ບາຊາສໍ່ຖືກລົງດາບແຟນບານຮ້ອງໃສ່ໂດ້ເລື່ອງຮັກຮ່ວມເພດ

 

ຝ່າຍຈັດ ລາ ລີກາ ອາດຈະສັ່ງລົງດາບ ບາເຊໂລນາ ຫຼັງຈາກທີ່ແຟນບານໃນ ແຄມນູ ພ້ອມໃຈກັນເວົ້າກ່ຽວກັບເລື່ອງຮັກຮ່ວມເພດໂດຍມີເປົ້າໝາຍທີ່ ຄຣິສຕຽນໂນ ໂຣເນົາໂດ ດາວດັງຂອງ ເຣອັນ ມາດຣິດ ລະຫວ່າງເກມທີ່ກິນກັນບໍ່ລົງກ່ອນຈົບດ້ວຍການສະເໝີກັນແບບດຸເດືອດ.

 

ບາເຊໂລນາ ສະໂມສອນຍັກໃຫຍ່ຂອງ ລາ ລີກາ ສະເປນມີໂອກາດຖືກລົງໂທດທາງວິໄນຫຼັງຈາກທີ່ແຟນບານຮ້ອງໃສ່ ຄຣິສຕຽນໂນ ໂຣເນົາໂດ ດາວຍິງຂອງ ເຣອັນ ມາດຣິດ ວ່າເປັນພວກຮັກຮ່ວມເພດລະຫວ່າງເກມ “ເອວ ກລາຊິໂກ” ທີ່ສະເໝີກັນ 1-1 ໃນສະໜາມ ແຄມນູ ເມື່ອວັນເສົາທີ່ຜ່ານມາ.

 

ແຟນບານເຈົ້າຖິ່ນປະມານ 98,000 ຄົນພ້ອມໃຈກັນຮ້ອງໃສ່ດາວດັງ “ລາຊາຊຸດຂາວ” ດັງທົ່ວສະໜາມໃນຊ່ວງທ້າຍເກມວ່າ “Cristiano come out of the closet” ເຊິ່ງໝາຍຄວາມວ່າ “ຄຣິສຕຽນໂນ ເປີດຕົວເລີຍວ່າເຈົ້າດຶງດູດເພດດຽວກັນ” ຫຼັງກ່ອນໜ້ານີ້ມີລາຍງານວ່ານັກເຕະອາດມີສຳພັນພິເສດກັບ ບາດ ຮາຣີ ນັກກິລາຄິກບັອກຊິງເພື່ອນສະນິດຫຼັງບິນໄປຫາທີ່ປະເທດໂມຣັອກໂຄເຖິງ 4 ມື້ຕໍ່ອາທິດ.

 

ສຳລັບເທື່ອບໍ່ແມ່ນເທື່ອທຳອິດທີ່ ໂຣເນົາໂດ ຖືກແຟນບານຄູ່ແຂ່ງກະທຳລັກສະນະດຽວກັນຫຼັງກ່ອນໜ້ານີ້ເຄີຍຖືກກອງເຊຍ ແອັດເລຕິໂກ ມາດຣິດ ຕະໂກນຮ້ອງເພງດຽວກັນໃສ່ມາແລ້ວໃນເກມທີ່ ເຣອັນ ມາດຣິດ ບຸກຊະນະ “ກາໝີ” 3-0 ທີ່ສະໜາມ ບິເຊັນເຕ ກັນເດຣອນ ເມື່ອເດືອນພະຈິກທີ່ຜ່ານມາ.