ບາຊາຈືດ!!ເມສຊີເຈັບພັກຍາວ 3 ອາທິດ

 

ບາເຊໂລນາ ໄດ້ຂ່າວຮ້າຍເມື່ອ ລີໂອເນວ ເມສຊີ ກອງໜ້າຂອງທີມຈະບໍ່ໄດ້ລົງຫຼິ້ນ 3 ອາທິດຫຼັງຈາກທີ່ໄດ້ຮັບອາການບາດເຈັບຈາກເກມທີ່ສະເໝີກັບ ແອັດເລຕິໂກ ມາດຣິດ ເມື່ອວັນພຸດທີ່ຜ່ານມາ ເຜີຍເປັນອາການບາດເຈັບທີ່ຂາໜີບຫຼັງຈາກທີ່ປະທະກັບ ດີເອໂກ້ ໂກດິນ ຈົນຕ້ອງຖືກປ່ຽນໂຕອອກ.

 

ລີໂອເນວ ເມສຊີ ກອງໜ້າຂອງ ບາເຊໂລນາ ສະໂມສອນຍັກໃຫຍ່ຂອງ ລາ ລີກາ ສະເປນ ຈະໝົດສິດລົງສະໜາມເປັນເວລາ 3 ອາທິດຫຼັງຈາກທີ່ໄດ້ຮັບບາດເຈັບໂຄນຂາໜີບຈາກເກມລີກນັດຫຼ້າສຸດທີ່ຕົ້ນສັງກັດສະເໝີກັບ ແອັດເລຕິໂກ ມາດຣິດ 1-1 ທີ່ສະໜາມ ແຄັມນູ ເມື່ອວັນພຸດທີ່ຜ່ານມາ.

 

ຊຸບເປີສະຕາທີມຊາດອາເຈັນຕິນາຕ້ອງຖືກປ່ຽນໂຕອອກຫຼັງຈາກທີ່ຫຼິ້ນມາໄດ້ຄົບຊົ່ວໂມງ ເນື່ອງຈາກວ່າໄດ້ຮັບບາດເຈັບທີ່ຂາໜີບເບື້ອງຂວາຈາກຈັງຫວະທີ່ຍາດບານກັບ ດີເອໂກ້ ໂກດິນ ໂດຍກ່ອນໜ້ານີ້ ເມສຊີ ກໍເຄີຍໄດ້ຮັບບາດເຈັບແບບດຽວກັນນີ້ມາແລ້ວຈາກການຫຼິ້ນໃຫກັບທີມຊາດ ແລະ ຫຼ້າສຸດຈະໝົດສິດລົງຟາດແຄ່ງໃນ ຢູຟາ ແຊມປຽນ ລີກ ກັບ ໂບຣຸສເຊຍ ມິວເຊັນກັດບັກ ຄູ່ແຂ່ງຈາກເຢຍລະມັນ.

 

ສຳລັບ ເມສຊີ ຈະບໍ່ໄດ້ລົງຊ່ວຍທີມໃນເກມລີກທີ່ທີມຈະຕ້ອງພົບກັບ ສະປອດຕິ້ງ ລິສບອນ ແລະ ເຊວຕ້າ ບີໂກ້ ລວມທັງຕ້ອງເລັ່ງຄວາມຟິດກັບມາໃຫ້ທັນເກມກັບ ແມນເຊສເຕີ ຊີຕີ ທີມດັງຂອງເມືອງຜູ້ດີທີ່ສະໜາມ ແຄັມນູ ຊ່ວງປາຍເດືອນຕຸລານີ້.

 

ບົດຄວາມໃຫມ່ໆ