ບົວລະພາ ຢຶດ ແລະ ທຳລາຍສິນຄ້າຜິດກົດໝາຍ

ບົວລະພາ ຢຶດ ແລະ ທຳລາຍສິນຄ້າຜິດກົດໝາຍ

ປະຕິບັດຕາມກົດໝາຍວ່າດ້ວຍ ການປົກປ້ອງຜູ້ຊົມໃຊ້ ແລະ ຂໍ້ຕົກລົງວ່າດ້ວຍການຈັດຕັ້ງປະຕິບັດວຽກງານປົກປ້ອງຜູ້ຊົມໃຊ້ຂອງຂະແໜງອຸດສາຫະກຳ ແລະ ການຄ້າ ດັ່ງນັ້ນ, ໃນທ້າຍອາທິດຜ່ານມາທີ່ເດີ່ນໂຮງໝໍຈຸດສຸມຫຼັງຄັງ-ວັງມະເນີ ເມືອງບົວລະພາ, ແຂວງຄຳມ່ວນ

ຫ້ອງການອຸດສາຫະກຳ ແລະ ການຄ້າສົມທົບກັບພາກສ່ວນທີ່ກ່ຽວຂ້ອງໄດ້ນຳເອົາສິນຄ້າທີ່ນຳເຂົ້າແບບຜິດກົດໝາຍ ແລະ ໝົດອາຍຸ (ສິນຄ້າເສຍຄຸນນະພາບ) ເປັນຕົ້ນແມ່ນອາຫານສຳເລັດຮູບ ແລະ ເຄື່ອງດື່ມປະເພດຕ່າງໆ ເປັນຕົ້ນແມ່ນ: ໝີ່ໄວໆ, ປາກະປ໋ອງ, ເຂົ້າໝົມເຂົ້າຊີລີແລັກ (ເຂົ້າເດັກນ້ອຍ) ແລະ ເຄື່ອງສຳອາງປະເພດຕ່າງໆ...ນອກນັ້ນຍັງມີ ນໍ້າອັດລົມ, ນົມສຳເລັດຮູບ ແລະ ອື່ນໆ... ລວມມູນຄ່າທັງໝົດ 1,8 ລ້ານກີບ. ໄປທຳລາຍຖິ້ມສິນຄ້າດັ່ງກ່າວແມ່ນໄດ້ຢຶດມາຈາກຮ້ານຄ້າ ທີ່ຈຸດສຸມຫຼັງຄັງ-ວັງມະເນີ ມີຈຳນວນ ທັງໝົດ 13 ຮ້ານ ແລະມີ 9 ຮ້ານ ທີ່ກວດພົບຈຸດປະສົງຂອງການທຳລາຍໃນຄັ້ງນີ້ກໍເພື່ອປະຕິບັດຕາມຄຳສັ່ງ ແລະ ແຈ້ງການຂອງພະແນກອຸດສາຫະກຳການຄ້າແຂວງໃຫ້ປາກົດຜົນເປັນຈິງທັງເປັນການສະກັດກັ້ນການລັກລອບ ການນຳເຂົ້າສິນຄ້າປະເພດຕ່າງໆແບບຜິດກົດໝາຍ ແລະສິນຄ້າທີ່ໝົດອາຍຸປົກປ້ອງຜູ້ຊົມໃຊ້ບໍ່ໃຫ້ເສຍເງິນ ແລະ ສຸຂະພາບຈາກສິນຄ້າຂາດຄຸນນະພາບເຫຼົ່ານັ້ນ.

Cr: http://www.sedthakid.la