ບາຊາຈູກເລີຍ..ຊິວເລສເຊັນເຈັບນັ່ງຕັ່ງຍາວເກືອບເດືອນ

 

ບາເຊໂລນາ ຟັນທຸງ ຢາສເປີ ຊິວເລສເຊັນ ນາຍທະວານຂອງທີມຈຳເປັນຕ້ອງພັກຍາວ 3 ອາທິດເພາະມີບັນຫາບາດເຈັບທີ່ຂໍ່ຂາໂດຍຈະອົດລົງຊ່ວຍທີມເຖິງ 5 ເກມ.

 

ບາເຊໂລນາ ສະໂມສອນຍັກໃຫຍ່ຂອງ ລາ ລີກາ ສະເປນປະກາດຢືນຢັນເມື່ອວັນຈັນທີ່ຜ່ານມາ ຢາສເປີ ຊິວເລສເຊັນ ຜູ້ຮັກສາປະຕູຂອງທີມຈະລົງຫຼິ້ນບໍ່ໄດ້ເປັນເວລາປະມານ 3 ອາທິດ ຫຼັງຈາກທີ່ມີບັນຫາອາກການບາດເຈັບບໍລິເວນຂໍ່ຂາລະຫວ່າງການຝຶກຊ້ອມກັບທີມຊາດໂຮນລັງ.

 

ການບາດເຈັບຄັ້ງນີ້ເຮັດໃຫ້ມືກາວອາຍຸ 27 ປີຈະບໍ່ໄດ້ລົງຊ່ວຍຕົ້ນສັງກັດໃນເກມລີກທີ່ພົບກັບ ເດປໍຕິໂບ ລາກໍລຸນຢາ, ບາເລັນເຊຍ ແລະ ກຣານາດ້າ ລວມເຖິງເກມ ຢູຟາ ແຊມປຽນ ລີກ 2 ນັດທີ່ຈະດວນກັບ ແມນເຊສເຕີ ຊີຕີ ອີກດ້ວຍ.

 

ຢ່າງໃດກໍຕາມ ຊິວເລສເຊັນ ເຊິ່ງຫາກໍຍ້າຍມາຈາກ ອາແຈັກ ອຳສະເຕີດຳ ເປັນພຽງມືສອງຮອງຈາກ ມາກ-ອັນເດຣ ແຕ ສະເຕເກັນ ນາຍທະວານເລືອດເບຍເທົ່ານັ້ນ ແລະ ລະດູການນີ້ກໍລົງຫຼິ້ນພຽງນັດດຽວໂດຍເປັນເກມທີ່ ບາຊາ ເສຍທ່າປລາໄຊໃຫ້ກັບ ເດປໍຕິໂບ ອະລາເບສ ຄາບ້ານ 1-2 ເມື່ອຊ່ວງເດືອນກັນຍາທີ່ຜ່ານມາ.