ບໍລິສັດ ພູທິສັກ ກໍ່ສ້າງຂົວທາງ ຊຸກຍູ້ເສື້ອ ຍືດແກ່ພະແນກຈັດຕັ້ງການສະແດງ

.ບໍລິສັດ ພູ​ທິສັກ ກໍ່ສ້າງ​ຂົວ​ທາງ ຈຳກັດ ສະໜັບສະໜູນ​ເສື້ອ​ຍືດ​ 20 ຊຸດ ມູນ​ຄ່າ 2.000.000 ກີບ ​ແກ່ພະ​ແນ​ກຈັດ​ຕັ້ງ​ການສະ​ແດງ ​​​ເຊິ່ງ​ໄດ້​ຈັດ​ພິທີ​ມອບ-ຮັບ ​ໃນ​ທ້າຍ​ອາທິດ​ຜ່ານ​ມາ ຢູ່ ນະຄອນຫລວງວຽງ​ຈັນ, ​ໃຫ້​ກຽດ​ກ່າວ​ມອບ​ໂດຍ ທ່ານ ພູນ​ສະຫວັດ ຄຳ​ພັນ​ໂນ​ລາດ ປະທານ ​ບໍລິສັດ ພູ​ທິສັກ ກໍ່ສ້າງ​ຂົວ​ທາງ ຈຳກັດ ​ແລະ ກ່າວ​ຮັບ​ໂດຍ ທ່ານ ນາງ ອາ​ໂນ​ລິນ ຫລວງ​ລາດ ຫົວໜ້າ​ພະ​ແນ​ກຈັດ​ຕັ້ງ​ການສະ​ແດງ, ກົມ​ສິລະ​ປະການ​ສະ​ແດງ ກະຊວງ ຖະ​ແຫລ​ງຂ່າວ, ວັດທະນະທໍາ ​ແລະ ທ່ອງ​ທ່ຽວ ​ໂດຍ​ມີ ທ່ານ ວິ​ໄລ​ສັກ ບອງ​ລຳ​ພອນ ຮອງ​ຫົວໜ້າ​ພະ​ແນ​ກ ສົ່ງ​ເສີມ​ຄຸ້ມ​ຄອງ​ຜະລິດ​ຕະພັນ, ກົມ​ສິລະ​ປະການ​ສະ​ແດງ ກະຊວງ ຖວທ ​ແລະ ມີ​ພະນັກ​ງານທັງ​ສອງ​ພາກສ່ວນ​ເຂົ້າ​ຮ່ວມ.

​ໂອກາດ​ນີ້ ທ່ານ ນາງ ອາ​ໂນ​ລິນ ຫລວງ​ລາດ ​ໄດ້​ສະ​ແດງ​ຄວາມ​ຂອບ​ໃຈ​ຕໍ່​ປະທານ​ບໍລິສັດ​ດັ່ງກ່າວ ທີ່​ໄດ້​ໃຫ້ການ​ສະໜັບສະໜູນ​ ​ເຊິ່ງ​ເສື້ອ​ຍືດຈຳນວນ​ນີ້ ຈະ​ມອບ​ໃຫ້​ພະ ນັກງານ​ນຸ່ງ​​ໃນ​ເວລາ​ເຝິກຊ້ອມ​ສວນສະໜາມ ​ເພື່ອຮອງ​ຮັບ​ການສະ​ເຫລີ​ມສະຫລອງ ວັນ​ຊາດ​ທີ 2 ທັນວາ ຄົບຮອບ 40 ປີ ທີ່​ຈະ​ມາ​ເຖິງ​ນີ້, ຂະນະ​ດຽວ​ກັນ ກໍ​ອວຍພອນ​ໃຫ້​ທ່ານ​ປະທານ​ປະສົບ​ຜົນສຳ​ເລັດ​ໃນ​ການ​ດຳ​ເນີນ​ທຸກ​ລະ​ກິດ ​ແລະ ຫວັງ​ຢ່າງ​ຍິ່ງ​ວ່າ​ຈະ​ໄດ້​ຮັບ​ການ​ສະໜັບສະໜູນ​ຕື່ມ​ອີກ.

ທ່ານ ພູນ​ສະຫວັດ ຄຳ​ພັນ​ໂນ​ລາດ ກ່າວ​ວ່າ: ​ການຊຸກຍູ້​ຄັ້ງ​ນີ້ ​ເຖິງ​ແມ່ນ​ວ່າ​ເປັນ​ຈຳນວນ​ບໍ່​ຫລາຍ​ກໍ​ຕາມ ​ແຕ່​ເປັນ​ການ​ປະກອບສ່ວນ​ໜຶ່ງ ​ເພື່ອ​ສ້າງ​ຂະ​ບວນການ​ຮອງ​ຮັບ​ການສະ​ເຫລີ​ມສະ ຫລອງ​ວັນ​ຊາດ ທີ່​ຈະມາ​ເຖິງ​ນີ້​ໃຫ້​ມີ​ບັນຍາກາດ​ຟົດ​ຟື້ນ ​ແລະ ພ້ອມ​ຈະ​ໃຫ້ການ​ຊ່ວຍ​ເຫລືອ​ຕື່ມອີກ​​ຕາມ​ຄວາມ​ສາມາດ​ຂອງ​ບໍລິສັດ.

ທີ່ມາ http://kpl.gov.la/