ບາຊາເລັງຍື່ນ 20 ລ້ານປອນດຶງຄຣິສເຕັນເຊັ້ນຮ່ວມທັບ

 

ສື່ຜູ້ດີຕີຂ່າວ ບາເຊໂລນາ ກຽມທຸ່ມເງິນກ້ອນໃຫຍ່ 20 ລ້ານປອນເພື່ອດຶງໂຕ ອັນເດຣສ ຄຣິສເຕັນເຊັ້ນ ກອງຫຼັງຂອງ ໂບຣຸສເຊຍ ມິວເຊັນກັດບັກ ທີ່ຢືມໂຕມາຈາກ ເຊວຊີ ມາທົດແທນ ເຄຫຼາດ ປີເກ້ ໃນໄລຍະຍາວ.

 

“ເດິຊັນ” ສື່ກິລາຊື່ດັງຂອງອັງກິດລາຍງານວ່າ ບາເຊໂລນາ ສະໂມສອນມະຫາອໍານາດລູກໜັງສະເປນພ້ອມຍື່ນຂໍ້ສະເໜີ 20 ລ້ານປອນເພື່ອດຶງໂຕ ອັນເດສ ຄຣິສເຕັນເຊັ້ນ ເຊັນເຕີແບັກສັນຍາເຊົ່າຂອງ ໂບຣຸສເຊຍ ມິວເຊັນກັດບັກ ທີມດັງຂອງ ບຸນເດສລີກາ ມາເສີມທັບໃນແນວຮັບ.

 

ກອງຫຼັງທີມຊາດເດັນໝາກອາຍຸ 20 ປີເຂົ້າສູ່ປີສຸດທ້າຍັບ “ສິງໜຸ່ມ” ໃນສັນຍາເຊົ່າ 2 ປີຈາກ ເຊວຊີ ທີມຍັກໃຫຍ່ຂອງອັງກິດ ແລະ ຫາກໍລົງຫຼິ້ນໃຫ້ຕົ້ນສັງກັດໃນນັດທີ່ເສຍໃຫ້ກັບ ບາເຊໂລນາ 1-2 ຄາບ້ານໃນເກມ ຢູຟາ ແຊມປຽນລີກ ຮອບແບ່ງກຸ່ມເມື່ອວັນທີ 28 ສິງຫາທີ່ຜ່ານມາ.

 

ຫຼ້າສຸດ “ເດິຊັນ” ອ້າງວ່າທີມຂອງ ຫຼຸຍ ເອັນຣິເກ້ ເບິ່ງວ່າ ຄຣິສເຕັນເຊັ້ນ ເປັນຕົວຕາຍຕົວແທນທີ່ດີຂອງ ເຄຫຼາດ ປີເກ້ ກອງຫຼັງທີມຊາດສະເປນໃນໄລຍະຍາວ ແລະ ພ້ອມທີ່ຈະຈົກເງິນກ້ອນໃຫຍ່ປະມານ 20 ລ້ານປອນຫວັງດຶງນັກເຕະມາຮ່ວມທີມເຖິງວ່ານັກເຕະຍັງບໍ່ໄດ້ລົງສະໜາມໃຫ້ກັບ ເຊວຊີ ພຽງແຕ່ເກມດຽວເລີຍກໍຕາມ.

 

ບົດຄວາມໃຫມ່ໆ