ບາຊາເລັງດຶງເຊດຣິກຈາກນັກບຸນ

 

ບາເຊໂລນາ ຕົກເປັນຂ່າວວ່າເລັງດຶງ ເຊດຣິກ ຊົວເຣດ ແບັກຂວາຂອງ ເຊົາແຮມຕັນ ໃນຊ່ວງຊຳເມີນີ້ຫຼັງຈາກທີ່ມີບັນຫາໃນຕຳແໜ່ງນີ້ມາຕະຫຼອດ ຄາດວ່າ ບາຊາ ຕ້ອງຈ່າຍຢ່າງໜ້ອຍ 15 ລ້ານປອນຖ້າວ່າຢາກໄດ້ນັກເຕະໄປຮ່ວມທີມ.

 

ດາວເຕະທີມຊາດປັອກຕຸຍການຍ້າຍຈາກ ສະປອດຕິງ ລິສບອນ ສະໂມສອນໃນບ້ານເກີດມາຢູ່ໃນຖິ່ນ ເຊັນ ແມຣີ ດ້ວຍຄ່າຕົວ 5 ລ້ານປອນເມື່ອປີ 2015 ໂດຍມີສັນຍາຈົນຮອດປີ 2020 ແລະ ມີລາຍງານວ່າ ບາຊາ ຈະຕ້ອງຈ່າຍຢ່າງໜ້ອຍ 15 ລ້ານປອນຖ້າຫວັງຈະດຶງນັກເຕະໄປຮ່ວມຖິ່ນ ແຄມນູ.

 

ບາຊາ ຊອກຫາແບັກຂວາຕົວໃໝ່ເນື່ອງຈາກພວກເຂົາມີບັນຫາໃນຕຳແໜ່ງນີ້ມາຕະຫຼອດນັບຕັ້ງແຕ່ ດານີ ອາວເວສ ຍ້າຍອອກໄປ ແລະ ເບິ່ງວ່າ ເຊດຣິກ ຊົວເຣດ ເປັນນັກເຕະທີ່ມີສະຕາຍການຫຼິ້ນທີ່ເໝາະກັບທີມ ຂະນະທີ່ ເຊົາແຮມຕັນ ຕ້ອງພົບກັບຄວາມທ້າທາຍອີກເທື່ອໜຶ່ງໃນຊ່ວງຊຳເມີນີ້ເມື່ອທັງ ເຟີຈິວ ຟານ ໄດ ແລະ ໄຣອັນ ເບີທຣານ 2 ກອງຫຼັງຕົວເກັ່ງຕາງກໍຕົກເປັນເປົ້າໝາຍຂອງ ເຊວຊີ ແລະ ແມນເຊສເຕີ ຊີຕີ ຕາມລຳດັບ.

 

 

ບົດຄວາມໃຫມ່ໆ