ບາຊາເລັງດຶງເບເຢຣິນຊຳເມີນີ້

 

ເອັກຕໍ ເບເຢຣິນ ແບັກຕົວເກັ່ງຂອງ ອາເຊນອນ ກາຍເປັນເປົ້າໝາຍ ບາເຊໂລນາ ໃນຊຳເມີນີ້ ຫຼັງຈາກທີ່ ບາຊາ ສົ່ງຕົວແທນໄປຈັບຕາເບິ່ງຟອມໃນເກມ ຢູຟາ ແຊມປຽນ ລີກ ເມື່ອອາທິດກ່ອນ.

 

ຕົວແທນຈາກ ບາຊາ ມາຈັບຕາເບິ່ງຟອມການຫຼິ້ນຂອງ ເບເຢຣິນ ໃນເກມ ຢູຟາ ແຊມປຽນ ລີກ ທີ່ ອາເຊນອນ ບຸກໄປປລາໄຊໃຫ້ກັບ ບາເຢິນ ມິວນິກ ເມື່ອອາທິດຜ່ານມາຫາກໍຕໍ່ສັນຍາໃໝ່ກັບ “ປືນໃຫຍ່” ອອກໄປຕອນເດືອນພະຈິກປີຜ່ານມາ ແຕ່ກໍເຊື່ອວ່າເປັນເລື່ອງຍາກທີ່ສະໂມສອນຈະດຶງນັກເຕະເອົາໄວ້ຖ້າວ່າ ບາຊາ ຍື່ນຂໍ້ສະເໜີເຂົ້າມາ.

 

ບາຊາ ພ້ອມທີ່ຈະດຶງຕົວ ເບເຢຣິນ ກັບໄປຮ່ວມທີມອີກເທື່ອໜ່ຶງຫຼັງຈາກທີ່ພວກເຂົາໄດ້ເສຍນັກເຕະຈາກສູນຝຶກເຍົາວະຊົນຂອງທີມເມື່ອປີ 2011 ໂດຍປັດຈຸບັນນັກເຕະລົງສະໜາມໄປແລ້ວເກືອບ 100 ນັດໃຫ້ກັບ ອາເຊນອນ ແລະ ຍຶດຕຳແໜ່ງແບັກຂວາເປັນການຖາວອນ.

 

ດ້ວຍອະນາຄົດທີ່ບໍ່ແນ່ນອນຂອງ ອະເລັກຊິສ ຊານເຊດ ແລະ ເມຊຸດ ໂອຊິວ ເຮັດໃຫ້ ອາເຊນອນ ບໍ່ຢາກທີ່ຈະເສຍ ເບເຢຣິນ ໄປແຕ່ຈາກການທີ່ ອາແຊນ ເວນເກີ ຜູ້ຈັດການທີມ ຍັງບໍ່ໄດ້ຕັດສິນໃຈວ່າເຂົາຈະຄຸມທີມຕໍ່ໄປ ຫຼື ບໍ່ຈຶ່ງເປັນໂອກາດດີທີ່ ບາຊາ ຈະຍື່ນຂໍ້ສະເໜີເຂົ້າມາໃນຊຳເມີນີ້.