ບິລ ເກດ ສອນລູກແນວໃດ?

ບິລ ເກດ ສອນລຸກແນວໃດ?

ເມື່ອຫຼາຍປີກ່ອນ ນິຕະສານ ທາມ ຊື່ງເປັນນິຕະສານທີ່ມີອິດທິພົນຂອງໂລກຍົກຍ່ອງໃຫ້ ບິລ ເກດ  ພ້ອມດ້ວຍເມຍຂອງລາວ ແລະ ນັກຮ້ອງຮ໊ອກສະຕາໂບໂນເປັນ “ບຸກຄົນແຫ່ງປີ” ທັ້ງນີ້ທາງກອງບັນນາທິການໃຫ້ເຫດຜົນວ່າ ທີ່ ບິລ ເກດ ແລະ ເມຍຂອງລາວ (ລວມທັ້ງໂບໂນ່) ໄດຮັບຄັດເລືອກນັ້ນບໍ່ແມ່ນເພາະວ່າເຂົາຄື “ອະພິມະຫາເສດຖີຂອງໂລກ” ຫາກແຕ່ເປັນເພາະພວກເຂົາຄື “ຜູ້ໃຫ້ລາຍການໃຫຍ່ທີ່ສຸດຂອງໂລກ”

ຫຼັງຈາກປະສົບຜົນສຳເລັດໃນຖານະນະວັດຕະກຳຜູ້ຄິດຄົ້ນນະວັດຕະກຳໄມໂຄຊອບ ແລະ ໃນຖານະມະຫາເສດຖີອັນດັບຫຼຶ່ງຂອງໂລກຕໍ່ເນື່ອງກັນມາຫຼາຍປີ ຈົນເຂົາບໍ່ຕື່ນເຕັ້ນກັບຊັບສິນຂອງຕົວເອງອີກຕໍ່ໄປ ບິລ ເກດ ຕັດສິນໃຈກໍ່ຕັ້ງມູນລະນິທິໃນຊື່ຂອງເຂົາ ແລະ ເມຍເພື່ອຮ່ວມກັນເຮັດວຽກການກຸສົນ ໂດຍມຸ່ງເນັ້ນໄປທີ່ການຊ່ວຍເຫຼືອປະຊາກອນໃນໂລກທີ່ສາມ ທີ່ຍັງມີຄົນທຸກຍາກ ທີ່ຈະຊ່ວຍເຮັດໃຫ້ໂລກໂປລິໂອຫາຍໄປຈາກນີ້ໄດ້ພາຍໃນ 6 ປີຄືກັບເທື່ອໜຶ່ງໂລກໄຂ້ພິດເຄີຍມີມະນຸດພິຊິດສຳເລັດາແລ້ວ

ນອກຈາກນັ້ນ ເມື່ອບໍ່ດົນປີທີ່ຜ່ານມາ ລາວກັບເພື່ອນຕ່າງໄວທີ່ໃຜໆ ກໍ່ຮູ້ຈັກຄືວໍເຮນ ບັບເຟດ ຍັງຮ່ວມກັນກໍ່ຕົ້ງໂຄງການ The Giving Pledge ອັນເປັນໂຄງການທີ່ຊວນມະຫາເສດຖີຈາກທົ່ວໂລກມາຮ່ວມກັນເຮັດວຽກການກຸສົນພາຍໃຕ້ແຄມເປນ “ສັນຍາວ່າຈະໃຫ້” ໝາຍເຖີງ ການມອບຊັບສິນເຄິ່ງໜຶ່ງທີ່ຕົວເອງມີຢູ່ ເພື່ອການກຸສົນກ່ອນຫຼືຫຼັງການຕາຍຂອງຕົນເອງກໍ່ໄດ້ ໃນການເຮັດໂຄງການນີ້ໃຫ້ເປັນໂຄງການລະດັບໂລກ ລາວລົງທືນເດີນທາງໄປຊັກຊວນເພື່ອນເສດຖີຈາກທົ່ວໂລກໃຫ້ມາຮ່ວມກັນ “ເຮັດໂລກນີ້ໃຫ້ດີກວ່າເກົ່າ” ປະກົດວ່າ ໂຄງການນີ້ໄດ້ຮັບການຕອບຮັບເປັນຢ່າງດີ

ນັບແຕ່ຫັນມາເຮັດວຽກການກຸສົນ ຊື່ສຽງຂອງ ບິສ ເກດ ກໍ່ດີຂຶ້ນເລື່ອຍໆ ຜິດຈາກຍຸກທຳອິດທີ່ມີແຕ່ຄົນດ່າ ແລະ ບໍ່ມັກ ເຖີງຂະໜາດທີ່ລາວເຄີຍຖືກປະຊາຄົມເສດຖີຢູໂຮບ ແລະ ກະຊວງຍຸຕິທຳຂອງສະຫະລັດອາເມຮິກາເອງ ເປັນໂຈດຟ້ອງຮ້ອງຕົວລາວ ແລະ ບໍລິສັດໃນຖານະທີ່ເປັນນັກທຸລະກິດທີ່ເຮັດທຸລະກິດແບບຜູກຂາດ

ເວົ້າກັນວ່າ ນອກຈາກຈະເປັນເພາະວ່າລາວລອຍຈົນໝົດຄວາມທ້າທາຍ ບວກກັບການປະສົບການກົງວ່າຄວາມລອຍທີ່ມີຄວາມເຫັນແກ່ຕົວເປັນຕົວຂັບເຄື່ອນຢ່າງແຮງກ້າ ມີແຕ່ຈະເຮັດໃຫ້ລາວຖືກກຽດຫຼາຍກວ່າຖືກຮັກແພງ ເຫດຜົນສຳຄັນທີ່ເຮັດໃຫ້ລາວຫັນມາສົນໃຈງານການກຸສົນຄື ຄຳເຕືອນຈາກແມ່ຂອງລາວເອງທີ່ບອກວ່າ “ໃຜກໍ່ຕາມທີໄດ້ຮັບຫຍັງໄປຈາກໂລກຫຼາຍໆ ໂລກກໍ່ຄາດຫວັງວ່າຄວນຈະໃຫ້ຄືນໃນອັດຕາທີ່ບໍ່ຫຼາຍບໍ່ໜ້ອຍໄປກວ່າກັນ”

ໃນມຸມກັບກັນ ເຮົາອາດຈະກ່າວໄດ້ອີກຢ່າງໜຶ່ງວ່າ

ໃຜທີ່ໄດ້ຮັບໄປຈາກໂລກຫຼາຍ ແຕ່ບໍ່ເຄີຍຄືນສິງດີໆ ໃຫ້ກັບໂລກເລີຍ ໂລກກໍ່ມີວີທີທວງຄືນຄືກັນ ແຕ່ຈະທວງຄືນແບບໃດ ເຮົາຫາກເອງຢູ່ແລ້ວ

ອະໜຶ່ງ ຄົນທີ່ສະຫຼາດລະດັບອັດສະລິຍະຄື ບິລ ເກດ ຮູ້ຈັັກກັນດີວ່າຊັບສິນເປັນພຽງມາຍາ ປະໂຫຍດທີ່ຮັງສັນຝາກໄວ້ແກ່ເພື່ອນມະນຸດນັ້ນຄືຄວາມຈິງທີ່ຄວນຄ່າແກ່ການຈົດຈຳ ດັ່ງນັ້ນເຂົາຈື່ງໃຊ້ເວລາໃນຕອນຊະລາຂອງລາວ ເພື່ອປະໂຫຍດສຸກຂອງມະນຸດຫຼາຍກວ່າການທຸ່ມເທໃຫ້ທຸລະກິດພຽງຢ່າງດຽວຄືຕອນໄວໜຸ່ມ

ບິລ ເກດ ໃນໄວເກືອບຫົກສິບປີ ຜ່ານໂລກມາຫຼາຍພໍທີ່ຈະຮູ້ຈັກວ່າ ແມ່ນຫຍັງຄືແກ່ນ ແມ່ນຫຍັງຄືເປືອກຂອງຊີວິດ ດັງນັ້ນລາວຈື່ງຖ່າຍທອດໂລກະທັດຈາກປະສົບການແກ່ລູກໆ ຂອງລາວໃນແບບທີ່ລາວຄິດວ່າດີທີ່ສຸດສຳລັບລູກ

ຫຼາຍຄົນຄົງສົງໄສວ່າ ບິລ ເກດ ສອນລູກແນວໃດ

“ບິລ ເກດ ພໍ່ໄວ 57 ປີເຜິຍເຖີງກົດເຫຼັກທີ່ໃຊ້ກັບລູກທັ້ງ 3 ຄົນ ຄື ເຈນນິເຟີ, ຮໍຮີ່ ແລະ ຟີບີ້ ອາຍຸ 17, 14 ແລະ 11 ປີຕາມລຳດັບ ຄື ຫ້າມລູກໆ ມີໂທລະສັບມືຖືຈົນກວ່າອາຍຸຄົບ 13 ປີ ໂດຍຕອນນີ້ຟີບີ້ລູກສາວຄົນສຸດທ້ອງຍັງບໍ່ມີໂທລະສັບໃຊ້ື່ງລູກບອກວ່າອັບອາຍເພື່ອນທີ່ສຸດ”

“ບິລ ເກດ ຍອມຮັບວ່າການຈັບຕາພຶດຕິກຳອອນໄລຂອງລູກເປັນເລື່ອງທີ່ຍາກສຳລັບພໍ່ແມ່ສະໄໝປັດຈຸບັນ ດັງນັ້ນຈື່ງຕ້ອງຂໍສະຫັດເຟສບຸກ ແລະ ອີເມວຂອງລູກຄົນກາງ ແລະ ຄົນສຸທ້ອງໄວ້ຄອຍເຊັກແອັກຄາວຂອງລູກເພາະບໍ່ຕ້ອງການໃຫ້ລູກຕິດສື່ສານໃນເລື່ອງທີ່ອອກລູ່ນອດທາງ

“ສ່ວນລູກສາວຄົນກົກນັ້ນ ພໍ່ບໍ່ໄດ້ຂໍສະຫັດ ເພາະເປັນຕົວຂອງເອງແລ້ວ”

“ວິທີການລ້ຽງລູກຂອງ ບິລ ເກດ ກໍບໍ່ຫຼູຫຼາຟຸ່ມເຟືອຍແບບມະຫາເສດຖີທົ່ວໄປ ໂດບ ບິລ ເກດ ບອກວ່າ ສົມບັດມະຫາສານທີ່ມີ ຊື່ງຈາກການປະເມິນລ່າສຸດ ປະມານ 65,000 ລ້ານດໍລາ ຫາກຍົກໃຫ້ລູກທັ້ງໝົດ ຖືເປັນການໃຊ້ຄວາມມັ່ງມີໃນທາງທີ່ຜິດ ບໍ່ດີຕໍ່ຕົວລູກເອງ ແລະ ສັງຄົມ ດັ່ງນັ້ນລູກໆ ຕ້ອງຮູ້ຈັກຫາເງິນຕາມວິທີທາງຂອງຕົວເອງ

“ສິ່ງທີ່ ບິລ ເກດສາມາດໃຫ້ຢ່າງບໍ່ສິ້ນສຸດກໍ່ຄືການສຶກສາ ຢາກຮຽນຫຍັງພໍ່ຈ່າຍຄ່າຮຽນໃຫ້ ຄ່າໃຊ້ຈ່າຍຕ່າງໆ ທີ່ກ່ຽວກັບສຸຂະພາບ ພໍ່ຈະເບິ່ງແຍງທັ້ງໝົດ ແຕ່ເລື່ອງລາຍໄດ້ນັ້ນ ລູກໆ ຕ້ອງຫາວຽກທີ່ຕົວເອງຮັກເພື່ອລ້ຽງຕົວເອງ ປະຈຸບັນນີ້ລູກໆ ກໍ່ຕ້ອງຮູ້ຈັກເຮັດວຽກບ້ານເພື່ອໄດ້ເງິນໄປໂຮງຮຽນ

“ບິລ ເກດ ບອກວ່າ ຕົວເອງບໍ່ມີຕໍຄົນຂັບລົດປະຈຳ ໄປໃສມາໃສຂັບລົດເອງ ຊື່ງລົດທີ່ໃຊ້ປະຈຳຄື ເບນ S- Class ສີຂຽວບໍ່ຕິດຟີມ ສ່ວນລົດອື່ນໆ ກໍ່ມີ 3 ຄັນ ຄືເຫຼັກຊັສ ປໍເຊ່ ແລະ ມິນິແວນ

“ສຳລັບໄອໂຟນ ໄອແພັດ ແລະ ໄອພ໊ອດນັ້ນລູກໆ ທັ້ງສາມຄົນກໍ່ຢາກໄດ້ ແຕ່ບິລ ເກດແລະເມລິນດາຫ້າມບໍາໃຫ້ໃຊ້ ໂດຍເມລິນດາເຄີຍໃຫ້ສຳພາດວ່າ ຄວາມລ່ຳລອຍຂອງຄອບຄົວມາຈາກໄມໂຄຊອບ ດັ່ງນັ້ນຈະເອົາເງິນໄປໃຫ້ຄູ່ແຂ່ງໄດ້ແນວໃດ

“ແມ່ເມລິນດາຈະຫ້າມລູກໃຊ້ໄອໂຟນ ແຕ່ລາວກໍ່ຍອມຮັບວ່າເວລາເຫັນເພື່ອນໆ ໃຊ້ໄອໂຟນກໍ່ເກືອບອົດໃຈຊື້ບໍ່ໄດ້ຢູ່ຄືກັນ ແນວໃດກໍ່ຕາມ ເມື່ອສອງປີກ່ອນມີປາປາຮັສຊີ່ແອບຖ່າຍພາບເຈນນິເຟີ ລູກສາວກົກຖືໄອໂຟນຢູ່ໃນມືຂະນະຍ່າງອອກກຳລັງກາຍກັບແມ່ໄວ້ໄດ້

“ເຖີງບິລ ເກດ ບໍ່ຕ້ອງການໃຫ້ລູກສາວໃຊ້ໄອໂຟນ ແຕ່ກ່ອນທີ່ສະຕີບ ຈ໊ອບ ຈະເສຍຊີວິດບິລ ເກດ ໄດ້ມີໂອກາດໄປຢຽມແລະໃຊ້ເວລາລົ້ມກັນຫຼາຍຊົ່ວໂມງ ເພື່ອເວົ້າເລື່ອງອະດີດ ແລະ ອະນາຄົດ ໂດຍບິລ ເກດໄດ້ບອກກັບສະຕີບ ຈ໊ອບ ວ່າລາວຄວນພູມໃຈກັບສິ່ງຕ່າງໆ ທີ່ລາວໄດ້ສ້າງສັນໄວ້ ແລະ ກັບຄວາມສຳເລັດຂອງແອັບເປີ້ນ

“ການໂອ້ລົມກັບສະຕີບ ຈ໊ອບ ໃນມື້ນັ້ນບິລ ເກດ ບອກວ່າ ບໍ່ໄດ້ເປັນການພະຍາຍາມມສ້າງສັນຕິ ເພາລາວທັ້ງບໍ່ເຄີຍມີເລື່ອງຜິດຖຽງກັນ ຕ່າງຄົນຕ່າງສ້າງສິ່ງປະດິດຊັ້ນຍອດ ຊື່ງການແຂ່ງຂັນນັ້ນເປັນເລື່ອງດີສະເໝີ”