ບໍລິສັດການຢາ ເອັນເອັນຊີ ມອບເງິນ 15 ລ້ານກີບ ຊ່ອຍເຫຼືອສູນເສຍອົງຄະພິເສດ 790

ໃນຕອນເຊົ້າວັນທີ 21 ກໍລະກົດ 2015 ທີ່ສູນເສຍອົງຄະ 790 ທ່າງ່ອນ ເມືອງໄຊທານີ ນະຄອນຫຼວງວຽງຈັນ ບໍລິສັດການຢາເອັນເອັນຊີ ໄດ້ມອບເງິນຊ່ອຍເຫຼືອຈໍານວນ 15 ລ້ານກີບ ເຊິ່ງເປັນງວດທໍາອິດ ປະຈໍາປີ 2015 ໂດຍການເປັນກຽດມອບໂດຍທ່ານ ຮວາງ ວັນກວນ ຜູ້ອໍານວຍການບໍລິສັດການຢາ ແລະ ອຸປະກອນການແພດເອັນເອັນຊີຈໍາກັດ ແລະ ຕາງໜ້າຮັບໂດຍ ທ່ານ ຄໍາຫຼ້າ ທົມພັນສອນ ອໍານວຍການສູນເສຍອົງຄະ 790 ມີຜູ້ຕາງໜ້າກົມບໍານານ ເສຍອົງຄະ ພິການ ກະຊວງແຮງງານ ແລະ ສະຫວັດດີການສັງຄົມ ບັນດາພະນັກງານ ວິຊາການທີ່ກ່ຽວຂ້ອງ ແລະ ສື່ມວນຊົນເຂົ້າຮ່ວມເປັນສັກຂີພິຍານ.

……………..ທ່ານ ຮວາງ ວັນກວນ ໄດ້ກ່າວວ່າ ບໍລິສັດການຢາ ແລະ ອຸປະກອນການແພດເອັນເອັນຊີຈໍາກັດ ແມ່ນບໍລິສັດເອກະຊົນຫວຽດນາມ ທີ່ດໍາເນີນທຸລະກິດໃນ ສປປ.ລາວ ດ້ວຍຮູບແບບການສະໜອງຢາ ອາຫານເສີມ ຊາສະໝູນໄພ ທີ່ມີຄຸນະພາບສູ່ສັງຄົມລາວ ມາແຕ່ປີ 2008 ຕະຫຼອດໄລຍະທີ່ຜ່ານມາ ເຫັນວ່າລູກຄ້າໃຫ້ການຕອບຮັບດີ ແລະ ເພື່ອເປັນການຄືນກໍາໄລໃຫ້ລູກຄ້າ ບໍລິສັດການຢາ ແລະ ອຸປະກອນການແພດເອັນເອັນຊີຈໍາກັດ ຈິ່ງສົມ ທົບກັບກົມບໍານານ ເສຍອົງຄະ-ພິການ ກະຊວງແຮງງານ ແລະ ສະຫວັດດີການສັງຄົມ ໄດ້ຈັດຕັ້ງປະຕິບັດໂຄງການ ແບ່ງນໍ້າໃຈຊ່ອຍເຫຼືອສັງຄົມໂດຍສະເພາະຄົນເສຍອົງຄະ ພິການ ທຸກຍາກ ຂາດເຂີນ ດ້ອຍໂອກາດ ຢູ່ເຂດຫ່າງໄກສອກຫຼີກໃນ ສປປ.ລາວ ມາໄດ້ 10 ກວ່າປີແລ້ວສໍາລັບປີ 2015 ກໍສືບຕໍ່ສົມທົບກັບຂະແໜງການທີ່ກ່ຽວຂ້ອງພາກລັດຖະບານຈັດຕັ້ງປະຕິບັດໂຄງການແບ່ງນໍ້າໃຈຊ່ອຍເຫຼືອຄົນເສຍອົງຄະຂຶ້ນດ້ວຍການຈໍາໜ່າຍຜະລິດຕະພັນ 10 ລາຍການເຊັ່ນ ຊາແກ້ຮ້ອນໃນ ຊາສະບາຍໃຈ ຊາມິດສະເຕີແຮງອັກຕີໂຊບໍາລຸງຕັບ ຊາຫຼຸດນໍ້າໜັກ ຊາອາຍຸຍືນ ຊາເອັນຊີ ຊາປົກປ້ອງຕັບ ຊາຮັກສາຜິວໃຫ້ງາມ ແລະ ຊາເຢັນເອັນຊີເຊີ່ງທຸກໆຜະລິດຕະພັນທີ່ຈໍາໜ່າຍອອກໄປແລ້ວຈະຫັກ 1.000 ກີບຕໍ່ກັບ ເພື່ອຈັດສົ່ງຊ່ອຍເຫຼືອສູນເສຍອົງຄະ ແລະ ນໍາໄປຊ່ອຍເຫຼືອຜູ້ທີ່ມີຄວາມຈໍາເປັນ ເຊິ່ງຈະມີການມອບເງິນທຸກໆ 3 ເດືອນ (ເປັນງວດ) ຕະຫຼອດປີ 2015.

...........................................................................................................................................................................................

ທີ່ມາ: www.Vientiane today.com