ບຳລຸງສາຍຕາງ່າຍໆພຽງແຕ່ກິນຜັກ 5 ຊະນິດນີ້

ມື້​ນີ້​ເຮົາ​ຈະ​ພາ​ມາ​ເຮັດ​ຄວາມ​ຮູ້​ຈັກ​ກັບ​ຜັກ​ 5 ຊະນິດ​ ທີ່​ຈະ​ຊ່ວຍ​ບຳ​ລຸງ​ສາຍ​ຕາ​ຂອງ​ເຮົາ​ໃຫ້​ແຈ້ງຂຶ້ນກວ່າເກົ່າ​ ໃຜ​ຢາກ​ຮູ້​ວ່າ​ມີ​ຜັກ​ຫຍັງ​ດ້ວຍ​ໄປເບີ່ງເລີຍ.​
1. ຜັກ​ບົ່ງ​

ຊ່ວຍ​ບຳ​ລຸງ​ສາຍ​ຕາ​ ບໍ່​ເຮັດໃຫ້​ປວດ​ຕາ,​ ສາຍ​ຕາ​ສັ້ນ,​ ແສບ​ຕາ,​ ຈາກ​ຜັກ​ບົ່ງ​ ກໍ​ຕ້ອງ​ກິນ​ຜັກ​ບົ່ງ​ດິບ​ ທັງ​ວິ​ຕາ​ມິນ​ A ແລະ​ວິ​ຕາ​ມິນ​ C ທັງຫມົດ​ເຖິງ​ເບ​ຕ້າ​-ແຄ​ໂລ​ທີນ​ ເປັນ​ວິ​ຕາ​ມິນ​ທີ່​ຊ່ວຍ​ປ້ອງ​ກັນ​ມະ​ເຮັງ​ໄດ້​ດ້ວຍ​ ນອກ​ຈາກ​ວິ​ຕາ​ມິນ​ແລ້ວ​ ຜັກ​ບົ່ງ​ຍັງມີ​ເກື່ອ​ແຮ່​ ມີ​ທາດ​ເຫຼັກ​ທີ່​ຊ່ວຍ​ບຳ​ລຸງ​ເລືອດ.​
2. ຫົວກາລົດ​

ມີ​ສານ​ເບ​ຕ້າ​ແຄ​ໂລທີນ​ຫລາຍ​ທີ່ສຸດ​ໃນ​ບັນດາ​ຜັກ​ສີ​ສົ້ມ​ ນອກ​ຈາກ​ນີ້​ມັນ​ກໍ​ຍັງມີ​ໄວ​ຕາ​ມິນ​ແລະ​ແຮ່ທາດ​ອື່ນ​ອີກ​ຫຼາຍ​ຊະ ນິດ​ ເບ​ຕ້າ​ແຄໂລ​ທີນ​ກໍ​ຄື​ໄວ​ຕາ​ມິນ​ເອ​ ຊຶ່ງ​ຊ່ວຍ​ໃນ​ການ​ບຳ​ລຸງ​ຮັກສາ​ດວງ​ຕາ​ເພາະ​ມັນ​ມີ​ຜົນ​ຕໍ່​ປະຕິກິລິຍາ​ເຄ​ມີ​ຂອງ​ດວງ​ຕາ​ຕໍ່​ແສງ​ ໄວ​ຕາ​ມິນ​ເອ​ຍັງ​ຊ່ວຍ​ໃຫ້​ມີ​ຜິວ​ທີ່​ດີ​ອີກ​ດ້ວຍ​ແລະ​ຊ່ວຍ​ສ້າງ​ພູ​ມ​ຄຸ້ມ​ກັນ​ພະຍາດ​ຕ່າງ​ໆ​ເຊັ່ນ​ມະ​ເຮັງ​ໄດ້​ດີ.​
3. ຕຳ​ລືງ​

ມີ​ຄຸນຄ່າ​ທາງ​ອາຫານ​ສູງ​ ມີ​ບີ​ຕາ​ແຄ​ໂລ​ທີນ​ທີ່​ດີ​ທີ່ສຸດ​ ບີ​ຕ້າ​ແຄ​ໂລ​ທີນ​ເປັນ​ສານ​ກຸ່ມ​ຄາ​ໂລທີນ​ອຍ​ເຮັດ​ຫນ້າທີ່​ກອງ​ແສງ​ໃຫ້​ກັບ​ດວງ​ຕາ​ ປ້ອງ​ກັນ​ໄຟ​ເບີ​ຂອງ​ເລນ​​ຕາ​ຈາກ​ຄວາມ​ເສຍ​ຫາຍ​ທີ່​ອາດ​ເກີດ​ຂຶ້ນ​ຈາກ​ການ​ຖືກ​ອອກ​ຊິ​ໄດ​​ດ້ວຍ​ແສງ​ ປ້ອງ​ກັນ​ການ​ເກີດ​ຕໍ້​ ບີ​ຕາ​ແຄ​ໂລ​ທີນ​ເປັນ​ສານ​ທີ່​ປ່ຽນ​ເປັນ​ວິ​ຕາ​ມິນ​ເອ​ໄດ້​ ຈັດ​ເປັນ​ສານ​ກຸ່ມ​ຄາ​ໂລ​ທີນ​ນອຍ​​ທີ່​ມີປະ​ສິດ​ທິ​ພາບ​ການ​ເຮັດ​ວຽກງານ​ດີ​ທີ່ສຸດ​.
4. ກາດ​ນ້າ​

ມີ​ສານ​ຕ້ານ​ອະ​ນຸ​ມູນ​ອິດສະຫລະ​ ຄື​ວິ​ຕາ​ມິນ​ຊີ​ແລະ​ເບ​ຕ້າ​-ແຄ​ໂລ​ທີນ​ ຊຶ່ງ​ຮ່າງ​ກາຍ​ຈະ​ປ່ຽ​ນ​ເປັນ​ວິ​ຕາ​ມິນ​ເອ​ທີ່​ມີ​ຜົນ​ຕໍ່​ການ​ບຳ​ລຸງ​ສາຍ​ຕາ​ ເສີມ​ສ້າງ​ສຸຂະພາບ​ຜິວ​ພັນ​ແລະ​ຕ້ານ​ທານ​ການ​ຕິດ​ເຊື້ອ​.
5. ໝາກອຶ​

ມີ​ປະໂຫຍດ​ຫຼາຍ​ຢ່າງ​ເຊັ່ນ​ ຊ່ວຍ​ບຳ​ລຸງ​ສາຍ​ຕາ​, ຜິວ​ພັນ,​ ລະບົບ​ຍ່ອຍ​ອາຫານ​ ບຳ​ລຸງ​ຕັບ​ຫມາກໄຂ່ຫລັງ​ສ້າງ​ເຊວ​ໃໝ່​ແທນ​ເຊວ​ເກົ່າ​ທີ່​ຕາຍ​ໄປ​ແລ້ວ​ ມີ​ສານ​ລູ​ທີນ​ປ້ອງ​ກັນ​ການ​ເຊື່ອມ​ຂອງ​ຈຸດ​ຫລື​ແສງ​ສີ​ຂອງ​ເຮ​ຕິ​ນາ​ມີ​ວິ​ຕາ​ມິນ​ເອ​ບຳ​ລຸງ​ສາຍ​ຕາ​ ມີ​ເບ​ຕາ​ແຄ​ໂລ​ທີນ​ຊຶ່ງ​ມີ​ສານ​ Antioxidant ສູງ​ຈຶ່ງ​ຊ່ວຍ​ຕ້ານ​ມະ​ເຮັງ​ໄດ້​ອີກ​ດ້ວຍ​.

=========================================================================================