄລາວ ດີວີລົບປິງ ແດຮັນ ຈຳກັດ ນໍາສະເໜີລົດແດຮັນ D T1 ໃນຕະຫຼາດລາວ.

ໃນຕອນຄໍ່າຂອງວັນທີ 2 ຕຸລາ 2015ນີ້, ທີ່ສູນການຄ້າລາວໄອເຕັກມໍ ນະຄອນຫຼວງວຽງຈັນ ບໍລິສັດ ໂອໂຕເວີລ ໂຄລາວ ດີວີລົບປິງ ແດຮັນ ຈຳກັດ. ໄດ້ນໍາສະເໜີລົດບັນທຸກລຸ້ນໃໝ່ຍີ່ຫໍ້ແດຮັນ D T1. ໂດຍການເຂົ້າຮ່ວມທ່ານ ແບດຶກຮ້ວນ ກຳມະການຜູ້ຈັດການ ບໍລິສັດ ໂອໂຕເວີລ ໂຄລາວ ດີວີລົບປິງ ແດຮັນ ຈຳກັດ, ມີພາກສ່ວນກ່ຽວຂ້ອງ, ແຂກທີ່ເຊີນ ພ້ອມດ້ວຍມວນຊົນຊາວນະຄອນຫຼວງວຽງຈັນເຂົ້າຮ່ວມຢ່າງຫຼວງຫຼາຍ.

ລົດບັນທຸກລຸ້ນໃໝ່ ຍີ່ຫໍ້ແດຮັນ D T1 ທີ່ບໍລິສັດ ໂອໂຕເວີລ ໂຄລາວ ດີວີລົບປິງ ແດຮັນ ຈຳກັດ ໄດ້ນໍາສະເໜີໃນຄັ້ງນີ້, ເປັນລົດທີ່ມີຄວາມສາມາດໃນການໃຊ້ງານສູງ ທີ່ມີຄວາມແຮງ 2.600 ຊີຊີ ບັນຈຸໄດ້ 1 ໂຕນ, ເຄື່ອງຈັກຮຸ່ນໃດກິນນ້ຳມັນກາຊວນ ມີການອອກແບບທີ່ງົດງາມປະຍັດນ້ຳມັນ, ມີກະບະຫຼັງກວ້າງແຂງແຮງ ແລະ ຍາວເປັນພິເສດ. ລັກສະນະພິເສດຂອງລົດລຸ້ນດັ່ງກ່າວ, ເປັນລົດປະກອບຢູ່ ສປປ ລາວ.

ເພື່ອຕອບສະໜອງຄວາມຕ້ອງການຂອງລູກຄ້າ ຫຼື ຜູ້ທີ່ສົນໃຈຢາກໄ້ດລົດໄປນໍາໃຊ້ເຂົ້າທຸລະກິດຂະໜາດໃຫຍ່, ກາງ ແລະ ນ້ອຍ. ສໍາລັບໃນເດືອນ ຕຸລາ 2015 ນີ້, ບໍລິສັດຍັງໄດ້ຈັດໂປຮໂມຊັນພິເສດ ເພື່ອສະໜອງຄວາມຕ້ອງການຂອງລູກຄ້າ ທີ່ສັ່ງຈອງລົດແດຮັນລຸ້ນ D T1 ໂດຍຈ່າຍພຽງ 15,000,000 ກີບ ຍັງຈະໄດ້ຮັບສາຍຄໍຄຳ 1 ບາດ ແລະ ໄດ້ຮັບສິດຜ່ອນດອກເບ້ຍ 0% ຍາວເຖິງ 4 ປີ. ນອກຈາກນັ້ນ, ລູກຄ້າທ່ານໃດຫາກມີກຳລັງຈ່າຍໜ້ອຍ ໄດ້ລົດໄປຂີ່ທັນທີ ບໍລິສັດກໍມີໂປຮໂມຊັນຈ່າຍ ພຽງແຕ່ 5,000,000 ກີບ ແລະ ຍັງໄດ້ຮັບສິດຜ່ອນດອກເບ້ຍພຽງແຕ່ 0% ຍາວເຖິງ 4 ປີ. ເຊິ່ງໂປຮໂມຊັນດັ່ງກ່າວນີ້ ເລີ່ມແຕ່ວັນທີ 2-31 ຕຸລາ 2015 ນີ້.

ທີ່ມາ CRI-FM93