ບາຊາ ສົນດຶງ ດິບາລາ ຮ່ວມທັບຊ່ວຍ "ເອັມເອສເອັນ"

ລື ບາເຊໂລນາ ສະໂມສອນດັງຈາກ ລາ ລີກາ ສະເປນ ໃສ່ຊື່ ເປົາໂລ ດີບາລາ ກອງເລືອດຟ້າ-ຂາວ ຂອງ ຢູເວັນຕຸດ ເປັນເປົ້າໝາຍລ່າໂຕລຳດັບຕົ້ນໆຫວັງເອົາມາຊ່ວຍແບ່ງເບົາພາລະຂອງ “ເອັມເອສເອັນ” ແຕ່ນອກຈາກຕ້ອງຖ້າຈົນພັກລະດູການແລ້ວອາດຈະຍັງຕ້ອງທຸ່ມເງິນມະຫາສານອີກ.

ບາເຊໂລນາ ໂຄດທີມແຫ່ງວົງການບານເຕະ ຕົກເປັນຂ່າວວ່າສົນໃຈດຶງໂຕ ເປົາໂລ ດີບາລາ ກອງໜ້າທີມຊາດ ອາເຈັນຕິນາ ຂອງ ຢູເວັນຕຸດ ມາຫຼິ້ນໃນ ແຄັມນູ ເພື່ອໄວ້ສະລັບສັບປ່ຽນຫຼິ້ນແທນ ເມສຊີ, ຊົວເຣດ ແລະ ເນມາ ທີ່ຮັບຜິດຊອບຫຼາຍເກີນໄປຈົນໃນລາຍຂອງ ເມສຊີ ຕ້ອງເຈັບໜັກຕັ້ງແຕ່ເດືອນກັນຍາ ແລະ ຫາກໍກັບມາຫຼິ້ນໄດ້ໃນເກມ ເອວ ກລາຊິໂກ້ ທີ່ພົບກັບ ເຣອັນ ມາດຣິດ ເມື່ອອາທິດທີ່ຜ່ານມາ.

ລາຍງານຂ່າວອ້າງວ່າ ບາຊາ ເລີ່ມທີ່ຈະເບິ່ງຫາກອງໜ້າໂຕເລືອກຄົນໃໝ່ແລ້ວ ເພື່ອມາແບ່ງເບົາພາລະຂອງກອງໜ້າສາມຄົນ ແລະ ຖ້າເປັນໄປໄດ້ພວກເຂົາກໍຢາກໄດ້ຕັ້ງແຕ່ເດືອນມັງກອນນີ້ເລີຍ ແຕ່ບັນຫາຄື ພວກເຂົາບໍ່ມີເງິນຫຼາຍພໍທີ່ຈະໄປກົດນັກເຕະຝີຕີນຂັ້ນເທບມາຮ່ວມທີມໄດ້ ແລະ ໜຶ່ງໃນເປົ້າໝາຍທີ່ເຂົາເລັງໄວ້ຄື ດີບາລາ ເຊິ່ງເປັນນັກເຕະທີ່ ຫຼຸຍ ເອັນຣິເກ້ ມັກເຮັດພວກເຂົາຈະຕ້ອງຖ້າຈົນຮອດຊ່ວງພັກລະດູການ ຈຶ່ງດຳເນີນທາບທາມ.

ດີບາລາ ຍ້າຍຈາກ ປາລາໂມ ມາຫຼິ້ນກັບ ຢູເວັນຕຸດ ດ້ວຍຄ່າໂຕເບື້ອງຕົ້ນ 32 ລ້ານເອີໂຣ ແລະ ປັບໂຕເຂົ້າກັບທີມໄດ້ແລ້ວ ຕອນນີ້ເປັນດາວຊັນໂວປະຈຳທີມ ຍິງໄປ 6 ລູກຈາກເກມລີກ 12 ນັດ ດັ່ງນັ້ນໂອກາດທີ່ ບາຊາ ຈະສອຍກອງໜ້າອາຍຸ 22 ປີ ໄປຫຼິ້ນກັບທີມຈຶ່ງເປັນໄປໄດ້ຍາກ ຖ້າໃຈບໍ່ເຖິງ ແລະ ທຸ່ມເງິນຈຳນວນມະຫາສານ.

..................................................................................................................................................